JEREMIA 2:11 - Pathien Lekhabu Inthieng (BSI)

¹¹ Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

JEREMIA 2:11 ပူးပေါင်းရင်းမြစ်များ

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

2 LALHAI 1:3

Nisienlakhawm, Tisbe mi Elija kuoma chun LALPA vântirkoin, “Tho la, Samari lal tirtâwnhai chu intuokpui dingin fe rawh; chun, an kuoma chun, Israel rama hin Pathien a um ta naw leiin amanih Ekronhai pathien Baal-zebub chu râwn dinga in fe chu?

2 CHANCHIN SUINA 13:9

LALPA thiempuhai Aron nau- pasalhai le Levi mihai chu in hnawtsuokin, ram dang mihai dân angin thiempuhai in insiem fâwm a ni naw am a nih? chuleichun, mi tukhawm berâm pasari le bâwngchal tuoia ama inpumpêk dinga hung taphawt chu pathien ni lohai thiempuhai chu an ni thei pei a.

INPÂKNA HLABU 106:20

Chuong ang chun an ropuina chu, Bâwngchal hlobet fa mi ang chauah an inchangtir tah a.

INPÂKNA HLABU 115:4

An milimhai chu tangka le rângkachak an na, Mihriem kutsuok an nih.

INPÂKNA HLABU 3:3

Nisienlakhawm, aw LALPA, nang chu ka vêlin ka phaw i na, Ka ropuina le ka lu dawm kângtu i nih.

ISAI 37:19

an pathienhai chu meiah an pei bawk a; chuonghai chu Pathien an ni naw hrim a nih; mihriem kuta siem, thing le lung an ni lem; chuleichun, an sukbohmang a nih.

JEREMIA 16:20

Mihriem chun ama ta dingin pathienhai ni si lo, pathienhai chu ân siempêk ding am a nih?

JEREMIA 18:13

“Chuleiin, LALPA chun hieng hin a tih; Hnamhai laia chun indawn unla, hieng ang thilhai hi hre hlak an um am; Israel nunghâk inthieng chun thil râpthlâktak el chu a lo thaw tah a.

JEREMIA 2:5

LALPA chun hieng hin a tih: “In thlatuhai khan keimaa hin ieng fel nawna am an hmu a, keimaa in- thawka hlataka khan an fe hmang a, teplo khata chun an fe a, teplo an hung chang el a nih a?

JEREMIA 2:8

Thiempuhai khawm chun, “LAL- PA kha khaw lai am a um a?” khawm an ti nawh a; dân hmangtuhai hlak chun an mi hriet bawk nawh: rorêl- tuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 5:7

Iengtin am ngaidam thei ka ti cheh a? I thlahai chun an mi nghat- san tah a, pathien ni lohaia chun an inkhâm tah a; khawptaka ka châwm lai khawmin, an uire tah a, nawchi- zawr inahai chun a pâwl pâwlin anni chu an inkhâwm tâwl a.

EZEKIEL 14:5

an milimhai leia keimaa in- thawka an invâkhmang vawng tâk leiin, Israel sûngkuo chu an lungril- hai ka lâk theina dingin’ tiin.

EZEKIEL 5:7

Chuleiin, Lalpa PATHIEN chun a tih: In vêla hnam umhai nêkin in buoi ngun lem a, ka thuruothai in zâwm bawk nawh a, ka rorêlhai in pawm bawk nawh a, in vêla hnamhai dân ang chun in thaw bawk naw leiin;

MIKA 4:5

Chi tin mâni pathien hming sengin um an ta, eini khawm LALPA ei Pathien hmingin kumkhuoin um ei tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:23

Pathien thi thei lo ropuina chu, mihriem thi thei dâm le vatehai dâm, sapheimanli le thilhringhai lim angah an inchangtir tah a.

1 KORINTH 8:4

Chuongchun, milimhai kuoma inthawina thil fâk kawnga chu, khawvêla hin milim hrim hrim chu iengkhawm an ni nawzie le, pakhat chau naw chu Pathien dang hrim an um naw chu ei hriet a.

GALATI 4:8

Nisienlakhawm, khânga Pathien in hriet naw lai khan, an piengzie hrim khawma Pathien ni dêrlohai suok in na.

DÂN PAHNINA 32:16

Ram dang pathienhai bein a thîkthu an chawktho a, Thil tirdakumin an chawk lungsen a.

DÂN PAHNINA 32:21

Pathien ni lo thilin ka thîkthu an chawktho a, An milimhaiin an mi suklungsen a; Chia hril lohaiin inthîktir ka ta, Hnam invêthaiin suklungsen ka tih.

DÂN PAHNINA 33:29

I hamṭha de, aw Israel, Nang ang hrim tu am an um a, LALPA sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

1 PETER 1:18

In thlatuhai ipêk sâwng, in um dân ieng ni barloa inthawk chu, thil se thei, tangka le rângkachaka intlan in ni nawh a,

1 SAMUEL 4:21

Chun, “Ropuina chun Israel- hai chu a suoksan tah,” tiin, nau- pang hminga chun Ikabod a sak a. Pathien bâwm chu an lâkpêk tah a, a tarpupa le a pasal khawm an thi ta sih a.