JEREMIA 2:20 - Pathien Lekhabu Inthieng (BSI)

²⁰ Inhmâta inthawk khan i rîng- kawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta sih a.

JEREMIA 2:20 ပူးပေါင်းရင်းမြစ်များ

1 LALHAI 12:32

Chun, Jeroboam chun Juda rama ruoiṭhe an nei hlak ang bawkin thla rietna, chu thla ni sâwm le ni nga ni chu ruoiṭhe niah a ruot veh a, maichâma chun an hang feh a, Bethela chun a bâwngte lim siem kâwla inthâwiin chuong ang chun an thaw a nih; chun, a siem bâwl- hmun thiempuhai chu Bethela chun a sieh a.

1 LALHAI 14:23

Tlâng insâng tina le thing hring tin hmuna hin lungphunhai phunin bâwlhmunhai le Aserahai chenin an siem bawk sih a,

INPÂKNA HLABU 107:14

Inthim hnuoi le thina hlima inthawk chun a ṭhuoi suok a, An khuopnahai chu a suktan tah a.

INPÂKNA HLABU 2:3

“An khuopnahai hi suktanin, An hruihruolhai hi ei kuoma inthawkin pei dai ei tiu,” tiin.

INPÂKNA HLABU 78:58

An hmun insânghaiin ama chu an suklungsen hlak sih a, An milim siemhaiin an inthîktir bawk a.

FESUOKNA 19:8

Chun, mipui po po chun a ruolin an dawn a, “LALPAIN a hril po pohai chu thâwng kan tih,” an tih a. Mosie chun mipui thuhai chu LALPA kuoma chun ân tlun tah a.

FESUOKNA 24:3

Mosie chu a hung a, LALPA thu po po le dânhai po po chu mipui a hril tah a. Mipui po po chun thu thu- hmunin an dawn a, “LALPAIN thu a hril po po chu thâwng kan tih,” an tih a.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 10:27

Chu nia chun a rikphur chu i liengkoa inthawka lâk hmangin um a ta, a rîngkawl chu i rînga inthawka lâk hmangin um bawk a tih; hriek nâl lei chun rîngkawl chu suksietin um tâng a tih,” tiin.

ISAI 14:25

ka ruot ang tak hin um bawk a tih: ka rama chun Assuria mi chu suksieng ka ta, ka tlângahai chun chîl hrep ka tih, ti ang hin; chu hnunga chun a rîngkawl inbâttir chu annia inthawk chun bo tâng a ta, an rik inphurtir chu anni liengkoa inthawk chun bo bawk tâng a tih.

ISAI 9:4

A rikphurna rîngkawl le a lieng- koa zâwnfung, a nêksâwrtu hem- bâwk chu, Midianhai hne ni ang khan i suktliekpêk ta sih a.

JEREMIA 13:27

Ramhnuoi muol chunghaia i châkna hurna, i în hrâmnahai, i uire- nahai, i tirdakumnahai chu ka hmuh a. Aw Jerusalem, i chung a va rik de! sukthieng i ni âwm si nawh a, ieng chen am a la ni ding chu aw?

JEREMIA 17:2

an thlahai chun muol insânghai chunga thing hringhai kâwla an Asera le an mâichâmhai chu an hriet zing sûng phawt chun.

JEREMIA 2:31

Aw nangni suon hai, LALPA thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israel- hai kuoma chun thlalêr amanih, ram inthim sâmup am ka lo nih a ni?

JEREMIA 3:13

I suolna chu hre phawt phawt la, LALPA i Pathien chunga chun i lo bawsiet tah a, thing hring tin hnuoia chun hmêlmakhai kuomah i lo inphal tah a, ka râwl khawm chu i awi bawk ta nawh a, LALPA chun a tih.

JEREMIA 30:8

Chun, chu nia chun hieng hi hung nîng a ta, sipaihai LALPA chun a tih: I rînga inthawk chun rîngkawl chu sukthliek ka ta, i hruihai chu suktan bawk ka tih; chuongchun, mi hmêlmakhai chun ama rawng chu bâwlpêk ta naw ni hai;

JEREMIA 5:5

Mi lienhai kuoma chun fêng ka ta, an kuoma chun thu hril ka tih; anni chun chu an Pathien rorêl le, LALPA lampui chu an hriet sih a,” ka tih a. Nisienlakhawm, hienghai hin lungril hmunkhatin rîngkawl chu an sukthliek a, khuopnahai chu an suktan tah a.

EZEKIEL 16:28

Mumal boa i um lei khan Assuria mihai kuoma khawm naw- chizawrah i lo insiem tah a; anih, an kuoma chun nawchizawr thil chu i lo thawa chu i lungawi tâwk si nawh a.

EZEKIEL 16:31

Lampui tluong tinahai chun i hmun langsârhai chu i bâwl a, kawt- thlêr tinahai chun i hmun insânghai chu i siem bawk a; hawman khawm i lâk nawnaa hin nawchizawr el ang khawm i ni nawh.

EZEKIEL 16:41

I inhai chu meiin râwng an ta, nuhmei tamtak mithmua chun i chunga rorêlna chu sukthlûng an ta; chun, nawchizawr anga um chu ma dingin siem ka ti cheh a, chun, hawman khawm pe ta ngai hrim hrim naw ti ni.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmuh a, chutaka chun an inthâwina chu an inhlân tah a, chutaka chun an thilinhlân chimum chu an pêk a, chutaka chun an rim- inhnik khawm chu an bun bawk a.

EZEKIEL 23:5

Chun, Ohola chun ka ta a ni sûng khawm chun nawchi a zawr a; a dit zâwnghai a tuolbâwm Assuria mihai ân saipuia,

HOSEA 1:2

Hosea hmanga LALPA thu hril phutna chu. LALPA chun Hosea kuomah, “Fe la, nawchizawr thla, nawchizawr mi, nuhmeiah va nei rawh, hi ram hin LALPA chu a uiret hmangsan tah,” a tih a.

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu. Ka dit zâwnghai chu hnawt ka tih, a ti a nih.

HOSEA 3:3

chun, a kuomah, “Ni tamtak sûng chu ka ta dingin i um ding a nih, nawchi i zawr ding a ni nawh a, tu nuhmei khawm i ni bawk ding a ni nawh; chuong ang bawk chun kei khawm i kuoma chun um ka tih,” ka ta.

HOSEA 4:13

Tlâng sîphaia chun an inthâwi a, Muolhaia chun riminhnik an rawh a; Thingsaisuo le beraw le tarpin thing hnuoia chun, A hlim chu ân hawi leiin. Chuleiin, in naunuhmeihai chun nawchizawr an chîng a, In mohai chun uiret an chîng a nih.

HOSEA 9:1

Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina sih a.

LEVI DÂN 26:13

Kei hi LALPA in Pathien, an suokhai in ni nawna dinga Aigupta rama inthawka ṭhuoi suoktu cheu chu ka nih; an rîngkawlhai chu ka suktliek a, ngirinzangin kân lâwntir ta cheu hi.

NAHUM 1:13

Tuhin chu i kuoma inthawkin a rîngkawl chu suktliek ka ta, nangma khuopna hruihai chu suktan vawng ka tih.

DÂN PAHNINA 12:2

In va hluo ding ram hnamhaiin tlâng lienhai, tlâng chînhai, thing hring tin hnuoi dâma an pathienhai rawng an bâwlna hmun po pohai chu in suksiet vawng ding a nih.

DÂN PAHNINA 15:15

Aigupta rama khan suok in ni tah a, LALPA in Pathienin ân tlan cheu ti kha in hriet zing ding a nih; chu lei chun a nih, hieng thu hi tuhin ka pêk cheu chu.

DÂN PAHNINA 26:17

Vawisûn hin LALPA chu a lam- puihai hrawh a, a dânhai le a thupêkhai le a rorêlhai chu zâwm a, a rawl chu ngai dingin in Pathien dingin in thlang tah a;

DÂN PAHNINA 4:20

LALPA chun a mihai, a ro ni dinga thîr rawtuinaa inthawk, Aigupta rama inthawk chun a ṭhuoi suok lem cheu a ni kha, tuta in ni ang hin.

DÂN PAHNINA 4:34

hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia LALPA in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

DÂN PAHNINA 5:27

Nangin va hnai la, LALPA ei Pathienin a hril ding po po chu nang- in kan kuomah hril i ta; chuongchun, lo ngai kan ta kan zâwm ding annâwm,’ in tih a.

JOSUA 1:16

Anni chun Josua chu an dawn a, “Thaw dinga i thu mi pêkhai po po chu thaw pei kan tih.

JOSUA 24:24

Chun, mipuihai chun, Josua kuomah, “LALPA kan Pathien rawng chu bâwl kan ta, a thu chu zâwm pei kan tih”, an ta.

JOSUA 24:26

Chuongchun, Josua chun chuong thu chu Pathien dân buah a ziek a, chun, lung lientak a lâk a, LALPA hmun inthieng bula thingsai- suo hnuoia chun a phun a.

THUPUONGSUO 17:1

Chun, vântirko pasari berbu pasari chawihai laia pakhat chun a mi biek a. “Hung ta, tui tamtaka ṭhung, nawchizawr ropuitak hremna chu inentir ka ti che.

RORELTUHAI 10:6

Israel mipui chun LALPA mit- hmua thil suol chu an lo thaw nâwk tah a, Baalhai le Astaroth, Suria mi- hai pathienhai, Zidon mihai pathien- hai, Moab mihai pathienhai, Ammon mihai pathienhai, Philistin mihai pathienhai rawng an lo bâwl tah a; chuongchun, LALPA chu an nghat- san a, a rawng an bâwl ta nawh a.

RORELTUHAI 2:11

Chun, Israel thlahai chun LALPA mithmuhah thil suol chu an lo thawh a, Baalhai rawng an bâwl tah a.

RORELTUHAI 2:13

LALPA chu an nghatsan a, Baal le Astaroth rawng an bâwl tah a.

1 SAMUEL 12:10

Chun, LALPA chu an ko a, ‘LALPA chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawng- bâwl kan tih,’ an ta.