JEREMIA 17:21 - Pathien Lekhabu Inthieng (BSI)

²¹ LALPA chun hieng hin a tih: In hringna thuah fîmkhur unla, châwlni chun phur phur naw unla, Jerusalem dai kawtkhâra chun hung la lût bawk naw ro;

JEREMIA 17:21 ပူးပေါင်းရင်းမြစ်များ

FESUOKNA 20:8

Châwlni chu vawng inthieng dingin hre zing rawh.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

ISAI 56:2

Chuong ang thaw mi le, chu chu pawm tlattu mihriem naupa chu, a hamṭha ie; châwlni bawse loa inser hlaktu le, thil ṭha naw hrim thaw lo dinga a kut vêng ṭha hlaktu chu.

ISAI 58:13

“Châwlni bawse lo dinga, ka ni inthienga i nuom zâwng thaw lo dinga i kepha chu în nghatkîrtir a, châwlni chu ni lâwmum le LALPA ni inthieng chu inzaum i tih a, mâni lampui hraw loa, i chawimawi chun,

MARKA 4:24

Chun, ama bawkin an kuoma chun, “In thu ngai chu nguntakin ngaituo ro, in inkhîna ngai bawkin inkhi pêk an ti cheu a, pe tam lem hman hman an ti cheu.

LUKA 8:18

Chuongchun, ieng angin am in hriet fimkhur ro; tûkhawm a nei taphawt chu pe sâng an ta, tûkhawm a nei naw taphawt chu a nei suna a ruot khawm chu lâkpêk an tih,” a ta.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

DÂN PAHNINA 11:16

Fîmkhur ro khai, chuong naw chun, in lungril chu hlêmin um a ta, pêthmang in ta, pathien dang rawng dâm bâwl in ta, be el rawi in tih;

DÂN PAHNINA 4:15

“Chuleiin, fîmkhur hle ro; Horeb tlânga meia inthawka LALPA- IN a hung biek ni cheu khan hmêl- hmang iengkhawm in hmu si nawh a;

DÂN PAHNINA 4:23

Fimkhur hle ro, chuong naw chun, LALPA in Pathien thuthlung in kuoma a thlung chu theinghil rawi in ta, LALPA in Pathienin ieng angpui khawma siem a phal naw milimhai dâm insiem fâwm pal rawi in tih.

DÂN PAHNINA 4:9

Iengkhawm ni sienla, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir ro.

JOSUA 23:11

Chuongchun, LALPA in Pathien chu hmangai dingin fimkhur ṭha hle ro.