JEREMIA 20:18 - Pathien Lekhabu Inthieng (BSI)

¹⁸ Ieng dinga sininrimna le lung- ngaina hi hmu dinga, ka nihai chu inzaknaa sukbohmanga um dinga hi sula hung suok am ka nih aw?

JEREMIA 20:18 ပူးပေါင်းရင်းမြစ်များ

1 LALHAI 19:4

Ama ruok chu thlalêrah ni khat lama hlaah a feh a, Juniper thing hnuoia hin a ṭhung a, thi a hni tah a, “A hun tah ie, aw LALPA, tuhin ka hringna hi la el ta, ka puhai nêkin ka ṭha chuong bîk si nawh a,” a ta.

JOB LEKHABU (THE BOOK OF JOB) 14:1

“Mi nuhmei inei taphawt chu, Ni sâwtnawtêa ding, buoinaa sip a nih.

JOB LEKHABU (THE BOOK OF JOB) 14:13

“Aw, Seola chun mi lo thup tah ni la chu, I lunginsenna a fe hmang hmakhat chu inrûkin mi lo kawl i ta, Hun bîk mi ruotpêkin, i mi hriet zing ding bah!

JOB LEKHABU (THE BOOK OF JOB) 3:20

Iengdinga mi, rimsitaka um kuoma chun var pêk a nih a, Lungrila rimsi tuor kuoma chun hringna pêk am a nih a?

JOB LEKHABU (THE BOOK OF JOB) 5:7

Amiruokchu, mihriem chu buoinaa hung pieng a ni lem, Meisihai chungtienga a vuong ang elin.

INPÂKNA HLABU 102:3

Ka dam sûng nihai hi meikhu angin ân zâm hmang a, Ka ruhai hi thingthu angin a sah a,

INPÂKNA HLABU 69:19

Nangin mi mi hrilsietna dâm, ka muolphona dâm, kân zakna dâm, hi i hriet a. A mi dotuhai chu i hmaah an um vawng a nih.

ISAI 1:6

Kepha hnuoia inthawka lu chenin a dam lai hrim a um nawh; pawp dâm, vuok duk chur dâm, pânna hnâi la ruok an nih; chuong chu an hmetping nawh a, an tuom bawk nawh a, sahriek khawm an nâl bawk nawh.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

JEREMIA 15:10

Nu, ka chung a va rik de! hnuoi chung po poa insêl mi le inkhing mia i mi lo nei hi chu! a pung umin kân pûktir ngai nawh a, kei khawm tu- khawma a pung umin an mîn pûktir bawk nawh; amiruokchu, an rêng elin ṭawngsie an mi lân phur ta rawp hi.

JEREMIA 15:18

Iengleiin am ka natna hi a re hlek nawh a, sukdam nuom dêr lo ang ela ka hliemna hi sukdam thei loa um am an nih a? Ka ta ding hin vadungte hlêmhmang, tuihai kang hlak ang chu in ni tak tak ding am a nih?

JEREMIA 3:25

ei inzaknaa chun zâl ei ta, ei lungril ngaibuoina chun mîn khum raw se; LALPA ei Pathien chunga chun thil ei lo suksuol ta sih a; ei naupang laia inthawk tah vawisûn chen hin eini ni leh, ei thlatuhai ni leh; chuongchun, LALPA ei Pathien râwl chu ei lo awi ta naw a nih.

JEREMIA 8:18

Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang sih a.

ṬAP HLA 1:12

Nangni a fe inlawn po pohai, in ta dingin iengkhawm a ni naw maw? Ngai unla, ka kuoma thaw anga, ka lungngaina ang hrim hi lungngaina a um am en ta u, LALPAIN a lunginsenna ṭium nia a mi sukrinumna ang hi.

ṬAP HLA 3:1

A lunginsenna hmawla hremna hmu tah mihriem chu ka na,

HABAKKUK 1:3

Iengdinga suolnahai hi i mîn hmutirin, Iengdinga lungngaina hi i mîn entir am a na? Suksietna le inpâwngnêkna chu ka hmaa hin a um a, Insuolna a um a, indona a hung suok hlak a nih.

JOHAN 16:20

Titakzetin, titakzetin ka hril cheu hi, nangni in mitthli tlâng a ta, ṭap rak bawk in ta, khawvêl ruok chu lâwm an tih, nangni lungngai in ta, nisienlakhawm, in lungngai chu lâwmin inchang a tih.

THILTHAWHAI 5:41

Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hleh a.

2 TIMOTHE 1:12

Chu lei chun a nih hieng thilhai khawm hi ka tuor chu, nisienla- khawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

HEBRAIHAI 10:36

Pathien dit zâwng in thaw hnungin thiltiem chu in hmu theina dingin selna in ngai a nih.

HEBRAIHAI 11:36

Mi dang khawmin suknawmnat le vuokhai an tuor a, anih, chu naw khawm chu kawlbun le intângna ina khum dâm an tuok bawk a,

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.

HEBRAIHAI 13:13

Chuongchun, ama an hmusitna chu phurin khawhnâwmah a kuom tieng fe suok vêng ei tiu.