JEREMIA 17:11 - Pathien Lekhabu Inthieng (BSI)

¹¹ Indik loa hausaknahai neitu chu, varung ama awpkêu ni si lo te kei khâwmtu ang chu a nih; a dam sûng la la chun ama chu mâksan an ta, a tâwpa chun ama chu invêt nîng a tih.

JEREMIA 17:11 ပူးပေါင်းရင်းမြစ်များ

JOB LEKHABU (THE BOOK OF JOB) 20:21

A fâk zo naw dinga hla hrim thil a um nawh a, Chuleiin, a hausakna chun dai sâwt naw nih.

INPÂKNA HLABU 49:13

Invêttaka mâni inringzohai chan, Mâni sumneia lungawi elhai tâwpna chu hi hi a nih:

INPÂKNA HLABU 55:23

Nisienlakhawm, aw Pathien, nangin anni chu bohmang- na khura chun infe thlâktir i ta, Thisen insuo hmang ke le hlêm hmang mihai chu an dam sûng chenve khawm dam naw ni hai: Kei ruok chun nang chu ring ka ti che.

THUVARHAI 13:11

Teplo mei meia hausakna hmu chu kiem a ta, Sininrima la khâwmtu chun a pung hmûng a tih.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

THUVARHAI 21:6

Lei khêlinhlip leia hausakna hmu chu, Hmatieng hnungtienga tuihu lên hmanga um ang chu a na, a zawngtuhai chun thina an zawng a nih.

THUVARHAI 23:5

A um naw chunga chun i mithai chu infûktir naw la, Hausaknahai chun thlahai an in- siempêk ngei ngei hlak sih a; Muvânlai vântienga vuong hlak ang el chun.

THUVARHAI 28:16

Lal naupa hrietthiemna tlasam hi nêksâwrtu nasatak a na, Hlâwkna indiklo theidatu ruok chun a nihai suksei a tih.

THUVARHAI 28:20

Mi ringum chun malsâwmnahai a hau a, Mi hausa dinga hmawsaruma thilthaw ruok chu hrem lo ni naw nih.

THUVARHAI 28:22

Mit rilo neitu chun hausakna- hai a bawin a bawh a, Tlâksamna a chungah a hung tlung ding a nih ti a hriet nawh.

THUVARHAI 28:8

Sum duâmna le hlâwkna dinga a thuomhnaw sukpungtu chun, Mi pase chunga lunginsietna neitu ta dingin a khâwlkhâwm a nih.

JEREMIA 22:13

A in fel nawnaa bâwltu le, a pindanhai indik lonaa bâwltu chu a chung a rik; ama chun a tuolbâwm sinthawna chu man boin a hmang a, a hlaw khawm a pêk nawh a;

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni nawh a.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” LALPAIN a tih a.

MIKA 2:9

Ka mi nuhmeihai chu an in in- hawitaka inthawkin in hnawt dawk a, an naupangtêhaia inthawkin ka ropuina chu in lâk hmang sawng a nih.

MIKA 7:3

An kuthai chu thil ṭha naw chungah taimataka thaw dingin an innghat a; lal chun thamna a ngên a, rorêltu chun lâwmman a ngiet a; milien chun a lungril thil suksuolna a hril suok a; chuong ang chun an inthuruol tâwl a nih.

ZEPHANIA 1:9

Chun, chu ni chun hlêmna le nunsietna leia an hotuhai in suksip hlaktuhai, hrizâwl chunga inchâwm hlakhai chu hrem bawk ka tih.

ZEKARIA 5:4

Chun, sipaihai LALPA chun, “Infe suoktir ka ta, inru ina chun lût a ta, ka hminga khêla inkhâmtu ina le chun: chuongchun, a in sûnga chun chêng a ta, chun, chutaka a lunghai le a thinghai le chun kâng hmang a tih,” a ta.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

LUKA 12:20

Nisienlakhawm, Pathienin a kuomah, ‘Invêt, vawizân hin i thlarau an hni ding che a nih; i thil suksuokhai kha tû ta am ni tâng a ta le?’” a ta.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûk- tirin, mihai a sûng sûngin an chawk khawhlo hlak sih a.

2 PETER 2:14

mit uirea sip, suol bân thei naw- hai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.