JEREMIA 23:10 - Pathien Lekhabu Inthieng (BSI)

¹⁰ Ram chu uirehaiin an sip a, ṭawngsie lei chun ram chun a sûn a; thlalêra hlo petna hmunhai khawm chu a ṭâwl zo a; an lampuihai chu a ṭha nawh a, an hrâtna khawm chu ân dik nawh.

JEREMIA 23:10 ပူးပေါင်းရင်းမြစ်များ

EZRA 10:18

Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni tah a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

ISAI 24:6

Chuleiin, ṭawngsie inphurnain hnuoi a fâk zo a, a umhai chu thiem- naw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

ISAI 5:18

Iengkhawm ni lo hruihruola khawhlona kei a, tawlailîr hruihruola kei ang suolna kei hlaktuhai chu an chung a rik ie!

JEREMIA 12:11

Râusanah an siem tah a; râu- sana umin ka kuoma chun a ṭap a; mi tukhawma lungril a an sie naw leiin ram pumpui chu râusana siem a ni tah a.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a feh a.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 7:9

Inruin, tuolthatin, uirein, khêla inkhâmin, Baal hmaa chun rimin- hnik rawin pathien in hriet nawhai chu zuiin,

JEREMIA 9:10

An kâng zo tah a, tukhawm an fe tlang ta ngai naw leiin, tlânghai ta ding chun sûnin ṭapinrûm ka ta, thlalêra tlatna hmunhai ta ding chun sûn ka tih; mihai chun ran ruol râwl khawm chu hre thei ta naw ni hai a; chunglêng vatehai le ramsahai khawm chu an tlânse tah a, an tlân- hmang tah.

JEREMIA 9:12

Hi hi a hrilfie theina dinga LALPA bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta nâwm a na?

JEREMIA 9:2

Ka chipuihai hi ka mâksana, an kuoma inthawka ka fe theina dingin, thlalêra hin khuol inzinhai riekna hmun nei lang chu aw! anni chu uirehai le, mi khawhlohai um khâwm an ni vawng el sih a.

HOSEA 7:4

An rêngin uire an na, Bei siemtuin thuk a ur lum, Beiphit a hmethnâk a tho hmaa, Mei tâwl a châwlsan hri ang hi an nih.

JOEL 1:10

Lo chu suksiet a na, ram chu a lungngai a, bu chu suksiet a na, uoin thar chu a kang a, hriek khawm chu a chau a.

LEVI DÂN 5:1

“Tukhawm a thil hmua manih, a thil hrieta manih hretu a nih a, inkhâmtirtu rawl a hriet khawma hril nuom lotu chun, a hril nuom nawna suola a rîtlona maw chu phur a tih.

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche tah a, dâna chun inpâwngnêkna chu an hmang ta a nih.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

1 TIMOTHE 1:10

indit hmanghai ta ding dâm, mawngkawhurhai ta ding dâm, mihriem inru hmanghai ta ding dâm, khêl hril hmanghai ta ding dâm, inkhâm tehlêm hmanghai ta ding dâm, inchûktirna indik ang ni loa thil dang hrim;

HEBRAIHAI 13:4

Mi po po lai innei hi inzatlâkin um sienla, khum khawm sukpawrche loin um raw se; indithai le uirehai chu Pathienin a ngaituo ding a ni sih a.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.