JEREMIA 21:6 - Pathien Lekhabu Inthieng (BSI)

⁶ Chuongchun, hi khawpui hluotu- hai ramsa le mihriemhai ngei chu hrem ka ta, hripui nasataka chun thîng an tih.

JEREMIA 21:6 ပူးပေါင်းရင်းမြစ်များ

INṬANNA 6:7

Chuongchun, LALPA chun, “Ka mihriem siem hi hnuoi chunga inthawk hin sukbohmang el ka tih a, mihriem dâm, sa dâm, thilhring dâm, chunglêng vate dâm chen hin; ka siem ta leiin kân sîr a nih,” a ta.

ISAI 6:11

Chun, kei chun, “LALPA, ieng chen am nîng a ta?” ka tih a. Chun, ama chun a dawn a, “Khawpuihai mihriem um loa a ram a, inhai thlûttu um lo a a ṭîek a, râusana a um vawng a,

JEREMIA 14:12

Bu an nghei pha khawm, an khêkri chu ngai naw ning a; in- thâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwl- hnâm le, ṭâm le hripuiin sukbohmang lem ka tih” a ta.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 20:4

LALPA chun hieng hin a ti sih a: Ngai ta, i ruolhai le nangma ngei ta dingin ṭiumah ka siem ding che a nih; chun, an hmêlmahai kâwlhnâma ngei chun tlûng an ta, chu chu i mit ngeiin hmûng i tih; chun, Juda ram po po chu Babulon lal kutah pêng ka ta, ama chun Babulon tieng salah ṭhuoi a ta, kâwlhnâmin anni chu that a tih.

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni tah a; en ta, i hmu zing hi.

JEREMIA 33:12

Sipaihai LALPA chun hieng hin a tih: Chu nawa khawm, hi hmuna hin, mihriem le sa khawm um loa se ta le chutaka khawpuihaia po po chun, berâmpuhai an ran ruol chu inbawktirin la um an tih.

JEREMIA 34:17

Chuleiin, LALPA chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna phuong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka phuong a nih, LALPA chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JEREMIA 36:29

Chun, Juda ram lal Jehoiakim chungthua chun hieng ang hin hril i tih; ‘LALPA chun hieng hin a tih: Babulon lal chu hung a ta, hi ram hi hung sukse ngei a ta, chutaka in- thawk chun ramsa le mihriem khawm sukchavai a tih, tia, ieng- dinga hitaka hi ziek am in nih a?’ tiin, hi lekhabu zuol hi i raw ta chu a na.

JEREMIA 42:22

Chuleiin, tuhin, chutaka va mi- khuol in nuomna hmuna chun, kâwl- hnâm le, ṭâm le hripuiin thîng in tih ti hi hre ngei ngei ro,” tiin.

JEREMIA 7:20

Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

EZEKIEL 12:16

Amiruokchu, anni laia mi tlâwmte chu kâwlhnâma manih, hri- puia manih, ṭâmnaa inthawkin amani chun hlâng ka ta; an fena tieng tienga hnamhai kâwla chun an tirdakumna po po chu an phuongdar theina dingin; chun, LALPA chu ka ni ti mi hre tâng an tih,” tiin.

EZEKIEL 14:13

“Mihriem naupa, bawsietna thil chu thawin ram chu ka chungah lo suol ta sienla, chun, keiin a chungah ka kut inletin, bei a ringsan chu suksein, a chunga chun ṭâmna tirin, amaa inthawk chun ramsa le mi- hriemhai khawm lo sât thla ta lang;

EZEKIEL 14:17

Annawleh, chu ram chunga chun kâwlhnâm ka hung intlungtir a, ‘Kâwlhnâm, ram chu fe thleng rawh’, tia, amaa inthawka ramsa le mi- hriemhai ka sât thlâk chun,

EZEKIEL 14:19

Annawleh, rama chun hripui ka tir a, a chunga chun, ramsa le mi- hriemhai chu sât thla dinga, thisenin ka lunginsenna ka bunthlâk chun,

EZEKIEL 14:21

Lalpa PATHIEN chun hieng hin a ti sih a; ‘Ka rorêlna natak palihai kâwlhnâm, ṭâmna, ramsa tuor- hlaumhai le hripuihai hi Jerusalem chunga, amaa inthawka ramsa mi- hriemhai râwthmang dinga ka tir pha chun ieng ang lâwma nasa zuol am a ni ding chu?

EZEKIEL 33:27

Hieng hin an kuoma chun hril rawh; Lalpa PATHIEN chun hieng hin a tih: Ka hring zing angin, chuong hmun se taha umhai chu kâwl- hnâmah tlûng an ta, rama umhai chu ramsahai kuomah fâk zo dingin ka pêk ding a nih; chun, kul det le pûka umhai chu hripuiin thîng an tih.

EZEKIEL 33:29

An thil pawrche lo thaw tahai po po leia ram chu râusan le maktia um dinga ka siem pha chun, LALPA chu ka nih ti mi hre tâng an tih.

EZEKIEL 7:15

“Kâwlhnâm chu puotieng a um a, ṭâmna le hripui chu sungtienga chun a um a; loa um chu kâwlhnâmah thîng a ta, khawpui sûnga um chu hripui le ṭâmna chun fa zo a tih.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuisuorieta ngahai chenin lâk hmang nîng an tih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusa- lem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEPHANIA 1:3

“Mihriem le sa khawm sukbo- hmang ka ta, chunglêng vatehai le, tuisuorieta ngahai le mi khawhlohai insuithlûktir ka ta; chun, sukbo- hmang vawng ka ta; chun, leihnuoi chunga inthawk hin mihriem chu sât thlâng ka tih,” LALPA chun a tih.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.