JEREMIA 23:26 - Pathien Lekhabu Inthieng (BSI)

²⁶ Zâwlnei thukhêl hriltuhai, anni lungril inhlêmnaa zâwlneihai chu, chuonghai lungrila chun hi hi ieng- chen am a um ding a na?

JEREMIA 23:26 ပူးပေါင်းရင်းမြစ်များ

INPÂKNA HLABU 4:2

Aw mihriem nauhai, ka ropuina hi ieng chen am muolphonaah in inchan ding a na? Iengchen am thil teplo hi ngainâng in ta, khêlthu hi in zawng ding?

ISAI 30:10

hmutheituhai kuomah, “Hmu naw ro,” zâwlneihai kuomah, “Thil indikhai mi hrillâwk ro, thil inhawi tieng kan kuomah hril ro, hlêmna thu hrillâwk naw ro;

JEREMIA 13:27

Ramhnuoi muol chunghaia i châkna hurna, i în hrâmnahai, i uire- nahai, i tirdakumnahai chu ka hmuh a. Aw Jerusalem, i chung a va rik de! sukthieng i ni âwm si nawh a, ieng chen am a la ni ding chu aw?

JEREMIA 14:14

chun, LALPA chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir nawh a, thu khawm ka pêk nawh a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

HOSEA 8:5

Aw Samaria, i sebâwngte lim chu a hnâwl ie; An chungah ka lunginsen êm êm a nih. Nun tluongtlama an um thei hma chu ieng chen tak am a ni ding chu.

THILTHAWHAI 13:10

“Nang mi hlêm le theidaum tinrênga sippa, nang diebol naupa, nang felna tinrêng kawp nawpa, Lalpa kawng feltakhai hi suksiet ma naw ti ni maw?

2 TIMOTHE 4:3

Inchûktirna indik an ngai pei naw hun a la tlung ding a ni sih a; an nahai ân za leiin anni dit zâwng angin inchûktirtuhai an kuomah inkhâwm lem an tih.

2 PETER 1:21

Thu hrillâwk hrim hrim hi mihriem thua suok a ni ngai si nawh a, mihaiin Thlarau Inthieng tirin, Pathien kuoma inthawkin an hril lem hlak a nih.