JEREMIA 17:8 - Pathien Lekhabu Inthieng (BSI)

⁸ Tuihai sîra thing phun, a zunghai khawm vadunga kai ang, lumna a hung tlung pha khawma ṭi lo, a hnahai hring zing lem, khaw inṭhâl kuma hai khawm pawisa lo, ra insuo zing hlak ang a nih.

JEREMIA 17:8 ပူးပေါင်းရင်းမြစ်များ

JOB LEKHABU (THE BOOK OF JOB) 29:19

Ka zung chu tuihai chenin ân zâm a, Ka zâr chunga chun zânkhawvârin dâidaw chu a kûr bawk a.

JOB LEKHABU (THE BOOK OF JOB) 8:16

Nisa suok hma chun a hring dup a, A tuoihai chu a huon chunga chun ân dâwn suok a.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

THUVARHAI 11:28

A hausaknahai ring mi chu tlûng a ta, Mi fel ruok chu hna hring angin inno a tih.

ISAI 58:11

Chun, LALPA chun ṭhuoi rawp a ti cheh a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

JEREMIA 39:18

Sandam ngei ngei ka ti cheh a, kâwlhnâmah i tlu naw ding a ni sih a; amiruokchu, i hringna chu nangma ta dinga sanhim nîng a tih; i ringna chu keimaa hin i sie leiin, LALPA chun a tih,” tiin.

EZEKIEL 31:3

Ngai ta, Assuria chu Lebanona thingkau ṭha tak nei, Buk hlim nei, dung tieng insâng tak a na; A lêrzîk khawm chu kâu inbuk tak laia chun a um a.

EZEKIEL 47:12

Chun, vadungpui pang sîra chun hi tienga le khingtieng sîra khawm bua ring dingin thinghai ṭo an ta; an hna vuoi ngai naw ni a; an ra khawm hrût ngai bawk naw nih; thla kipin ra thar hung insuong an ta, an ta dingin tuihai hmun inthienga inthawka a hung luong zing leiin; an rahai chu bua ring ding nîng a ta, an hnahai chu sukdamna ding nîng an tih,” a ta.