JEREMIA 20:10 - Pathien Lekhabu Inthieng (BSI)

¹⁰ Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an tih a.

JEREMIA 20:10 ပူးပေါင်းရင်းမြစ်များ

1 LALHAI 19:2

Chuongchun, Jezebel chun Elija kuomah, “khâng mihai laia mi pa- khat hringna anga zîngah hieng tik phât hin i hringna ka siempêk ve naw che chun pathienhai chun an law law mi law el hai sienla, chu nêka nasa lem khawm a,” tiin mi a tir a.

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêl- mapa?” a ta. Chun, ama chun a dawn a, “Ka hmu ta che a ni hi, LALPA mithmua thil ṭha naw thaw dingin inzawr ta che chu.

1 LALHAI 22:27

chun, lalin hieng ang hin a tih, ‘Hi mipa hi lung inah khum unla, lungmuongtaka ka hung nâwk hma- khat chun rinumna tui lo pe ro,’ tiin, ti ro,” a ta.

1 LALHAI 22:8

Chun, Israel lal chun Jehosaphat kuoma chun, “LALPA mi râwnpêk ding Imla naupa Mikaia kha chu a la um kha maw, nisienlakhawm, ama hi chu ka theida zâwngtak a nih; ka chungchâng thu hi a se tieng ngawt naw chu a ṭha tieng a hril hrim hrim ngai nawh,” a ta. Chun, Jehosaphat chun, “Lal hin chuong ang chun chu ti naw raw se khai,” a ta.

JOB LEKHABU (THE BOOK OF JOB) 19:19

Ka ruol bulhai po po hlak chun an mi pâwlser a, Ka hmangai takhai khawm chu ka chungah an hel a.

INPÂKNA HLABU 31:13

Mi tamtak mi hêkna ka hriet sih a, Ka vêla ṭium um chu: An mi phier lai khan, Ka hringna mi lâkpêk an tum a.

INPÂKNA HLABU 31:14

Nisienlakhawm, aw LALPA, ka ring cheh a, “Ka Pathien i nih,” ka tih a.

INPÂKNA HLABU 41:10

Nisienlakhawm, aw LALPA,nangin mi lunginsiet la, Anni chu ka thung theina dingin mi keitho nâwk rawh.

INPÂKNA HLABU 41:9

Anih, ka ruol pâwlngei, ka ringtak, ka bei fâkpui ngei chun, A kekhawng chu ka chungah ân let tah a.

INPÂKNA HLABU 57:4

Ka hringna hi sakeibaknei laiah a um a, Mihriem nauhai fa zo hmang- tuhai laia chun ka zâl a. Chuonghai hahai chu fei le thalhai an nih; An lei chu kâwlhnâm ngeitak a nih.

THUVARHAI 10:18

Hmûr khêlinhlipa theidana chu ip a; Demna thu sâksuoktu chu invêt a nih.

ISAI 29:21

chuonghai chun mi chu thupawi thuah suksuoltuah an siem hlak a, kul kawtkhârah kâwktu âwkna ding- in châng an kam hlak a, mi fel chu thil teplo mei meiin an inkhêltir hlak.

JEREMIA 1:19

Chuongchun, do an ti cheh a; amiruokchu, hne naw ni hai che; nangma sanhim ding chein i kuom- ah ka um sih a, LALPA chun a tih,” tiin.

JEREMIA 11:19

Nisienlakhawm, berâmte zai- nêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun sât thlâng ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet nawh a.

JEREMIA 11:21

Chuleiin, i hringna lâk tumtu Anathoth mihai chungthua chun LALPA chun hieng hin a tih; anni chun, “Kan kuta i thi nawna dingin LALPA hming chun thu hril naw rawh,” an ta;

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 20:3

A zinga chun; Pas-hur chun Jeremia chu intângna ina inthawk chun a hung ṭhuoi suok a. Jeremia chun a kuomah, “LALPA chun i hming hi Pas-hur a ti naw cheh a, Magor-missabib a ti lem che a nih.

JEREMIA 37:13

Ama chu Benjamin dai kawt- khâra a um lai chun, vêngtu sipai hotu chutaka chun a lo um a, a hming chu Hanania naupa Selemia naupa Irija a nih; ama chun, “Kaldaihai kuomah în pe a nih,” tiin zâwlnei Jeremia chu a man tah a.

JEREMIA 6:25

Lohaia chun fe suok naw unla, lampuia khawm chun fe naw ro; hmêlma kâwlhnâm le ṭitumna chu sîr tin ela chun a um sih a.

EZEKIEL 22:9

I sûnga chun thisen insuo ding- in mi bautamhai an um a; i sûnga chun tlâng sâng chungahai chun an fâk bawk a; i sûnga chun hurna thil khawhlo khawm chu an lo thaw tah a.

DANIEL 6:4

Chun, hotuhai le biel awptuhai chun ram chungthuah Daniel chunga chun remchâng an zawng tah a; ni- sienlakhawm, ama chu ring a um a, amaa chun khawhlona le indiknawna hrim hmu a ni naw leiin khawhlona le remchâng chu an hmu thei dêr nawh a.

LUKA 20:20

Chun, ama chu Bawrsâp rorêlna le thuneinaa pêk dingin, a thu hril suol la dingin an inchân zing a, enthlittu, mi ṭha anga inlang tehlêmhai chu an tir a.

THILTHAWHAI 24:13

tu khawm hin an mi hêkna thu hi i hrietah a bula inthawkin sui suok thei bawk naw ni hai.

THILTHAWHAI 5:33

Chun, anni chun chuong thu chu an hrietin an lungril a khei tah a, sukhlum an tum tah a.

THILTHAWHAI 7:54

Chun, chuong thu chu an hrietin an lungril a khei tah a, Stephan chunga chun an ha an rawt a.