JEREMIA 19:5 - Pathien Lekhabu Inthieng (BSI)

⁵ Baal bâwlhmunhai chu an bâwl a, Baal kuoma pumrawhmang thilin- hlân dinga an naupasalhai râwna dingin; chu chu thu ka pêk hlek nawh a, hril khawm ka hril nawh a, ka lungrila khawm a hung lût ngai nawh;

JEREMIA 19:5 ပူးပေါင်းရင်းမြစ်များ

2 LALHAI 17:17

Chun, an naupasalhai le an naunuhmeihai chu meiah an inlûttir a, aisân le dawi dâm an chîng a,LALPA suklungsenna dingin a mithmua thil ṭha nawtak thaw dingin an inzawr a.

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; LALPA mithmuah thil ṭha naw- tak ama suklungsen dingin a thaw hlak a.

2 CHANCHIN SUINA 28:3

Chunawa khawm chun Hinnom naupa ruoma chun riminhnik a rawh a; Israel thlahai hmaa LALPAIN a hnawtsuok khawhri be mihai tirdak- umna ang tak chun a nauhai chu meiah ân lûttir bawk a.

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

EZEKIEL 16:36

Lalpa PATHIEN chun hieng ang hin a tih; i hmangaituhai kuoma i châkna zâra chun i saruokna chu hmusuok a na, i tirdakumna chu bunsuok a ni bawk lei le; i pawrchena milimhai po po le, an kuoma i lo pêk tah i nauhai thisen po po lei chun,

EZEKIEL 20:26

chun, anni thilpêkhaia ngei, sul hung hawngtu taphawt meia an infethlengtirnaa chun, anni chu râusana ka siem theina ding le, a tâwpa chun LALPA ka nih ti an mi hriet theina dingin anni chu ka sukpawrcheh a.

EZEKIEL 38:10

“Lalpa PATHIEN chun hieng hin a ti a nih: Chu ni chun chuong chu hung tlung a ta, thilhai chu i lungrila chun hung lût a ta, ngairuotna rilo ngairuot i ta,

DANIEL 2:29

nanga ta ding chun, aw lalpa, hi hnunga thil la hung tlung dinghai chu i khum chungah i ngaituonahai chu i lungrilah a hung lût a nih; thurûkhai phuongtu chun thil la hung tlung ding chu ân hriettir che a ni chu.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni nawh a, i Pathien hming chu i suksiet ding a ni bawk nawh: Kei hi LALPA chu ka nih.

NAMBAR 22:41

Chun, a zinga chun Balak chun Balaam chu a ṭhuoi a; Baal hmun insâng haia chun a hang fe pui a, chutaka inthawk chun, Israel mipui po po a hmu phâk a.

DÂN PAHNINA 12:31

Chuong ang chun LALPA in Pathien chungah in thaw ding a ni nawh; an pathien chunga chun LALPA ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an raw hlak a nih.