JEREMIA 21:9 - Pathien Lekhabu Inthieng (BSI)

⁹ Tukhawm hi khawpui sûnga um chu kâwlhnâmin, ṭâmin, hripuiin thîng a ta, amiruokchu, mi fe suok a, mi ân huoltuhai cheu Kaldaihai kuoma vân pe chu hring a ta, a hringna chu indona Lâwmman angin nei a tih.

JEREMIA 21:9 ပူးပေါင်းရင်းမြစ်များ

JEREMIA 14:12

Bu an nghei pha khawm, an khêkri chu ngai naw ning a; in- thâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwl- hnâm le, ṭâm le hripuiin sukbohmang lem ka tih” a ta.

JEREMIA 21:7

Chu hnunga chun, LALPA chun a tih: Juda lal Zedekia le, a siehlawhai le, mipuihai, hi khawpuia hripuia in- thawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwl- hnâm ngeiin that a ta; anni chu hla naw nih a, lunginsiet bawk naw nih a, zângaina nei bawk naw ni.

JEREMIA 24:10

Chun, anni le an thlatuhai kuoma ram ka pêka inthawka an rênga an bohmang vawng hmakhat chun an hnunga chun kâwlhnâm dâm, hripui dâm, ṭâm dâm tir bawk ka tih,” tiin.

JEREMIA 27:11

Amiruokchu, Babulon lal rîng- kawl hnuoia an rîng dawh a, ama rawngbâwltuhai chu hnam ngei chu an rama chun inumtir zing ka tih, LALPA chun a tih; inlêt an ta, chêng zing an tih,’” tiin.

JEREMIA 27:12

Chun, hieng thuhai ang tak hin Juda lal Zedekia kuoma chun thu ka hril a, “Babulon lal rîngkawl hnuoia chun in rînghai hung daw unla, ama le a mihai rawng chu bâwl unla, hringin um ro.

JEREMIA 27:13

Babulon lal rawng bâwl lo ding hnam chungthua LALPAIN a lo hril ta angin, ieng dingin am nang le i mihai chu hripui dâmin, ṭâmin le kawlhnâma dâm chun thîng in ta?

JEREMIA 38:2

“Lalpa chun hieng hin a tih: Khawpui sûnga umhai chu kâwl- hnâm le ṭâm le, hripuiin thîng an ta; Kaldaihai kuoma va fe chu hring an tih; a hringna chu insanhim a ta, hring a tih,

JEREMIA 38:3

LALPA chun hieng hin a tih: Hi khawpui hi Babulon lal sipaihai kuta pêk ngei ding a na, ama chun lâng a tih,” tiin.

JEREMIA 39:18

Sandam ngei ngei ka ti cheh a, kâwlhnâmah i tlu naw ding a ni sih a; amiruokchu, i hringna chu nangma ta dinga sanhim nîng a tih; i ringna chu keimaa hin i sie leiin, LALPA chun a tih,” tiin.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭha naw ka hung intlungtir ding a ni sih a, LALPA chun a tih; chun, i hringna ruok chu i fena tieng tiengah sanhim ka ti che,” tiin.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.