JEREMIA 20:12 - Pathien Lekhabu Inthieng (BSI)

¹² Nisienlakhawm, aw sipaihai LALPA mi fel chu fieh a, lungril le lungvar hmutu, anni chunga i phu- balâk chu mîn hmutir la; nangma kuoma ngei chun ka chungthu chu ka hung târlang sih a.

JEREMIA 20:12 ပူးပေါင်းရင်းမြစ်များ

2 CHANCHIN SUINA 24:22

Chuongchun, lal Joas chun ama chunga a pa Jehoiada ngilneizie kha a hriet zing ta nawh a, a naupa chu a that tah a. Chun, a thi chun, “LALPAIN hung en sienla, phuba la raw se,” a ta.

INPÂKNA HLABU 11:5

LALPA chun mi fel le mi rilo chu a fie hlak a. Nunrâwngna ngaina mi chu a hringna chun a theida hlak.

INPÂKNA HLABU 139:23

Aw Pathien, nguntakin mi en suok la, ka lungril hi hre rawh, Mi fie la, ka ngaituonahai hi hre rawh.

INPÂKNA HLABU 17:3

Ka lungril hi i fieh a, zânah nangin i mi hung sir a; I mi fie tah a, iengkhawm i hmu si nawh a; Ka baua hril suol lo chu ka tum tlat a nih.

INPÂKNA HLABU 54:7

Ka lunginzîngna po poa chun i mi sansuok ta sih a; A mi dotuhai chunga ka duthusam chen chu ka mitin a hmu tah a nih.

INPÂKNA HLABU 58:10

Mi fel chun phubalâkna chu a hmuin lâwm a ta, Mi rilo thisena chun a ke chu sâwp a tih.

INPÂKNA HLABU 59:10

Ka chunga ngilnei Pathien chun mi tuok a ta, Pathienin ka hmêlmahai chunga ka duthusâm chu mîn hmutir a tih.

INPÂKNA HLABU 62:8

Nangni mipuihai, ienglai khawmin ama chu ring unla, In lungril chu a hmaa chun bunthla ro: Pathien chu ei ta dinga inhumhimna a nih.

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak sih a.

INPÂKNA HLABU 86:4

I siehlaw hringna hi sukhlim la, Aw LALPA, ka lungril hi i kuomah ka sie tlat hlak sih a.

ISAI 37:14

Chun, Hezekia chun palaihai kuta inthawk chun lekha chu a hmuh a, a hang tiem a, chuongchun, Hezekia chu LALPA ina chun a hang lût a, LALPA hmaa chun a phar tah a.

ISAI 38:14

Pelêu amanih, vakâwl amanih angin kân hrâm kân hrâm a, Vaṭhu angin kân rûm kân rûm a, chungtieng thlîrnain ka mit ân vai zo tah. Aw LALPA, nêksâwra ka um hi, nang chun a bul mi tumpêk la.

JEREMIA 11:20

Nisienlakhawm, aw sipaihai LALPA, indiktaka rorêltu, lungril le hrietnahai fietu, anni chunga i phubalâkna chu mîn hmutir rawh; nangma kuoma chu ka thu chun ka hung târlang sih a.

JEREMIA 12:8

Ka rochan khawm chu ka ta ding chun ramhnuoia sakeibaknei ang a lo ni tah a; ka chunga chun a râwl chu a mîn suo khum a; chuleiin, ama chu ka theida a nih.

JEREMIA 17:10

Kei LALPA hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 17:18

Kei mi sukrinumtuhai chu in- zakhai sienla, kei ruok chu mîn zaktir naw rawh; anni chu inbeidawngtir la, kei ruok chu mi sukbeidawng naw rawh; an chunga chun ni ṭha naw chu hung intlungtir la, anni sietna thuo hniin sukse rawh.

1 PETER 2:23

Mi hala a um laiin a hal ve thung nawh a, a tuor laiin a vau nawh a, feltaka ngaituo hlaktu kuoma chun ân pêk lem a nih.

1 PETER 4:19

Chuleiin, Pathien remti zâwng anga tuorhai chun, thil ṭha thawin an thlarauhai chu Siemtu ringumtak kuomah inkawltir raw hai se.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl loa hnuoia umhai chunga kan thisen insuona phuba chu la loa i um ding?” tiin an khêk a.

1 SAMUEL 1:15

Hanna chun a dawn a, “Ni lo, ka lalpa, nuhmei lungril lungngai tâwp- khâwk ka na; uoin khawm, zupui khawm ka dâwn dêr nawh a, LALPA hmaa chun ka lungril ka phawr lem a nih.