JEREMIA 18:23 - Pathien Lekhabu Inthieng (BSI)

²³ Amiruokchu, LALPA, mi thatna dinga ka chunga an thu inrâwnna po po kha i hriet a, an suolna chu ngai- dam naw la, i mithmua inthawk chun an suol chu sukhmangpêk bawk naw rawh, amiruokchu, nangma hmaa chun pei thlûkin um hai sienla, anni chu i lunginsen lai chun sawisa rawh.

JEREMIA 18:23 ပူးပေါင်းရင်းမြစ်များ

INPÂKNA HLABU 119:126

LALPA, sinthaw a hun tah, I dân hi ieng ni loin an siem ta sih a.

INPÂKNA HLABU 35:4

Ka hringna sukbo tuma zawngtuhai chu, sukmuolphoa sukzakin umhai sienla, Mi suksietna ding ngaituotuhai chu intlânsiettirin thuokdawngtakin um raw se.

INPÂKNA HLABU 56:8

Nangin kân vâkvainahai hi în chik hlak a, Ka mitthlihai hi i savun pênga chun thun la. I lekhabuah a chuong tâwl naw am a nih?

INPÂKNA HLABU 59:5

Aw LALPA, sipaihairawi Pathien, Israelhai Pathien, Nangma ngei chu hnam tinrêng sir dingin tho la, Mi vervêk suoltakhai chu lunginsiet hrim hrim naw.

ISAI 10:3

Chuongchun, an hung kan nia cheu le hlataka inthawka râusanna hung tlung dinga inthawk ieng am thaw tâng in ta le? Ṭhangpuina hniin tu kuom âm tlân tâng in ta le? In ropuina chu khâw lai am mâksan tâng in ta le?

ISAI 2:9

Mi chînhai chu sukhnuoiin an um a, mi lienhai chu suktlâwmin an um bawk a, chuleiin, anni chu ngaidam naw rawh.

JEREMIA 11:23

anni laia tukhawm hla um naw ni hai; Anathoth mihai chunga chun thil ṭha naw, anni hung hremna kum chu ka hung intlungtir ding a ni sih a,” tiin.

JEREMIA 15:15

Aw LALPA, nang chun i hriet a; mi hre zing la, mi hung sir la, a mi hremtuhai chu phuba hung la rawh; i teireingaitheina chun mi la hmang naw la, nangma lei chun kâwkna ka tuor a ni ti hre rawh.

JEREMIA 17:18

Kei mi sukrinumtuhai chu in- zakhai sienla, kei ruok chu mîn zaktir naw rawh; anni chu inbeidawngtir la, kei ruok chu mi sukbeidawng naw rawh; an chunga chun ni ṭha naw chu hung intlungtir la, anni sietna thuo hniin sukse rawh.

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti nih a, ram i hriet ngai loa chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta sih a.

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 26:11

Chun, thiempuhai le zâwlneihai chun lalhai le mipuihai po po kuoma chun, “Hi mipa hi thi tlâk a nih, in nahaia in hriet ta ang ngei khan hi khawpui siet ding thu a hril a nih,” tiin an hril a.

JEREMIA 26:8

Chun, LALPAIN hril dinga thu a pêk po po mipuihai po po kuoma Jeremia chun a hril zo chun, thiem- puhai le, zâwlneihai le mipui po po chun ama chu an man a, “I thi ngei ngei ding a nih.

JEREMIA 37:15

Chun, rorêltuhai chu Jeremia chunga chun an lunginsen a, ama chu an hrem a, lekhaziektu Jonathan ina chun lung inah an khum tah a; chu chu lung inah an siem ta sih a.

JEREMIA 38:4

Chun, rorêltuhai chun lal kuoma chun, “Kan hni che hi, hi mipa hi sukhlum ni ngei raw se; chuong thuhai chu an kuoma hrilin, mipui po pohai kuthai, hi khawpuia indomi umhai kuthai chu a sukzuoi a nih; hi mipa hin hi hnam ṭhatna ding hi a zawng nawh a, sietna ding a zawng lem a nih”, an ta.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, LALPA chun a tih.

JEREMIA 6:21

Chuleiin, LALPA chun hieng hin a tih: Ngai ta, hi hnam hmaa hin tlûkna lunghai chu sieng ka ta, chuong chunga chun pahai le naupa- salhai chu insuithlu hmunkhat an ta; tuolbâwm le a ruol khawm chu bohmang bawk an tih.

JEREMIA 7:20

Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk nawh a, chuleiin, a tluhai laia chun tlu vêng an ta, anni chu hrem an ni huna chun, LALPA chun a tih.

ṬAP HLA 3:60

An phubalâknahai po po le, ka chunga an thiltum dânhai chu i hmu vawng kha.

ṬAP HLA 3:61

Aw LALPA, nangin an kâwknahai le, ka chunga an thiltum po po chu i hriet a.

LUKA 21:22

Chuong ni chu phuba lâk ni a nih, thu an ziek po po a hung tlung theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.