JEREMIA 2:30 - Pathien Lekhabu Inthieng (BSI)

³⁰ A thlâwn elin in thlahai chu ka lo vuok tah a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 2:30 ပူးပေါင်းရင်းမြစ်များ

1 LALHAI 19:10

Ama chun, “LALPA sipaihai Pathien ta ding hin ṭhahnem ka ngai êm êm hlak a, Israel thlahai hlak chun i thuthlung an nghatsan a, i maichâmhai an sukchim a, i zâwl- neihai kâwlhnâmin an sâthlum sih a; a la um chu kei bak hi ka na, ka hring- na mi lâkpêk an tum a nih,” a ta.

1 LALHAI 19:14

Chun, ama chun, “LALPA sipai- hai Pathien ta ding hin ṭhahnem ka ngai êm êm hlak a, Israel thlahai hlak chun i thuthlung an nghatsan a, i maichâmhai an sukchim a, i zâwl- neihai kâwlhnâmin an sât hlum sih a; a la um chu keima bak hi ka na, ka hringna mi lâkpêk an tum a nih,” a ta.

2 CHANCHIN SUINA 24:21

Chun, ama chu an phierrûk tah a, LALPA in inhuon tuolsûnga chun lal thupêkin an dêng hlum tah a.

2 CHANCHIN SUINA 28:22

Chuongchun, hi lal Ahaz hi, a lunginzîng hun laia khawm chun LALPA chungah a bawsiet zuol det pei a.

2 CHANCHIN SUINA 36:16

nisienlakhawm, Pathien tirko- hai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga LALPA lungsenna chu chawkthoa a um hiel chen chun.

NEHEMIA 9:26

Nisienlakhawm, an hung kâw- mawh a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thawh a.

ISAI 1:5

Iengdinga hel zuol deu deu a, vuoka la um rawp ding am in nih a? Lu chu a pumin a nah a, lungril khawm chu a pumin a châu tah.

ISAI 59:3

In kuthai chu thisen sukpawr- chein a um a, in kutpârhai hlak khawhlonaa sukpawrchein a um sih a; in hmûrhai chun khêl a hril a, in lei chu rîtlona thu hrilin a chier num num hlak.

ISAI 9:13

Nisienlakhawm, mihai chun anni vawtu tieng chu an ngha chuong si nawh a, sipaihai LALPA chu an zawng chuong bawk nawh.

JEREMIA 31:18

Ephraim chu hieng ang lusûn hin ka hriet ngei a nih: “Bâwngtê rîngkawl la bât ṭhang lo angin nangin i mi thununa, thununin ka um a; nangin mîn hertir la, chuongchun, inher ka tih: nang chu LALPA ka Pathien i ni sih a,” tiin.

JEREMIA 46:14

Aiguptaa chun hril unla, Migdola chun phuong unla, Nopha khawm chun phuong unla, Tahpan- hesa le chun: “Ngîr dawk la, inbuotsai rawh; i vêla chun kâwlhnâm chun a fâk zo pei ta si a,” ti ro.

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 7:28

Chun, an kuoma chun, “LALPA an Pathien râwl khawm ngai loa, inchûktirna khawm pawm bawk lohai chu hi hnam hi an nih; thudik chu a riral a, an baua inthawk chun sât thlâkin a um a,” tîng i tih.

ṬAP HLA 4:13

A zâwlneihai suolnahai le a thiempuhai khawhlona, A sûnga mi fel thisen an insuona lei khan a nih.

EZEKIEL 22:24

“Mihriem naupa, amanu kuoma chun hril la; Ram thienglo le, lungin- senna nia a chunga ruo tlâk nawna ang chu i nih, ti rawh.

EZEKIEL 24:13

I pawrchenaa chun hurna a um a; ka sukfai cheh a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suk- lungâwi hmakhat chun.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin LALPA kan Pathien ditsakna chu kan hni chuong nawh a.

ZEPHANIA 3:2

Ama chun râwl chu a pawisa nawh a, sukdikna chu a pawm nawh a, LALPA khawm chu a ring nawh a; a Pathien khawm chu a hung hnai bawk nawh a.

MATTHAI 23:29

“Nangni Dân inchûktirtu le Pharisai vervêkhai, in chung a rik! zâwlnei thlân inhai in bâwl a, mi fel thlânhai khawm in cheimawi a,

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; chun, Mi Takzet chu inmantirtu le thattuhai nangni tuhin in nih in sawnnaw.

1 THESSALONIKA 2:15

Chuong Judahai chun Lalpa Isu le zâwlneihai khawm an that a, keini khawm an mi hnawt suok a, Pathien an suklâwm nawh a, mi po po an kal hlak;

THUPUONGSUO 16:9

Chuongchun, mihai chu lumtaka em ûtin an um a, chuong hremna chunga thuneitu Pathien hming chu an hrilsiet a, ama chawimawi dingin an sim chuong nawh.