JEREMIA 2:13 - Pathien Lekhabu Inthieng (BSI)

¹³ Ka mihai chun thil ṭha naw pahni chu an thaw ta sih a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:13 ပူးပေါင်းရင်းမြစ်များ

2 LALHAI 22:17

an mi mâksan a, pathien danghai kuomah riminhnik an rawh a, an kutsuoka an mi suklungsen leiin hi hmuna hin ka lunginsenna chu a chawk nasa ding a na, rêm el naw nih.

INPÂKNA HLABU 36:9

Hringna tuikhur chu i kuomah a um sih a. I vara chun var la hmûng kan tih.

THUHRILTU 1:14

Nisa hnuoia sin thawa um tahai po po chu ka hmu tah a; chun, ngai ta, thil po po chu teplo el, lungril sâwlna el a nih.

THUHRILTU 1:2

“Teplohai teplo, Thuhriltu chun, teplohai teplo! Thil po po hi teplo a nih,” a ta.

THUHRILTU 12:8

“Teplohai teplo,” Thuhriltu chun a tih, thil po po hi teplo a nih.

THUHRILTU 2:11

Chun, ka kuthaiin sin a lo thaw ta po po chu ka en a, chuonghai thawa ka lo sininrimna tahai po po chu teplo el le, lungril rimsikna el a nih, nisa hnuoia hin hlâwkna hrim a lo um nawh ti ka hmuh a.

THUHRILTU 2:21

Achâng chun mi varna, hriet- thiemna le themthiemna le sinin- rimna, ana hlak, a thaw suoksa chu sininrim nawin a chên el dinga maksanpêk a um bawk a. Hi khawm hi teplo el a na, suol nasatak a nih.

THUHRILTU 2:26

Pathien chun ama suklung- awitu kuoma chun varna le hriet- thiem theina le hlimna a pêk a, mi suol kuoma ruok chun Pathien suk- lungawitu kuoma pêk dinga lâk- khâwmna le siekhâwlna sin a pêk a. Hi khawm hi teplo el a na, lungril rimsikna el a nih.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmuh a. Hi khawm hi teplo el, lungril rimsikna el a nih.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si nawh a; ka mihai chun an ngaituo naw a nih,” tiin.

ISAI 1:4

A! hnam suol, khawhlona riktak phur mihai, chithla thil ṭha naw thaw- tuhai, nau rilotaka khawsa hlakhai an nih. LALPA chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 12:3

Chuleiin, sandamna tuikhura inthawk chun hlimtakin tui la chawi in tih.

ISAI 5:13

Chuleiin, ka mihai chu, hrietna an nei naw leiin, sala ṭhuoiin an um tah a; an mi inzâumhai chu an phîng a ṭâm a, an mipuihai chu dangchârin an dang ân hil zo tah a.

ISAI 55:2

Bu ni si loah ieng dinga tangka in sêng am a na? Khawp le tlaina ni si loah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

ISAI 63:8

Ama chun, “Ka mihai, nau a tehlêma thaw lo dinghai an ni ngei el,” a ti sih a; chuongchun, anni san- damtuah a hung um tah a.

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik rawh a, an kut sinthawhai ngei chu chibai an lo bûk ta leiin.

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu nawh a; an tuitheihai chu a ruokin an kîr a, an inzakin an buoi a, an luhai chu an inkhum a.

JEREMIA 15:6

Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 17:13

Aw LALPA, Israel beisei, nang- ma nghatsantuhai che chu inzak an tih; nangma mâksantuhai chu, LALPA, tuihring tuikhur chu an nghatsan tâk leiin hnuoia chun ziek nîng an tih.

JEREMIA 18:14

Lebanon vûr chun ramhnuoi lungpui chu a mâksan ding am a nih? Annawleh, tui dei ram hlataka inthawka hung luong thlahai chu a kang el ding am a nih?

JEREMIA 19:4

Kei an mi lo nghatsan tah a, hi hmun khawm hi an lo sukhran tah a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip tah a;

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

JEREMIA 2:17

Lampuia chun a ṭhuoi lai chea, LALPA i Pathien i nghatsan khan, hi hi nang chun i nei tlat ni lo am a nih?

JEREMIA 2:26

“Inru chu hmusuok a ni pha chun ân zak angin, Israel sûngkuo khawm chu chuong ang chun ân zak a nih; anni le an lalhai, an rorêltuhai, an thiempuhai, an zâwlneihai chun,

JEREMIA 4:22

“Ka mihai an invêt a, an mi hriet si nawh a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 5:26

Ka mihai laia chun mi rilohai hmu a na; anni chun vate mantuhaiin an inchân angin an inchân a; châng an kam a, mihai chu an man a.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl tah a, ka mihai hlak chun, chuong chu nei an lo châk bawk sih a: a tâwpa chun ieng am thâw tâng i ta?

EZEKIEL 14:5

an milimhai leia keimaa in- thawka an invâkhmang vawng tâk leiin, Israel sûngkuo chu an lungril- hai ka lâk theina dingin’ tiin.

EZEKIEL 47:1

Chun, in kawtkhâra chun a mi ṭhuoi kîr nâwk a; chun, ngai ta, in tuolpûk saktieng panga chun tui hi a suok a, (chu in hmai chu saktieng ngha a ni sih a); chun, tui chu a hnuoia inthawk chun, in changtieng pangah, mâichâm simtieng panga inthawk chun a hung luong thla a.

MIKA 2:8

Nisienlakhawm, ka mihai chu tulai hnaia hin hmêlma angin an hung ngîrdawk a nih; indo nuom lo a, râlmuongtaka mi inlawnhaia in- thawkin an silfên zakawfuolhai in hlîppêk a.

MIKA 6:3

“Aw ka mihai, in chungah ieng am ka thawh a? Ieng kawng âm ka suksâwl cheu a? Mi hung khing ta u.

ZEKARIA 13:1

“Chu ni chun inthieng nawna le suolnaa dingin, David sûng- kuo le Jerusalema chêngtuhai ta dingin tuikhur hawngpêk nîng a tih,”

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:11

Chun, nuhmei chun a kuomah, “Pu, khaina iengkhawm i nei si nawh a, tuisunsuo ân thûk vei leh, khâwlaia inthawkin am tui hring chu i hmuh a?

JOHAN 4:14

tûkhawm an kuoma ka pêk ding tui dâwn taphawt ruok chu, kum- khuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 7:37

Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.

DÂN PAHNINA 31:16

Chun, LALPAIN Mosie kuom- ah, “Ngai ta, i pi le puhai kuomah i ininnghil ding a ni tah a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an ta.

2 PETER 2:17

Chuong chu tuikhur tui um naw le, sûm thlipui imût lêng chu an nih, chuonghai ta ding chun inthim sa khup chu khêk a ni tah.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura in- thawkin a thlâwnin pêng ka tih.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:17

Thlarau le mo chun, “Hung rawh,” an tih a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.

RORELTUHAI 10:13

Chuong sa khawma nangnîn in mi nghatsan a, pathien danghai rawng chu in bâwl ta lem a; chuleiin, sansuok ta naw ning cheu ah.

1 SAMUEL 12:10

Chun, LALPA chu an ko a, ‘LALPA chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawng- bâwl kan tih,’ an ta.