JEREMIA 2:17 - Pathien Lekhabu Inthieng (BSI)

¹⁷ Lampuia chun a ṭhuoi lai chea, LALPA i Pathien i nghatsan khan, hi hi nang chun i nei tlat ni lo am a nih?

JEREMIA 2:17 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun LALPA chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

JOB LEKHABU (THE BOOK OF JOB) 34:27

Ama chu zui dinga an pêthmangsan lei le A lampuihai chu pakhat khawm an ngaisak naw leiin.

JOB LEKHABU (THE BOOK OF JOB) 4:8

Ka lo hmu ta hlak ang chun, rîtlona tûtuhai le, Buoina thêtuhai chun, chu ma chu an sîk hlak.

INPÂKNA HLABU 107:7

Mihriem umna khuoa an fe theina dingin, Lampui tlûntakah a ṭhuoi tah a.

INPÂKNA HLABU 136:16

A mihai thlalêra ṭhuoitu kuoma chun: A ngilneina chu kumkhaw- tluongin a um ding a ni sih a.

INPÂKNA HLABU 77:20

Mosie le Aron kutin, I mihai chu berâm ruol angin i ṭhuoi hlak.

THUVARHAI 15:10

Lampui mâksantu ta ding chun sukdikna lungngaiumtak a um hlak, Kâwkna theidatu chu thi ngei a tih.

ISAI 1:4

A! hnam suol, khawhlona riktak phur mihai, chithla thil ṭha naw thaw- tuhai, nau rilotaka khawsa hlakhai an nih. LALPA chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 59:13

kan bawsiet dâm, LALPA kan inphatsan dâm, kan Pathien zui pei loa kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

JEREMIA 13:22

I lungril chun, “Hieng thilhai hi iengtiziea ka chunga hung tlung am a na?” i ti a ni thei a; i suolna tam êm lei chun i fênthuo chu hlîm a na, suol- luina i tuok a nih.

JEREMIA 19:4

Kei an mi lo nghatsan tah a, hi hmun khawm hi an lo sukhran tah a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip tah a;

JEREMIA 2:13

Ka mihai chun thil ṭha naw pahni chu an thaw ta sih a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:19

Nangma rîtlona ngei chun suk- dik a ti cheh a, i hnungtawlnahai chun nang chu kâwk a ti che; chulei- in, LALPA i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, LALPA, sipaihai LALPA chun a tih.

JEREMIA 4:18

I thilthawhai le i lampui chun hieng thilhai hi ân neitir che a ni hi; hi hi i khawhlona chu a nih: khâk khawm a kha sih a; i lung chen a tlung ta sih a.

JEREMIA 44:3

lunginsennaa mi chawktho ding- in an thlatuhaiin amanih, anni ngei khawma an hriet lohai pathien danghai chu an rawng bâwl ding le, an kuoma riminhnik raw dinga an fe a, chuong khawhlonahai an thawna lei chun.

JEREMIA 5:25

In suolnahai chun hieng thilhai hi a hnawt hmang a, in suolnahai chun nangnia inthawk chun ṭhatna- hai chu a chelkîrpêk cheu a ni hi.

EZEKIEL 39:24

An inthieng nawna ang pei le, an bawisietnahai ang peiin an chunga chun ka lo thaw tah a; chun, ka hmai chu ka thuppêk bawk a.

HOSEA 13:9

Aw Israel, nangma ṭhangpuitu i mi do hi, I sietna a nih ie.

MIKA 1:5

Hieng po po hi Jakobhai baw- sietna le Israel sûngkuohai suolna lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?

NAMBAR 32:23

Amiruokchu, chuong anga in thaw naw chun, ngai ta u, LALPA chunga suol nîng in ta, in suol chun hmu suok ngei ngei a ti cheu ti hre ro.

DÂN PAHNINA 32:10

“Thlalêr ram ruok inrûm vung vunga chun; A vêla umnghain a enkawl a, A mitnaulêng angin a kawl a.

DÂN PAHNINA 32:19

“Chu chu LALPAIN a hmuh a, a theida a, A naunu le naupasalhai isuklungsenna leiin.