JEREMIA 2:6 - Pathien Lekhabu Inthieng (BSI)

⁶ Anni chun, ‘Aigupta rama in- thawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tukhawm an fethleng ngai nawna le, mi tukhawm chêng nawna rama mi ṭhuoitu LALPA kha khaw lai am a um a? khawm an ti nawh.

JEREMIA 2:6 ပူးပေါင်းရင်းမြစ်များ

2 LALHAI 2:14

Chun, Elija puon amaa in- thawka tla chu a lâk a, “Elija Pathien LALPA chu khâwlai am a um a?” a tih a, tui chu a vuok a, chuongchun, khingtieng khingtieng chun tui chu an lo inṭhe tah a. Chun, Elisa chu râlkhing chu a kai tah a.

JOB LEKHABU (THE BOOK OF JOB) 3:5

Inthimna le thina hlim chun anni ta ngeiah hau sienla, A chungah sûm zîng tlat raw se; Ni inthimna chun suklâu raw hai se.

JOB LEKHABU (THE BOOK OF JOB) 35:10

Nisienlakhawm, tukhawma, ‘Kei a mi Siemtu Pathien chu khâwlai am a um a, Zâna khawm hlahai pe hlaktu chu?

INPÂKNA HLABU 23:4

Anih, thina hlim varuom hraw lang khawm, Thil ṭha naw hrim hrim ṭi naw ningah, nang ka kuomah i um sih a: I hembâwk le i hmawlin a mi thlamuon hlak a nih.

INPÂKNA HLABU 77:5

Tienlai nihai ka ngaituoh a, Tienlai kumhai chu.

FESUOKNA 20:2

“LALPA in Pathien, Aigupta ram, suok nina ina inthawka ṭhuoi suoktu cheu ka nih.

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

ISAI 64:7

Chuongchun, i hming lama, nangma chel dinga mâni insukhar tukhawm an um dêr nawh a, keini kuoma hin i hmai i thup ta sih a; kan khawhlonahai hmangin i mi sukbo- hmang tah a nih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin LALPA in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem tah a.

JEREMIA 2:2

“Fe la, Jerusalem na bula chun khêk la, hieng hin hril rawh, LALPA chun hieng hin a tih; mo anga i hmangaina le, i tleirâwl lai lungin- sietna; khânga ram chi thea um nawna hmuna, thlalêra ka hnung i hung zui kha ka hriet zing a.

JEREMIA 2:8

Thiempuhai khawm chun, “LAL- PA kha khaw lai am a um a?” khawm an ti nawh a; dân hmangtuhai hlak chun an mi hriet bawk nawh: rorêl- tuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 5:12

LALPA chu an lo inphatsan a, “Ama a ni nawh; thil ṭha naw chu ei chungah hung tlung chuong naw ni; ṭâm amanih, kâwlhnâm amani khawm hmu chuong nâwm ei ni;

JEREMIA 5:2

“LALPA chu a hring zing angin,” an ti dea chu, inkhêl letdêra inkhâm el an nih.

JEREMIA 51:43

A khawpuihai chu râusan, ram ṭâwl, thlalêr ram, ram mi chêng nawna hmun, mihriem nau tukhawm sir ngai lo ram a lo ni tah a.

HOSEA 12:13

Zâwlnei hmangin Israel chu Aiguptaa inthawkin LALPAIN a ṭhuoi suok a; Zâwlnei bawk hmang chun a hum bawk a.

HOSEA 13:4

Kei ruok hi chu Aigupta rama inthawk tah a, LALPA i Pathien chu ka na, Kei ti naw chu Pathien dang i hriet ngai nawh a; Kei naw hi chu sandamtu dang an um nawh.

AMOS 2:10

Amor mihai ram chu nei dingin Aigupta rama inthawkin ka ṭhuoi suok cheu a, thlalêra khan kum sâwmli sûngin ka ṭhuoi cheu a.

MATTHAI 4:16

Inthim hnuoia ṭhunghai chun var nasatak an hmuh a, Thina hmun le a hlima ṭhunghai chunga chun, Var a hung suok tah a,” tia a hril kha a hung tlung theina dingin.

DÂN PAHNINA 1:19

“Chun, LALPAIN thu a mi pêk angin Horeb tlânga inthawk chun ei suok a, Amor mihai tlâng ram lampuia thlalêr lientak le râpthlâk- tak in hmu kha ei fe thleng vawng a, Kades-barneaa chun ei hung tlung a.

DÂN PAHNINA 32:10

“Thlalêr ram ruok inrûm vung vunga chun; A vêla umnghain a enkawl a, A mitnaulêng angin a kawl a.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

RORELTUHAI 6:13

Gideon chun a kuomah, “Aw pu, LALPA kan kuomah a um si chun, iengtizieha hienga kan chunga thil tlung el am a nih a? Kan thlatuhai khan, ‘LALPA chun Aiguptaa in- thawk khan a mi ṭhuoi suok ni lo am a nih?’ tia a thilthaw maktak takhai an mi hrilhai dâm kha khâwlai am a um zo ta leh? Tuhin chu LALPA chun a mi nghatsan dêr tah a, Midianhai kutah a mi pêk tah a ni hi,” a tih a.