JEREMIA 20:16 - Pathien Lekhabu Inthieng (BSI)

¹⁶ Chun, chu mi LALPAIN khaw- puihai insîrna nei loa a sukchimhai ang chu ni raw se; zîngtieng chun khêkri inhriettir la, sûn huna chun ṭitrâwl inhriettir bawk la;

JEREMIA 20:16 ပူးပေါင်းရင်းမြစ်များ

JEREMIA 18:22

An chunga sipai ruol i hung ṭhuoi thut pha chun, an inhaia in- thawk chun ṭap hriet ni raw se, kei mi manna dingin khur an cho a, ka kehai ta ding chun châng an kam sih a.

JEREMIA 18:8

chu hnam, a chungthu ka hril chu an thil ṭha nawa inthawka an hung kîr chun, thil ṭha naw an chunga thaw dinga ka ngaituo chu la kir ka tih.

JEREMIA 23:14

Jerusalema zâwlneihaia khawm thil râpthlâktak ka hmuh a; anni chun uiretna thil an thawh a, thukhêlah an feh a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 26:13

Chuleiin, tuhin in thilthawhai le in umdânhai chu siemṭha unla, LALPA in Pathien râwl chu awi ro; chuongchun, nangni dodâla LALPA- IN thil ṭha naw a lo hril ta khawm chu lamlêt a tih.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

ṬAP HLA 4:6

Ka mihai naunu rîtlona chu Sodom suolna nêkin a nasa lem sih a; Chu chu mitkhapkâr loa pei- hâwnin a um a, a chunga chun kut hrim innghat a ni nawh.

EZEKIEL 21:22

A changtieng kuta chun Jerusa- lem ta dinga, kâphmunhai siemna ding le, thattuhai ta ding bau kâk ding le, khêka râwl insuo ding le, dâi kawtkhârhai epa kâphmunhai siem ding le, hnuoi dêng pâwnghai siem a, kulhai bâwl ding thu aisânna chu a um a.

HOSEA 10:14

Chuleiin, i mihai laia chun buoi mup mupna hung suok a ta, Salman chun indona nia Beth- arbel a suksiet ang khan, I kulhai po po chu suksiet nîng a tih; Nu chu a nauhai leh peinawiin an um a nih.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Simna chu ka mita inthawkin thup nîng a tih.

AMOS 1:14

chuleiin, Rabba khaw kul chung- ah mei sêm chawk ka ta; chun, indo nia khêk le, thlivir nia thlipui leh, a lal inhai chu kâng vawng a ta;

AMOS 2:2

chuleiin, Moab chungah mei tir ka ta, Kerioth lal inhai chu kâng vawng a ta; chun, Moab chu buoina le khêk ri le tawtawrâwt riin thîng a ta,

AMOS 4:11

“Sodom le Gomorra khuo chu Pathienin a sukchim lai angin nangni lai mi ṭhenkhat ka sukchim a, thing kâng ût lâk suok ang in na; chuong khawm chun ka kuomah in hung kîr nawh,” LALPA chun a tih.

JONA 3:4

Jona chu ni khat lam chen khaw- puia chun a hang lût ṭan phawt a, “Tuta inthawka ni sâwmliah Ninevi hi sukbohmang a ni ding a nih,” tiin a khêk tah a.

JONA 4:2

LALPA kuoma chun a ṭawngṭai a, “Aw LALPA, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, thil ṭha nawa inthawka inlêt nâwk hlak i ni ti ka hriet a.

ZEPHANIA 1:16

in insâng kilkhâwr takhai chunga le khawpui kul neihai chunga suklâuna le tawtawrâwt mût ni chu a nih.

ZEPHANIA 2:9

Chuleiin, kei le kei insâlin, sipaihai LALPA, Israelhai Pathien chun a tih: “Matheiloin Moab chu Sodom ang hung nîng a ta, Ammon thlahai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

LUKA 17:29

nisienlakhawm, Sodom khuoa inthawka Lota a suok ni chun vâna inthawkin mei le kâtin a sûr a, an rêngin a sukhlum vawng tah a.

DÂN PAHNINA 29:22

“Chun, ruolthar la hung um dinghai, in hnunga in nauhai la hung um dinghai le, ram dang mi hlataka inthawka hung dinghai chun, chu rama hri le LALPAIN natna ân vawi- tirhai;

DÂN PAHNINA 29:23

a ram pumpui chu kât le chi le kângzêu, iengkhawm chîng nawna, iengkhawm inder nawna, hlobethai khawm inder nawna, Sodom le Gomorra le Adma le Zeboiim suksiet, LALPA lunginsen le lungâwinawa a suksiet ang anga suksiet a ni an hmu hnung chun,

2 PETER 2:6

Sodom le Gomorra khuohai chu ama ngaisak naw la hung um dinghai inentirna dingin a hmang a, vuta inchangtirin, sukbohmangin thiem- naw ân changtir tah a.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.