JEREMIA 2:26 - Pathien Lekhabu Inthieng (BSI)

²⁶ “Inru chu hmusuok a ni pha chun ân zak angin, Israel sûngkuo khawm chu chuong ang chun ân zak a nih; anni le an lalhai, an rorêltuhai, an thiempuhai, an zâwlneihai chun,

JEREMIA 2:26 ပူးပေါင်းရင်းမြစ်များ

EZRA 9:7

Kan thlatuhai hun laia inthawk tah vawisûn ni chen hin suol namên loin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um tah a; vawisûn ni ang chen khawm hin hmêla ham- haina le, suksietnaa le sal intângnaa le kâwlhnâm kuoma pêkin an um hi.

INPÂKNA HLABU 97:7

Milim siemfâwmhai rawngbâwl- tuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

ISAI 1:29

In thingsaisuo dittakhai chu inzâpui tâng an ta, in huon thlanghai lei chun inzaktakin in um ta ding a nih.

ISAI 44:11

Ngai ta, a pâwlpuihai po po chu muolpho an tih; sinthaw mihai khawm mihriem laia mi an nih; an rêngin inkhâwm vawng hai sienla, ngîr raw se; ṭîng an ta, muolpho tâwl an tih.

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei nawh a, an hriet thei bawk nawh.

JEREMIA 2:36

I lampuihai chu thleng dingin ieng dinga în vâkvêl ruoi am a na? Assuriain a sukmuolpho che ang bawkin Aigupta khawma la hung sukmuolpho a ti che.

JEREMIA 22:22

I berâmpuhai po po chu thliin châwm a ta, i hmangaihai chu salah intâng an tih: chu pha chun mathei- loin, i khawhlonahai po po lei chun inzak i ta, buoi ngei ngei i tih.

JEREMIA 32:32

Juda thlahai le Israel thlahai suolna po po, mi suklungsenna ding ela, anni le an lalhai le an rorêltuhai le, an thiempuhai le, an zâwlneihai le, Juda rama mihai le Jerusalem hluotuhaiin an lo thaw tahai lei chun.

JEREMIA 4:9

Chuong nia chun LALPA chun a tih: Lal lungril chu bohmang a ta, rorêltuhai le thiempuhai lungril chun maktîng a tih; zâwlneihai khawma maktîng an tih.

JEREMIA 48:27

Nanga ta ding chun Israel chu hrilinsîm a ni naw am a nih? Inruhai lai hmu a ni am a nih? Ama thu chu i hril poleh, lu i lei el sih a.

EZEKIEL 16:54

an ta dinga thlamuongtu nia i thil lo thaw tahai po poa khan în zak a, i muolphona chu i phur theina dingin.

EZEKIEL 22:26

A thiempuhai chun ka dâna chun thawluina an hmang a; ka thil inthienghai chu an sukpawrche a; thil pângngai le thil inthieng khawm chu an ṭhe hran nawh a, chuongchun, mihai khawm chu thil inthieng le thienglo chu hre hran dingin an siem nawh a; ka châwlnia inthawkin an mithai an hup a; anni laia chun sukhmingsiet ka ni tah a nih.

ZEKARIA 5:4

Chun, sipaihai LALPA chun, “Infe suoktir ka ta, inru ina chun lût a ta, ka hminga khêla inkhâmtu ina le chun: chuongchun, a in sûnga chun chêng a ta, chun, chutaka a lunghai le a thinghai le chun kâng hmang a tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.