JEREMIA 22:21 - Pathien Lekhabu Inthieng (BSI)

²¹ I vângneinaa chun i kuomah thu ka hril a; amiruokchu, nang chun, “Ngai naw ning,” i tih a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 22:21 ပူးပေါင်းရင်းမြစ်များ

2 CHANCHIN SUINA 33:10

Chuongchun, Manasse le a mi- hai kuoma chun LALPA chun thu a hril a, nisienlakhawm, an pawisa nawh a.

INPÂKNA HLABU 129:1

“Ka naupang chîntea inthawk mihaiin vawi tamtak an mi suklungzîng a,” Israelhaiin ti raw se.

THUVARHAI 30:9

Ka hung tlai hin inphat ka ti cheh a “LALPA chu tu am a na?” ti hlau rawi ka tih, Annawleh, ka hung pasiet hin inru rawi ka ta, Ka Pathien hming hi hrilsiet- nain hmang rawi ka tih.

ISAI 48:8

Anih, in nain in hriet ngai nawh a; anih, in lungrilin in hriet ngai bawk nawh; anih, inhma hrim hrim khan in na chu hawngin a um ngai nawh; vervêktak takin in thaw hlak ti le, sula inthawk hrimin bawsetuhai an ti hlak cheu ka hriet sih a.

JEREMIA 13:10

Hi hnam suol ka thu ngai nuom loa, an lungril ngarna anga fea, an rawng bâwl dinga pathien danghai chu zuia, anni chibai bûktuhai hi hi hrên ienga khawma ṭhangkai ta lo ang hi nîng an tih.

JEREMIA 19:15

“Sipaihai LALPA Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 2:25

I keah kekawk bun loin um naw la, i hnuk khawm dangchârin sie naw rawh; nang ruok chun, ‘Beiseina a um ta nawh, mi hmêlmakhai chu ka hma- ngai a, anni hnung chu zui el ka tih’ i tih a.

JEREMIA 2:31

Aw nangni suon hai, LALPA thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israel- hai kuoma chun thlalêr amanih, ram inthim sâmup am ka lo nih a ni?

JEREMIA 25:3

“Juda ram lal Amon naupa Josia inlal kum sâwmpathum kuma in- thawka vawisûn ni chen hin, hi kum sâwmhni pathum sûng hin LALPA thu chu ka kuomah a hung tlung hlak a; chun, in kuoma chun ṭhahnem- ngaitakin ka lo hril hlak cheu a; amiruokchu, in awi ngai nawh a.

JEREMIA 25:4

Chun, LALPA chun inhmataka thoa anni chu hung tirin a siehlaw zâwlneihai po po chu in kuomah a hung tir a, amiruokchu, in lo ngai nawh a, in nahai khawm in sit bawk nawh.

JEREMIA 25:7

Ana chu, ka thu chu in ngai nawh a, LALPA chun a tih; in insuknatna dinga in kut sinthawhai chun in mi suklungsen a.

JEREMIA 25:8

Chuleiin, sipaihai LALPA chun hieng hin a tih: Ka thuhai chu in ngai naw leiin,

JEREMIA 3:24

Nisienlakhawm, ei naupang laia inthawkin, ei thlatuhai sin inrimna chu thil inzâpui umhai chun a lo fâk zo tah a, an bâwng ruolhai, an berâm ruolhai, an naupasalhai le an naunuhmeihai leh;

JEREMIA 3:25

ei inzaknaa chun zâl ei ta, ei lungril ngaibuoina chun mîn khum raw se; LALPA ei Pathien chunga chun thil ei lo suksuol ta sih a; ei naupang laia inthawk tah vawisûn chen hin eini ni leh, ei thlatuhai ni leh; chuongchun, LALPA ei Pathien râwl chu ei lo awi ta naw a nih.

JEREMIA 32:30

An naupang laia inthawk tah Juda thlahai le Israel thlahai hin ka mithmuah thil suol chu an lo thaw hlak sih a; Israel thlahai chun an kut sinthawhai chun an mi lo suklungsen sih a, LALPA chun a tih.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

JEREMIA 48:11

Moab chu a naupang laia in- thawk tah nuomsain a um a, a mawng inkhâwnah a um a, bêl khata inthawka bêl danga inruokin a um nawh a, sala khawm ân tâng bawk nawh a, chuleiin, a rim chu amaa chun a um zing a, a riminhnikna chu a danglam nawh.

JEREMIA 6:16

LALPA chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

EZEKIEL 20:13

Amiruokchu, Israel sûngkuo chu thlalêra khan ka chungah an hel a, ka thuruotahai chun an fe nawh a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kâng- hmang dingin ka lunginsenna chu an chungah ka bunthlâk ding a nih ka ti tah a.

EZEKIEL 20:21

Nisienlakhawm, chuong thlahai chu ka chungah an hel ta rawp a, ka thuruothai chu an hraw nawh a, ka rorêlhai khawm chu thaw dingin an zâwm bawk nawh a; chuong chu miin a thaw chun chuonga chun hring a tih; ka châwlni khawm an sukpawr- cheh a; chun, kei chun thlalêra an chunga ka lunginsenna chu sukpui- tling dingin an chunga chun ka lunginsenna chu ka bunthlâk ding a nih ka tih a.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmuh a, chutaka chun an inthâwina chu an inhlân tah a, chutaka chun an thilinhlân chimum chu an pêk a, chutaka chun an rim- inhnik khawm chu an bun bawk a.

EZEKIEL 20:8

Nisienlakhawm, ka chungah an hel a, ka thu an ngai nawh a; mi tin chun an mithmua an tirdakumnahai chu an pei thlâk naw bawk a; Aigupta milimhai khawm chu an nghatsan bawk nawh a; chun, kei chun, ‘an chunga chun Aigupta ram sûnga an chunga ka lungsenna sukpuitling dingin ka lunginsenna chu ka bun- thlâk ding a nih,’ ka tih a;

ZEPHANIA 3:2

Ama chun râwl chu a pawisa nawh a, sukdikna chu a pawm nawh a, LALPA khawm chu a ring nawh a; a Pathien khawm chu a hung hnai bawk nawh a.

ZEKARIA 7:7

Hausakna le Jerusalem le a vêla khawpuihai le Simtieng le ram- phaihai chu hluo a ni laia, zâwlnei hmasahai hmanga LALPAIN thu a khêkpuihai chu in ngai naw ding am a nih?’ tiin,” a ta.

DÂN PAHNINA 31:27

Hel in chîngzie dâm, in kâwmawzie dâm ka hriet a nih; ngai ta u, tuta ka la dampui lai cheu hmana LALPA chungah in hel hlak a; ka thi hnunga lem chu iengtin takin am a nasa ding chu aw!

DÂN PAHNINA 9:24

Ka hriet tîr cheua inthawk tah LALPA chunga hel hmang mi in ni hrim a.

DÂN PAHNINA 9:7

“Thlalêra LALPA lung in suksen hlakziehai dâm kha hre zing unla, theinghil naw ro. Aigupta rama inthawka in suok nia inthawka hi hmun in hung tlung chen hin LALPA chunga helhmang in na.