JEREMIA 2:7 - Pathien Lekhabu Inthieng (BSI)

⁷ Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrcheh a, ka rochan chu tirdakumah in siem ta a ni kha.

JEREMIA 2:7 ပူးပေါင်းရင်းမြစ်များ

NEHEMIA 9:25

Kulnei khawpuihai le ram ṭhatak takhai chu an lâk a, thilṭha tinrênga sip inhai chu an hluoh a, tuikhur huotsa hai, grêp huonhai, oliv huon dâm, thei kûng tamtakhai chu an nei a; chuongchun, an fâk a, an khawp a, an hung thâu a, i ṭhatna nasataka chun nuom an chên a.

NEHEMIA 9:26

Nisienlakhawm, an hung kâw- mawh a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thawh a.

ISAI 19:25

sipaihai LALPA chun, “Ka mi Aiguptahai le ka kutsuok Assuria- hai le ka rochan Israelhai chu malsâwmin um raw se,” tiin mal a sâwm sih a.

JEREMIA 16:18

Chun, a hmasatakin, an khaw- hlona le suolna chu a let hniin thung ka ta, ka ram chu an thil thienglo ruokhai chun an lo sukpawrche tah a, ka rochan khawm an tirdakumna chun an lo suksip ta leiin.

JEREMIA 3:1

“Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

JEREMIA 3:2

Bâwlhmun tienghai khi i mithai khan hang thlîr la, en ta; an zâlpui nawna che khaw lai am a um a? Thlalêra Arabia mi ang elin, lampui sîra chun an ta dingin i ṭhung a; i rîtlona le i hurna chun ram chu i sukpawrche ta a nih.

JEREMIA 3:9

A hurna inruina lei chun ram chu sukpawrchein a um tah a; thingbul- hai le lunghai le chun a lo uire tah a.

JEREMIA 32:23

chuongchun, an hung lût a, an nei a, nisienlakhawm, i râwl chu an awi nawh a, i dân khawm chu an zâwm bawk nawh a; anni chun thaw dinga thu i pêkhai a iengkhawm chu an thaw nawh a; chuleiin, thil ṭha naw tinrêng chu an chunga chun în tlungtir a,

JEREMIA 32:30

An naupang laia inthawk tah Juda thlahai le Israel thlahai hin ka mithmuah thil suol chu an lo thaw hlak sih a; Israel thlahai chun an kut sinthawhai chun an mi lo suklungsen sih a, LALPA chun a tih.

EZEKIEL 20:24

ka rorêlhai chu an phursuok nawh a, ka thuruothai khawm an dangkîr bawk leiin le, ka châwlnihai khawm chu an sukpawrcheh a, an thlatuhai milimhai chu an mit chun a en zing leiin.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmuh a, chutaka chun an inthâwina chu an inhlân tah a, chutaka chun an thilinhlân chimum chu an pêk a, chutaka chun an rim- inhnik khawm chu an bun bawk a.

EZEKIEL 20:6

chu nia chun Aigupta rama in- thawka, ram po pohai ropuina nenetui le khuoizua luong ram an ta dinga ka lo enthlit tah rama hung ṭhuoi dingin, an kuoma chun ka bân ka phar a.

EZEKIEL 23:35

“Chuleiin, Lalpa PATHIEN chun hieng hin a tih: Kei i mi lo theinghil tah a, i hnungah i mi pei tah a, chuleiin, i hurna le i nawchizawr- nahai chu nangin phur rawh,” tiin.

EZEKIEL 36:17

“Mihriem naupa, Israel sûng- kuo chu anni ram ngeia an chêng lai khan, an thil thawhai le an lampuihai chun an sukpawrcheh a; an lampui chu ka kuoma chun nuhmei ân siehran laia ân thieng nawna ang chu a nih.

HOSEA 9:3

LALPA rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

MIKA 2:10

Tho unla, fe hmang ro; hi hi in châwlna hmun a ni si nawh a; sietna nasatak chena sukse hlaktu in- thiengnawna chu a um leiin.

NAMBAR 13:27

Mosie kuomah, “I mi tirna rama chun kan feh a, nênêtui le khuoizu luongna a lo ni ngei el; hi hi a rama thei a nih.

DÂN PAHNINA 21:23

a ruong chu thinga chun zânkhawvârin a um ding a ni nawh a, chu ni le le chun in phûm ding a nih; thinga khai taphawt chu Pathien ṭawngsephur an ni sih a, LALPA in Pathienin hluo dinga a pêk cheu ram chu in sukpawrche nawna dingin.

DÂN PAHNINA 32:9

LALPA chanvo chu a mihai an na, Jakobrawi chu a rochan an nih.

DÂN PAHNINA 6:18

LALPA mithmua indik le ṭha chu in thaw ding a nih; in tluongtlung theina ding le LALPAIN in pi le puhai kuoma inkhâma a lo tiem tah ram ṭhatak chu in va hluo theina dinga,