JEREMIA 23:29 - Pathien Lekhabu Inthieng (BSI)

²⁹ Ka thu chu mei ang a ni nâwm a nih, lungpui khawm suknawitu tu- bau ang chu? LALPA chun a tih.

JEREMIA 23:29 ပူးပေါင်းရင်းမြစ်များ

JEREMIA 20:9

Chun, ama chanchin hi hril nâwng ka ta, a hmingin thu hril naw ningah, ti ding ni lang, ka ruhai sûnga mei khâr nela chawk ang elin ka lungrila hin a um a, ka topui ṭawk ṭawk thei nawh a, ka umpui thei nawh a.

JEREMIA 5:14

Chuleiin, LALPA, sipaihai Pathien chun hieng hin a tih: Hieng thuhai hi in hril leiin, ngai ta, i baua chun ka thuhai chu meiah inchangtir ka ta, hi mipuihai hi a thingah, chuongchun, anni chu kânghmang a tih.

HOSEA 6:5

Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

LUKA 24:32

chun, anni chun, “Lampuia a mi biek laia Pathien Lekha Thuhai a mi hrilfie lai khan ei lungril a har huoi hrim naw am a ni kha?” an in tih a.

JOHAN 6:63

Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

THILTHAWHAI 2:3

Chun, leihai ama le ama insemin, mei angin an kuomah a hung inlâr ta a.

THILTHAWHAI 2:37

Chun, chuong thu chu an hrietin an lungrilah sun ang an lo ni tah a, Peter le tirko danghai kuoma chun, “Unauhai, iengtin am thaw tâng kan ta?” an tih a.

2 KORINTH 2:16

pâwl khathai ta ding chun, thinaa inthawka thina ding rim kan lo ni a, pâwl danghai ta ding chun, hringnaa inthawka hringna ding rim kan lo nih.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

THUPUONGSUO 11:5

Anni chu tûkhawmin suknat an tum chun, an baua inthawkin mei a hung suok a, an hmêlmahai chu a kânghmang hlak. Tûkhawmin anni chu suknat tum ang sienla, chuong ang bawka sukhlumin an um ding a nih.