JEREMIA 18:11 - Pathien Lekhabu Inthieng (BSI)

¹¹ Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘LALPA chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 18:11 ပူးပေါင်းရင်းမြစ်များ

INṬANNA 11:7

Thaw ro, zu fêng ei tiu a, ṭawng an inhriettuo thei nawna dingin khutaka khun an ṭawng zu suk- tumpêk ei tiu,” a ta.

1 LALHAI 22:23

Chuongchun, ngai ta, LALPAIN hieng i zâwlneihai po po hmûra hin thlarau khêlinhlip a sieh a, i chungchâng thu hi a ṭha naw tiengin LALPAIN a hril tah a nih,” a ta.

2 LALHAI 17:13

LALPA chun, “Dân zâwm ding in pi le puhai ka pêk le ka siehlaw zâwlneihai hmanga kân hriettir ang pei cheu chun, in umdân suol hi nghatsan unla, ka thupêkhai le ka thuruothai chu pawm ro,” tiin Israel- hai le Judahai chu zâwlnei tin le hmutheitu tinhai chu hmangin ân hriettir hlak a.

2 LALHAI 22:13

“Kei le, mipui le, Juda mihai po po hi hi lekhabu hmua thu chuonga hin LALPA mi va râwnpêk ta u, ei thaw dinga hi lekhabua ziek ang po po hi ei pi le puhaiin an lo zâwm naw leiin ei chungah LALPA lunginsenna chu a ṭal nasa ta êm hi,” a ta.

2 LALHAI 5:5

Chun, Suria ram lal chun, “Va fe luo ta khai, Israel lal kuoma chun lekha thawn ka tih,” a ta. Chun, tangka talent sâwm le rângkachak tlang sâng ruk le silfên tuok sâwm leh a chawi a, a fe tah a.

ISAI 5:5

Tuhin ka grêp huon chunga ka thaw ding chu hril ka ti cheu; a hling pal chu la hmang ka ta, fâk zoin um a ta, a lung pal chu sukchim ka ta, sirdein um a tih.

ISAI 57:1

Mi fel chu an bohmang hlak a, tukhawma an lungrilin an ngaituo ngai nawh a, Pathien ngaisak mihai khawm lâk hmangin an um hlak a; mi fel chu thil ṭha lo hung tlung dinga inthawka lâk hmang an ni hlak ti tukhawma an ngaituo bawk nawh a.

JEREMIA 11:11

Chuleiin, LALPA chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienla- khawm, anni chu lo ngai naw ning ah.

JEREMIA 11:19

Nisienlakhawm, berâmte zai- nêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun sât thlâng ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet nawh a.

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 19:15

“Sipaihai LALPA Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 19:3

Hieng hin ti la. Nangni Juda ram lalhai le, Jerusalem hluotuhai, LALPA thu chu lo ngai ta u; sipaihai LALPA Israel Pathien chun hieng hin a tih: Ngai ta u, hi hmuna hin thil ṭha naw kân tlungtir ding a nih; a hre taphawt chu an nahai chu khel a tih.

JEREMIA 25:2

chu chu zâwlnei Jeremia chun Juda mipui po po le Jerusalem hluo- tuhai po po kuoma chun a hril a,

JEREMIA 25:5

‘Mi tin el chu tuhin in thilthaw indik nawhaia inthawk le, mâni lam- pui suola inthawk chun kîr seng unla; nangni le in thlatuhai kuoma inhma le kumkhuoa dinga, LALPAIN ram a pêk cheua chun chêng ro;

JEREMIA 26:13

Chuleiin, tuhin in thilthawhai le in umdânhai chu siemṭha unla, LALPA in Pathien râwl chu awi ro; chuongchun, nangni dodâla LALPA- IN thil ṭha naw a lo hril ta khawm chu lamlêt a tih.

JEREMIA 26:3

Anni chun ngai an ta, mi tin chu mâni lampui suola inthawk chun an kîr el thei a nih; chuongchun, an thilthawhai suol leia an chunga thil ṭhalo thaw dinga ka tumhai khawm chu kân sîr el thei a nih.

JEREMIA 3:1

“Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

JEREMIA 3:22

“Hnungtawl thlahai, hung kîr ro; in hnungtawlnahai chu lo suk- dampêk ka ti cheu.” “Ngai ta, i kuoma chun kan hung ie, nang chu LALPA kan Pathien chu i ni sih a.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

JEREMIA 36:3

An chunga thil ṭha naw thaw ka tum chu Juda sûngkuohai chun an hrietin, an suolna chu ka ngaidam theina dingin mi tin chu mâni um dân suola inthawk chun an hung kîr rawi mawh,” tiin.

JEREMIA 36:7

An hnina chu LALPA hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna LALPAIN a hril chu a nasa hle sih a,” tiin.

JEREMIA 4:1

“Aw Israel, i hung kîr chun, LALPA Pathien chun a tih: ka kuomah i hung kîr ding a nih; i tirdakumnahai chu ka mithmua inthawka i sie hmang chun nang chu sukchângin um naw ti nih;

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

JEREMIA 4:23

Leihnuoi chu ka en leh, ngai ta, a ruok le a sie a na; vânhai khawm chun varna an nei nawh a.

JEREMIA 4:6

Zion tienga chun puonzâr chu khai unla, himna dingin tlânhmang unla, muong naw ro; hmar tienga inthawkin thil ṭha naw sietna nasa- tak chu ka hung intlungtir ding a ni sih a.

JEREMIA 51:11

Thalhai chu tâtngei unla, phawhai chu chel det ro; LALPA chun Media lalhai lungril chu a hung chawktho ta sih a; a remruot chu Babulon do le suksiet chu a na, LALPA phuba lâkna, a biekin phuba lâkna chu a ni sih a.

JEREMIA 7:3

Israel Pathien, sipaihai LALPA chun hieng hin a tih: In lampuihai le in thilthawhai chu sukṭha unla, hi hmuna hin inchêngtir ka ti cheu,

EZEKIEL 13:22

Mi fel lungril ka suklungngai naw chu thukhêla in suklungzîng tâk leiin mi rilo kuthai khawm in lo suk- hrât tah a, a lampui riloa inthawka a kîr nâwk nawna dingin hringna thu in tiem a;

EZEKIEL 18:23

Mi rilo thina chunga hin inhawi tina hrim ka nei am a nih? Lalpa PATHIEN chun a tih; a lampuia inthawk chun hung kîr lemin a hring ding a ni naw am a nih?

JONA 3:8

mihriem le ranhai chun saiip puon sil lem hai sienla, nasatakin Pathien ko raw hai se, anih, mi tinin mâni lampui ṭha naw le, an kuta inpâwngnêkna chu nghatsan raw hai se.

MIKA 2:3

Chuleiin, LALPAIN hieng ang hin a tih: Ngai ta, hi sûngkaw chunga hin thil ṭha naw ka suongtuo a nih; chutaka inthawk chun in rîng la hmang naw ti niu a, chapotakin fe ta naw bawk in tih; hun ṭha naw a ni ding a ni sih a.

ZEKARIA 1:3

Chuleiin, nangin an kuomah, LALPA chun, hieng hin a tih tiin hril rawh: Sipaihai LALPA chun, ka kuomah hung kîr ro, a tih; chuongchun, in kuomah hung kîr vêng ka tih, sipaihai LALPA chun a tih.

THILTHAWHAI 26:20

a tîrin Damaskaa mihai kuomah, chu hnunga chun Jerusa- lema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

JAKOB 4:13

Tuhin ngai ta u khai! nangni, “Vawisûn amanih, zinga manih, chu khawpuia chun fêng ei ta, chutaka chun kum khat va thang ei ta, sumdâwng ei ta, hlâwkna hmûng ei tih,” tituhai,

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.