JEREMIA 22:10 - Pathien Lekhabu Inthieng (BSI)

¹⁰ Mithi ta dingin ṭap naw unla, ama chu sûn bawk naw ro; ami- ruokchu, mi a fe hmang ta ding chun nasatakin ṭap unla; ama chu a hung kîr ta naw ding lei le, a piengna ram chu a hmu ta naw ding leiin.

JEREMIA 22:10 ပူးပေါင်းရင်းမြစ်များ

2 LALHAI 22:20

Chuongchun, ngai ta, i pi le puhai kuomah ṭhuoi ka ti cheh a, thlânah lungmuongtaka ṭhuoiin um i ta, hi hmuna thil ṭha nawtak ka hung intlungtir ding chu i mitin hmu ve naw nih, a tih,’ tiin,” a ta. Chuongchun, thu chu lal kuoma chun an vân tlun nâwk a.

2 LALHAI 23:29

Ân lal lai chun Aigupta lal Pharao-Neko chu Assuria lal do dingin Euphrates vadungah a hang feh a; chun, lal Josia chun ama chu a hang thawh a; chun, Pharao-Neko chun ama chu a hmu phingleh Megiddo khuoah a that tah a.

2 CHANCHIN SUINA 36:4

Chun, Aigupta lal chun a unaupa Eliakim chu Jerusalem le Juda ram chunga chun lalah a siem a; a hming chu Jehoiakim in a thleng tah a. Chun, Neko chun a unaupa Jehoahaz chu a ṭhuoi a, Aigupta ramah a fepui tah a.

THUHRILTU 4:2

Chuleiin, mi hring la dam zing- hai nêk hmanin, mi thi, thi ta hnung- hai chu vângnei lemah ka ngai tah a;

ISAI 57:1

Mi fel chu an bohmang hlak a, tukhawma an lungrilin an ngaituo ngai nawh a, Pathien ngaisak mihai khawm lâk hmangin an um hlak a; mi fel chu thil ṭha lo hung tlung dinga inthawka lâk hmang an ni hlak ti tukhawma an ngaituo bawk nawh a.

JEREMIA 16:7

mithihai leia anni thlamuon dingin, mihai chun sûnna dingin bei khawi naw ni hai a; an nuhai amanih, an pahai amanih dâwn dingin sûn- puina nohai chu pe bawk naw ni hai.

JEREMIA 22:11

Juda lal Josia naupa Sallum a pa aia rorêla, hi hmun mâksantu chungthua chun LALPA chun hieng- hin a ti sih a:

JEREMIA 22:18

Chuleiin, Juda lal Josia naupa Jehoiakim chungthua chun LALPAIN hieng hin a tih: Ama chu “Aw ka unaupa,” tiin amanih, “Aw farnu,” tiin amanih, sûn naw ni hai a; “Aw lalpa,” tiin amanih, “Aw a ropuina chu,” tiin amanih, sûn bawk naw ni hai.

JEREMIA 22:27

Nisienlakhawm, ram an lung- rilin kîr an nuomna tieng chun kîr nâwk naw ni hai.

JEREMIA 25:27

Chun, an kuoma chun hieng hin tîng i ta: Israel Pathien, LALPA chun hieng hin a tih: Dâwn unla, inrui unla, inluok unla, tlu unla, tho nâwk ta naw ro, nangni laia kâwlhnâm ka hung tir ding lei chun.

JEREMIA 28:4

hi hmuna hin Juda ram lal Jehoiakim naupa Jekonia le Juda sal intânghai po po Babulona fe tahai chu hung ṭhuoi kîr nâwk ka ta; LALPA chun a tih; Babulon lal rîngkawl chu ka sukthliek ding a ni sih a,” tiin.

JEREMIA 42:18

Sipaihai LALPA Israel Pathien chun hieng hin a ti sih a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwm- hnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 44:14

chuongchun, Juda la um sun, va mikhuol dinga Aigupta rama va fehai chu tukhawm, Juda ram hung kîr nâwka chêng an inhâwkna rama hung kîr nâwk ding hin suokthleng naw ni hai a, um zing bawk naw ni hai; a suokthlenghai ti chau naw chu tukhawm an hung kîr nâwk âwm si nawh a,” tiin.

ṬAP HLA 4:9

Kawlhnâma thata umhai chu phîngṭâmnaa thata umhai nêkin an hamṭha lem a, Lo thlairahai tlâksamnaa vuoka umin, hieng hai hi an luong hmang sih a.

EZEKIEL 24:16

“Mihriem naupa, ngai ta, thâwkkhatin i mithai châkna chu nangmaa inthawkin ka lâk hmang ding a nih; ṭap naw ti nih a, sûn bawk naw ti ni, i mitthlihai khawm luong thla bawk naw ni.

LUKA 23:28

Isu ruok chun anni tieng a ngha a, “Jerusalem naunuhai, mi ṭa naw ro, nangni le in nauhai ta dingin ṭap lem ro.