JEREMIA 17:23 - Pathien Lekhabu Inthieng (BSI)

²³ nisienlakhawm, an ngai nawh a, an na khawm an sit nawh a, an rîng an sukngar a, an hriet nawna ding le inchûktirna chu an pawm nawna dingin.

JEREMIA 17:23 ပူးပေါင်းရင်းမြစ်များ

INPÂKNA HLABU 50:17

Thunun i theidah a, Ka thuhai hi i hnungtieng i dehâwn pei sih a.

THUVARHAI 1:3

Thilthaw vara inchûktirna dawng dingin, Felnaa le rorêlnaa le thlierbîk nei lonaa leh;

THUVARHAI 1:5

Mi var chun a hriet a, thiemnaa chun a belsa theina ding le, Hrietthiemna nei mi chun rorêlna ṭhahai chu a changna dingin;

THUVARHAI 29:1

Kâwka um rawpa, rîng sukngar hlak chu, Kârloin se dar a ta, sukdam nâwkna um naw nih.

THUVARHAI 5:12

Chun, “Iengtiziea inchûktirna kha ka lo theida a, Ka lungrilin kâwkna kha a lo ngainêp am a ni aw!

THUVARHAI 8:10

Tangka ni loin, ka inchûktirna hi lo pawm ro, Rangkachak ditumtak nêkin hrietna chu lo chang bawk unla.

ISAI 48:4

Mi kâwmaw in na, in rîng chu thîr tha a na, in chal chu dâr a ni ka hriet leiin,

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 19:15

“Sipaihai LALPA Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 32:33

Chun, kei chu hmatieng ni loin, hnungtieng an mînnghat a, inhma- taka thoa anni inchûktirin, anni chu ka lo inchûktira chu, inchûktirna chu hre dingin an ngai si nawh a.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 6:8

Aw Jerusalem, inchûktirin in um tah, chuong naw chun, ka thla hin hransan rawi a ti che, chuong naw chun, râusan le ram hluo loah siem ka ti che.

JEREMIA 7:28

Chun, an kuoma chun, “LALPA an Pathien râwl khawm ngai loa, inchûktirna khawm pawm bawk lohai chu hi hnam hi an nih; thudik chu a riral a, an baua inthawk chun sât thlâkin a um a,” tîng i tih.

EZEKIEL 20:13

Amiruokchu, Israel sûngkuo chu thlalêra khan ka chungah an hel a, ka thuruotahai chun an fe nawh a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kâng- hmang dingin ka lunginsenna chu an chungah ka bunthlâk ding a nih ka ti tah a.

EZEKIEL 20:16

ka rorêlhai chu an dang kîr a, ka thuruothai chu an hraw nawh a, ka châwlnihai chu an bâwsiet ta leiin; an lungrilhai chun an milimhai chu a zui sih a.

EZEKIEL 20:21

Nisienlakhawm, chuong thlahai chu ka chungah an hel ta rawp a, ka thuruothai chu an hraw nawh a, ka rorêlhai khawm chu thaw dingin an zâwm bawk nawh a; chuong chu miin a thaw chun chuonga chun hring a tih; ka châwlni khawm an sukpawr- cheh a; chun, kei chun thlalêra an chunga ka lunginsenna chu sukpui- tling dingin an chunga chun ka lunginsenna chu ka bunthlâk ding a nih ka tih a.

ZEPHANIA 3:7

Ama chungthua ka lo ruot ta ang po poin, a chêngna chu sât thlâk a ni nawna dingin. “Matheiloin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik nawh a.

THILTHAWHAI 7:51

“Mi kâwmawhai, lungril le na tan nawhai, kumkhuoin Thlarau Inthieng hi in kal rawp el; in thlatuhai thaw ang pei khan in thaw hlak.

RORELTUHAI 6:10

chun keiin, Kei hi LALPA in Pathien chu ka nih, in umna ram neitu Amor mihai pathienhai hi in ṭi dêr ding a ni nawh, ka tih a, nisien- lakhawm, ka râwl chu in ngai si nawh,’ a ti a nih,” a tih a.