JEREMIA 2:5 - Pathien Lekhabu Inthieng (BSI)

⁵ LALPA chun hieng hin a tih: “In thlatuhai khan keimaa hin ieng fel nawna am an hmu a, keimaa in- thawka hlataka khan an fe hmang a, teplo khata chun an fe a, teplo an hung chang el a nih a?

JEREMIA 2:5 ပူးပေါင်းရင်းမြစ်များ

2 LALHAI 17:15

Chun, a thuruothai, an pi le puhai kuoma a thuthlunghai, an kuoma thu inhriettirhai chu an pawisa nuom nawh a; thil teplo mei mei an pawm a, teplo mei mei an hung ni tah a; an chungchâng thua LALPAIN, “Anni ang chun thaw naw ro,” a lo ti tah, an kâwl vêla hnamhai thaw dân chu an lâk veh a.

INPÂKNA HLABU 115:8

Chuong siemtuhai chu chuong ang bawk chun um an ta, Anih, chuong ringtu taphawthai chu.

ISAI 29:13

Chun, LALPA chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei nawh a, an hriet thei bawk nawh.

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

JEREMIA 10:8

Anni chu ngawngtak le invêt an na, milim inchûktirna chu thing bul el chu a nih.

JEREMIA 12:2

Nang chun anni chu i phun tah a, anih, zung khawm an kei a; an hung inṭhang a, ra khawm an hung ra tah a; an baua chun nang chu i hla naw hleh a, an sûnga ruok chu i hla a nih.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw LALPA kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem sih a.

JEREMIA 2:31

Aw nangni suon hai, LALPA thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israel- hai kuoma chun thlalêr amanih, ram inthim sâmup am ka lo nih a ni?

JEREMIA 2:4

Aw Jakob sûngkuo le, Israel sûngkaw pahnamhai po po, LALPA thu chu ngai ta u;

JEREMIA 8:19

Ka chipuihai naunu ram hla- taka inthawka a khêkri chu lo ngai ta u, “LALPA chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

EZEKIEL 11:15

“Mihriem naupa, i unauhai, i unauhai ngei, i chipuihai, Israel sûngkuo po po chu, an rêngin, an kuoma chun Jerusalem hluotuhai chun, ‘LALPAA inthawk chun fe hmang unla, keini kuomah hi ram hi nei dinga pêk a ni tah,’ an tih a;

EZEKIEL 14:5

an milimhai leia keimaa in- thawka an invâkhmang vawng tâk leiin, Israel sûngkuo chu an lungril- hai ka lâk theina dingin’ tiin.

JONA 2:8

Thil teplo khêl thu mei mei ngaituotuhai chun, An ta dinga ngilneina chu an nghatsan a nih.

MATTHAI 15:8

‘Hi hairawi hin an bauin an mi chawimawi a, An lungril ruok chun an mi hlat sih a.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuisuoriet hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:21

Pathien hre zing siin Pathien angin an chawimawi nawh a, lâwmthu khawm an hril bawk si nawh. Teplo mei mei an ngaituo lem tah a, an lungril invêt chu a hung inthim tah a.

DÂN PAHNINA 32:21

Pathien ni lo thilin ka thîkthu an chawktho a, An milimhaiin an mi suklungsen a; Chia hril lohaiin inthîktir ka ta, Hnam invêthaiin suklungsen ka tih.

1 SAMUEL 12:21

iengkhawma ṭhahnem lo ding le sansuok thei lo ding cheu zuiin pêtsan naw ro, teplo mei mei an ni sih a.