JEREMIA 20:13 - Pathien Lekhabu Inthieng (BSI)

¹³ LALPA kuoma chun hla sak unla, LALPA chu inpâk ro; thil suol thawtuhai kuta inthawk chun mi tlasam thlarau chu a sansuok sih a.

JEREMIA 20:13 ပူးပေါင်းရင်းမြစ်များ

INPÂKNA HLABU 34:6

Hi mi rimsi hi a khêk a, LALPA chun a lo hriet a, A lunginzîngna po poa chun a sansuok tah a.

INPÂKNA HLABU 69:33

LALPAIN pasiehai chu a bengkhawn a, A mi intânghai chu a hmusit si nawh a.

INPÂKNA HLABU 72:4

Ama chun mi laia rimsihai chu ro rêlpêk a ta, Pase nauhai chu sandam a ta, Nêksâwrtu ruok chu suknâwi a tih.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

JEREMIA 15:21

Mi rilohai kuta inthawk chun sansuok ka ti cheh a, thil ṭium kuta inthawk chun intlansuok bawk ka ti che.

JEREMIA 31:7

LALPA chun hieng hin a ti sih a; Jakob ta ding chun lâwmin hla sak unla, hnamhai lua um ta ding chun khêk bawk ro, phuong dar unla, inpâk unla, “Aw LALPA, Israel hla bîkhai, i mihai hi sandam rawh,” ti ro.