JEREMIA 19:2 - Pathien Lekhabu Inthieng (BSI)

² Hinnom naupa phairuom, Harsith dâi kawtkhâr lûtna bula uma chun fe unla, chutaka chun thu ka hril che chu hril suok rawh.

JEREMIA 19:2 ပူးပေါင်းရင်းမြစ်များ

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna ding- in Hinnom thlahai ruoma Topheth chu a sukbo ta bawk a.

2 CHANCHIN SUINA 28:3

Chunawa khawm chun Hinnom naupa ruoma chun riminhnik a rawh a; Israel thlahai hmaa LALPAIN a hnawtsuok khawhri be mihai tirdak- umna ang tak chun a nauhai chu meiah ân lûttir bawk a.

2 CHANCHIN SUINA 33:6

Hinnom naupa ruoma chun a nauhai chu mei ân fêthlengtir bawk a; aisân a hmang a, zâwldiaihai a hmang a, dâwi a hmang bawk a, thlarau zâwlhai a sawr bawk a, thiemrauhai leh; LALPA mithmua chun thil suol nasatak el ama chu suklungsen dingin a thaw tah a.

NEHEMIA 3:29

Anni dawta chun Immer naupa Zadok chun ama in zâwn a siem ṭha a. Chun, a dawta chun saktieng kawt- khâr vêngtu Sekania naupa Semaia chun a siem ṭha a.

JEREMIA 1:7

Nisienlakhawm, LALPA chun ka kuomah hieng hin a hril a: “Naupang el ka nih, ti naw rawh, Tu kuoma khawm ka tirna phawt che kuoma chun i fe ding a ni sih a; Thu ka pêk ang pei che chun thu hril bawk i tih.

JEREMIA 11:6

Chun, LALPA chun ka kuomah; Jerusalem kawtthlêrahai po po le, Juda khawpuiahai po po chun hienga hril hin va phuong rawh: Hieng thuthlung thuhai hi ngai unla, thaw ro.

JEREMIA 18:2

“Tho la, bêl hemtu ina chun fe thla la, chutaka chun ka thu inngaitir ka ti che,” a ta.

JEREMIA 26:2

“LALPA chun hieng hin a tih: LALPA in huon tuollaia chun ngîr la, an kuoma thuhril ding ka thupêk po po che chu, LALPA ina Pathien be dinga hung khâwm, Juda khawpui- hai po po kuoma chun hril rawh; thu khat chau khawm ip naw rawh.

JEREMIA 3:12

Fe la, hi thuhai hi hmâr tienga chun va phuong la, ‘Hung kîr rawh, nang Israel hnungtawl, LALPA chun a tih; i chunga chun lunginsenin en naw ning cheh a, zângai theitak ka ni sih a, LALPA chun a tih, lunginsenna chu kumkhuoin kawl zing naw ning.

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

JEREMIA 7:2

“LALPA in dai kawtkhâra chun ngîr la, chutaka chun hi thu hi phuongdar la, hieng hin hril rawh: LALPA be dinga hi dai kawtkhârhaia lût, nangni Juda mihai po po, LALPA thu hi lo hre ta u.

JONA 3:2

“Tho la, Ninevi khuo, khaw ropuitaka chun fe la, thu hril ding ka tuk che hi va tlânginsampui rawh,” tiin.

MATTHAI 10:27

Inthima ka hril cheu hi varah hril ro, na bula in hriet hi in chunga chuongin tlânginsampui ro.

THILTHAWHAI 20:27

Pathien rêl po po arêngin in kuoma hril kân tîm nawh a.

THILTHAWHAI 5:20

“Pathien biekinah va ngîr unla, mi kuomah hieng hringna thu po po hi va hril ro,” a ta.

JOSUA 15:8

chun, ramri chu Hinnom naupa ruoma Jebus mihai ram sîr simtieng (chu chu Jerusalem a nih) chenin a fe pei a, chun, ramri chu Hinom thlang- tieng panga ruom bula um tlâng sîpah a feh a, chu chu Rephaim hmâr- tieng pang ruom tâwp tak a nih,