JEREMIA 23:14 - Pathien Lekhabu Inthieng (BSI)

¹⁴ Jerusalema zâwlneihaia khawm thil râpthlâktak ka hmuh a; anni chun uiretna thil an thawh a, thukhêlah an feh a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 23:14 ပူးပေါင်းရင်းမြစ်များ

INṬANNA 13:13

Chun, Sodom mihai chu Pathien mithmuin nasataka ṭha naw le suolin an um a.

INṬANNA 18:20

Chuongchun, LALPA chun, “Sodom le Gomorra khêkri a nasa hlein, an suol a nasa êm êm a ni ngei a nih;

INṬANNA 19:24

Chun, LALPA chun Sodom le Gomorra chunga chun vâna LALPA kuoma inthawk kât le mei ân sûrtir a;

INṬANNA 19:25

chuongchun, chuong khuohai chu, phaizâwl po po, khuoa mi po pohai le, hnuoia thil mâwnghai le chun a sukbohmang ta vawng a.

ISAI 9:15

Upa le mi inzaumhai chu a lu chu an na, khêl inchûktir hlak zâwl- neihai chu a mei chu an nih.

JEREMIA 14:14

chun, LALPA chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir nawh a, thu khawm ka pêk nawh a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 18:13

“Chuleiin, LALPA chun hieng hin a tih; Hnamhai laia chun indawn unla, hieng ang thilhai hi hre hlak an um am; Israel nunghâk inthieng chun thil râpthlâktak el chu a lo thaw tah a.

JEREMIA 20:16

Chun, chu mi LALPAIN khaw- puihai insîrna nei loa a sukchimhai ang chu ni raw se; zîngtieng chun khêkri inhriettir la, sûn huna chun ṭitrâwl inhriettir bawk la;

JEREMIA 23:17

LALPA thuhai hmusittuhai kuoma chun, LALPA chun, ‘Thla- muongna nei in tih, a tih,’ an ti zing zing hlak a, chun, mi mâni lungril ngarzie ang peia um hlaktu kuoma khawm chun, ‘In chungah thil ṭha naw hung tlung naw nih,’ an ti bawk hlak a.

JEREMIA 23:22

Nisienlakhawm, ka rorêlnaa lo ngîr ta chu ni hai sienla, ka mihai chu ka thuhai chu inhriettir an ta, an thilthaw suolhaia inthawk le, an lampui suolhaia inthawk chun inkîr- tir tâng an tih.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, LALPA chun a tih; anni chu ka tir nawh a, thu khawm ka pêk nawh a; hi hnam hi suksâwt chuong dêr bawk naw ni hai, LALPA chun a tih.”

JEREMIA 29:21

Ka hminga in kuoma thukhêl hriltu Maaseia naupa Zedekia chung thua le, Kolaia naupa Ahab chung- thua chun Israel Pathien, sipaihai LALPA chun hieng hin a tih: Ngai ta u, anni chu Babulon lal Nebukad- nezzar kuta chun pe suok ka ta, ama chun in mithmuah anni chu that a tih;

JEREMIA 29:23

Israel rama chun invêtthlâk- takin thil an thawh a, an tuolbâwm- hai nuhmei le chun an uireh a, ka hming sâlin ka thupêk loa khêl thu an hril leiin; chun, kei chu a hretu, a hrietpuitu chu ka nih, LALPA chun a tih.

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 49:18

Sodom le Gomorra le chu kâwl vêla khawpuihai suksiet ang khan, chutaka chun tukhawm chêng naw ni hai, tukhawm inzinah va fe bawk naw ni hai, LALPA chun a tih.

ṬAP HLA 4:6

Ka mihai naunu rîtlona chu Sodom suolna nêkin a nasa lem sih a; Chu chu mitkhapkâr loa pei- hâwnin a um a, a chunga chun kut hrim innghat a ni nawh.

EZEKIEL 13:16

Zâwlneihai Jerusalem chung- thu hrillâwktu le inremna um silo inremna dinga thilhmulâwk hmuhai chunga chun, Lalpa PATHIEN chun a tih.

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet tah a.

EZEKIEL 22:25

Sakeibaknei inrûmin a sa fâk ding ân rûm khum angin, a sûnga chun a zâwlneihai chu phierrûkna a um a; mi tin hringin an fâk zo a, thil hluhai le thil rohai chu an lâk a, a sûnga chun hmeithai tamtak an siem a.

HOSEA 6:10

Israel sûngkuoa chun thil râpthlâktak ka hmuh a, Ephraima chun nawchizawrna a um a, Israel chu sukpawrchein a um a nih.

AMOS 4:11

“Sodom le Gomorra khuo chu Pathienin a sukchim lai angin nangni lai mi ṭhenkhat ka sukchim a, thing kâng ût lâk suok ang in na; chuong khawm chun ka kuomah in hung kîr nawh,” LALPA chun a tih.

MIKA 1:5

Hieng po po hi Jakobhai baw- sietna le Israel sûngkuohai suolna lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche tah a, dâna chun inpâwngnêkna chu an hmang ta a nih.

ZEKARIA 13:2

Sipaihai LALPA chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

MALAKI 1:1

Malaki hmanga Israel chunga LALPA thu phurrik chu.

MATTHAI 11:24

Nisienlakhawm, ka ti che hi, ngaituo nia chun i tuor nêk chun Sodom ram tuor ding chu a dân um lem a tih,” a ta.

DÂN PAHNINA 32:32

An grêphrui chu Sodom grêphrui, Gomorra rama mi a nih; An grêphai chu tûr grêp a nih. A bâwrhai chu a khâ.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

2 PETER 2:6

Sodom le Gomorra khuohai chu ama ngaisak naw la hung um dinghai inentirna dingin a hmang a, vuta inchangtirin, sukbohmangin thiem- naw ân changtir tah a.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.

THUPUONGSUO 11:8

Chun, an ruong chu khaw ropui kawtthlêra chun um zing a ta; chu khaw ropui chu thlarau tieng thua chu Sodom le Aigupta an ti a nih, chutaka bawk chun an Lalpa chu hemdein a um kha.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sah a. An pahni chun kâta kâng mei dîla chun a hringin an pei a.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.