JEREMIA 20:9 - Pathien Lekhabu Inthieng (BSI)

⁹ Chun, ama chanchin hi hril nâwng ka ta, a hmingin thu hril naw ningah, ti ding ni lang, ka ruhai sûnga mei khâr nela chawk ang elin ka lungrila hin a um a, ka topui ṭawk ṭawk thei nawh a, ka umpui thei nawh a.

JEREMIA 20:9 ပူးပေါင်းရင်းမြစ်များ

INPÂKNA HLABU 39:3

Ka phîng sûnga hin ka lungril chu a sa vut vut a; Ka ngaituo ka ngaituo chun mei chu a chawk suok a; Chun, ka lei hin thu ka hril tah a.

JEREMIA 23:29

Ka thu chu mei ang a ni nâwm a nih, lungpui khawm suknawitu tu- bau ang chu? LALPA chun a tih.

JEREMIA 23:9

Zâwlneihai chungthua chun; ka lungril chu ka sûnga chun a kawiseh a, ka ruhai po po khawm ân hnîng a; zu inrui mi, mi uoinin a hne zet ang el chu ka nih; LALPA lei le, LALPA thu inthienghai lei chun.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 6:11

Chuleiin, LALPA lunginsenna chun ka sip a; insûm zing chu ka nghawk a nih; kawtthlêra chun nau- panghai laia chun bunthla la, tlang- vâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

EZEKIEL 3:14

Chuongchun, thlarau chun a mi dawm kâng a, a mi lâk hmang tah a; lungawilotak le lunginsen êm êmin ka fe tah a; chun, LALPA kut chu ka chunga chun a hrât hle a.

EZEKIEL 3:3

Chun, ka kuoma chun, “Mihriem naupa, i phîng kha infâktir la, hi lekhabu zuol ka pêk che hin i phîng kha sukkhawp rawh,” a ta. Chuong- chun, ka fâk tah a; ka baua chun ân hnik dân chu khuoizu ang el a nih.

AMOS 3:8

Sakeibaknei ân rûm a, tuin am ṭi nâwng a ta? Lalpa PATHIEN chun thu a hril a, tuin am hril naw thei an ta?” tiin.

JONA 1:2

“Tho la, Ninevi khuo, khawpui ropuitaka chun fe la, a chunga thu tlânginsampui rawh; an rîtlona chu ka hmaah a hung tlung ta sih a,” tiin.

JONA 1:3

Nisienlakhawm, Jona chu LALPA hmaa inthawka Tarsis-a tlân hmang dingin a tho tah a; chun, Joppa khuoah a zuk feh a, Tarsis khaw pan ding lawng a hmuh a, chuongchun, a chuong man ding chu a pêk a, LALPA hmaa inthawk chun Tarsis pan dinghai le fe dingin lawnga chun a lût thla ve tah a.

LUKA 9:62

Isûn a kuomah, “Tukhawm hnuoi inletnaa kut innghata, hnung tieng ngha chu Pathien rama mi ni tlâk a ni nawh,” a ta.

THILTHAWHAI 17:16

Chun, Paulain Atheniah anni chu a lo nghâk laiin, khuo chu Pathien lima sipin a hmuh a, a lungril a helkam tah a.

THILTHAWHAI 18:5

Chun, Sila le Timothe chu Makedonia rama inthawka an hung thla chun, Paula chu thu hril chauin a um tah a, Isu kha Krista a nih ti Judahai chu a hrilfie a. Nisien- lakhawm, an kalin an hrilpâwi a,

THILTHAWHAI 4:20

Keini chu thil kan hmu le kan hriethai kha hril loin kan um thei nawh,” an ta.