JEREMIA 23:25 - Pathien Lekhabu Inthieng (BSI)

²⁵ ‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

JEREMIA 23:25 ပူးပေါင်းရင်းမြစ်များ

INṬANNA 37:5

Chun, Josef chun mang a nei a, a uhai kuoma a hril chun ama chu an theida zuol tah a.

INṬANNA 37:9

Chun, mang dang a nei nâwk a, a uhai chu a hril nâwk a, “Ngai ta u, mang ka nei nâwk a, nisa, thla le arasi sâwmpakhat khin chibai an mi lo bûk chu tie,” a tih a.

INPÂKNA HLABU 139:2

Nangin ka ṭhung le ka ngîr hi i hriet hlak a, Ka ngaituona hi hlataka inthawk khawmin i hriet thiem hlak.

INPÂKNA HLABU 139:4

Ngai ta, aw LALPA nangin i hriet fai vawng naw chu, Ka leia hin thu hrim hrim a um nawh.

JEREMIA 13:27

Ramhnuoi muol chunghaia i châkna hurna, i în hrâmnahai, i uire- nahai, i tirdakumnahai chu ka hmuh a. Aw Jerusalem, i chung a va rik de! sukthieng i ni âwm si nawh a, ieng chen am a la ni ding chu aw?

JEREMIA 14:14

chun, LALPA chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir nawh a, thu khawm ka pêk nawh a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 16:17

An lampuihai po po chu ka mit chun a en zing a, ka hmaia inthawka thup an ni nawh a, ka mithmua inthawkin an suolnahai khawm chu thup a ni bawk nawh.

JEREMIA 23:28

Zâwlnei mang nei chun a mang chu hril sienla, keima thu hretu chun keia thu chu ringumtakin hril bawk raw se. Bu le a kûng chun ieng am inangna an nei a? LALPA chun a tih.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, LALPA chun a tih; anni chu ka tir nawh a, thu khawm ka pêk nawh a; hi hnam hi suksâwt chuong dêr bawk naw ni hai, LALPA chun a tih.”

JEREMIA 27:10

in rama inthawka hlataka sawnhmang ding cheuin anni chun khêlthu an hril cheu a ni sih a; nangni chu ka hnawt suok cheu a, in bo- hmangna dingin.

JEREMIA 27:15

LALPA chun a tih: Anni chu ka tir si nawh a, nisienlakhawm, ka hmingin thukhêl chu an hril a nih; nangni chu ka hnawt suok theina ding cheu le, nangni le zâwlnei in kuoma thuhriltuhai chu in bohmang theina dingin,” tiin.

JEREMIA 29:23

Israel rama chun invêtthlâk- takin thil an thawh a, an tuolbâwm- hai nuhmei le chun an uireh a, ka hming sâlin ka thupêk loa khêl thu an hril leiin; chun, kei chu a hretu, a hrietpuitu chu ka nih, LALPA chun a tih.

JEREMIA 29:8

Sipaihai LALPA Israel Pathien chun hieng hin a tih: Nangni laia in zâwlnei umhai le, in khawhri zâwl- haiin hlêm naw raw se cheu, chun, in manghai in imang khawm chu ring bawk naw unla.

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr nawh a, mi tin chun mâni lampui seng an hrawh a, indonaa sakawr tlân bingbilet ang chun.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk cheh a; I sal nina hung lakîr dingin, i suolna hlak an hmusuok thei si nawh a. Nanga ta dingin hlêmna le, teplo thu mei mei chau chu an hmupêk cheh a.

EZEKIEL 22:28

Chun, a zâwlneihai chun an kuoma aisân inkhêlhai le, teplohai chu hmuin anni ta ding chun chirhak sukhnâk lo chun an chârkhum a; LALPAIN thu a hril naw sa khawma, Lalpa PATHIEN chun hieng hin a tih, an tih a.

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

ZEKARIA 13:3

Chun, anni mi tukhawma an thu an la hrillâwk zing chun, an nu le pa anni neitu ngei chun, ‘Dam naw ti ni; LALPA hmingin khêlthu i hril sih a,’ tîng an tih; chuongchun, a thu hril lai le le chun a nu le pa ama neitu chun ama chu sunthleng an tih.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei LALPA hi inlârnain inhriettir ka ta, mang tieng bieng ka tih.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

LUKA 12:3

Chuleiin, inthima in hril taphawt kha varah la hrieng an tih; pindan sûngrila, na bula in thu hril kha in chunga chuongin la khêkpui an tih.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.