JEREMIA 19:7 - Pathien Lekhabu Inthieng (BSI)

⁷ Chun, hi hmuna hin Juda ram le Jerusalem thurawt chu inthlâwntir ka ta; an hringna zawngtuhai le, an hmêlmahai hmaa chun kâwlhnâmah intlûktir ka tih; chun, an ruonghai chu chunglêng vatehai le, hnuoia ramsahai ta dingin bu dingin pêng ka tih.

JEREMIA 19:7 ပူးပေါင်းရင်းမြစ်များ

2 LALHAI 21:14

Chun, ka rochan a la um sunhai chu pei thlâng ka ta, an hmêlmahai kutah pêng ka ta; an hmêlmahai po po man ding le râllâk ding nîng an tih,

THUVARHAI 21:30

LALPA kal zâwnga thurâwn amanih, Hrietthiemna amanih, varna amani khawm a um nawh.

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuong- chun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

ISAI 8:10

Inrâwn khâwm ro, iengkhawm ni hliek naw ni; thu hril ro, puitling chuong bawk naw nih; Pathien ei kuomah a um sih a,” tiin.

JEREMIA 15:2

Chun, i kuoma chun, ‘Khawtieng am kan fe ding a na?’ an ti pha chun anni chu hi hi hril i tih: ‘LALPA chun hieng hin a tih: Thina ta dinghai chu thinaah, kâwlhnâm ta dinghai chu kâwlhnâmah; ṭâmna ta dinghai chu ṭâmnaah; sala intângna ta dinghai chu salah,’ tîng i tih.

JEREMIA 15:9

Nau pasari neitunu chu a chau tah a, a chau let dêr a; sûn a ni lai chun a nisa chu a tla tah a; ama chu ân zakin a hamhai a; chun, anni a la mahlahai chu an hmêlmahai kuomah kâwlhnâmah pêng ka tih,” LALPA chun a tih.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 18:21

Chuleiin, an thlahai chu ṭâm kuoma chun pe la, anni chu kâwl- hnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 21:7

Chu hnunga chun, LALPA chun a tih: Juda lal Zedekia le, a siehlawhai le, mipuihai, hi khawpuia hripuia in- thawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwl- hnâm ngeiin that a ta; anni chu hla naw nih a, lunginsiet bawk naw nih a, zângaina nei bawk naw ni.

JEREMIA 22:19

Sabengtung phûm angin phûm an ta, Jerusalem dai kawtkhârhai khêla hnûka kei dawkin.

JEREMIA 22:25

chun, nangma hringna zawng- tuhai kuta le, i ṭi Babulon lal Nebukadnezzar le Kaldaihai kuta chun pêng ka ti che.

JEREMIA 32:28

Chuleiin, LALPA chun hieng hin a tih: Ngai ta u, hi khawpui hi Kaldaihai kuta le Babulon lal Nebukadnezzar kuta chun pêng ka ta, ama chun lâng a tih;

JEREMIA 34:20

anni khawm chu an hringna zawngtuhai le, an hmêlmahai kuta chun pêng ka tih; chuongchun, an taksa thihai khawm chu hnuoia ramsahai le chunglêng vatehai ta dinga bu nîng a tih.

JEREMIA 46:26

anni chu an hringna zawngtu- hai kuta le, Babulon lal Nebukadnez- zar kuta le, a siehlawhai kuta chun pe suok ka tih; chu hnunga chun, tienlaia ang bawk khan hluoin um tâng a tih; LALPA chun a tih.

JEREMIA 7:33

Chuongchun, hieng mipuihai ruonghai hi, chunglêng vatehai ta dinga bu nîng a ta, ramsahai ta ding khawma; tukhawma an hnawt hmang âwm si nawh a.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

JEREMIA 8:8

Iengtiziein am, “Kan var a, LALPA dân chu kan kuomah a um annâwm” in ti a na? Nisienlakhawm, ngai ta u, lekhaziektuhai ziekhmawl indik naw chun indik lotakin a lo thaw tah a.

JEREMIA 8:9

Mi varhai chu an inzak a, sukbei- dawngin an um a, ṭhuoi hmangin an um a; en ta u, LALPA thu chu an dit naw chu: annia chun ieng ang varna hrim am a um a na?

ṬAP HLA 3:37

LALPAIN thu a pêk naw laia, a hril a, hung tlung el hlak chu tu am a na?

LEVI DÂN 26:17

In chunga chun ka hmai suk- thim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu ihnawt loin tlân in tih.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:31

Anleh, ringna lei ngawtin Dân chu iengkhawm ni loin ei siem el am a nih? Teu lo e! Dân chu ei sukdet lem hman a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:14

Dâna mihai rohluotuhai an ni si chun, ringna ienga khawm hmang a ni ta nawh a, thutiem khawm chu iengkhawm a ni ta nawh;

1 SAMUEL 17:46

Vawisûn hin LALPAIN nang hi ka kutah a mi pêk ding a nih, chun, that ka ti cheh a, i lu ka tanpêk ding che a nih; chun, Philistin sipaihai ruong chu vawisûn hin ramsahai le chunglêng vatehai kân fâktir ding a nih; chuongchun, hnuoi chunga mi po po hin Israelhai lai hin Pathien a um ti hre thei an tih;