JEREMIA 16:5 - Pathien Lekhabu Inthieng (BSI)

⁵ LALPA chun hieng hin a ti sih a: Lusûn ina chun lût naw unla, ṭa dingin fe bawk naw unla, anni chu sûn bawk naw ro; hi hnama inthawk hin ka thlamuongna chu ka lâk hmang ta sih a, LALPA chun a tih, lunginsietna le zângaina innêmtak el chu.

JEREMIA 16:5 ပူးပေါင်းရင်းမြစ်များ

INPÂKNA HLABU 25:6

Aw LALPA, i lainatnahai le i ngilneinahai chu hre zing la, Inhmaa lo um kumkhuo tah a ni sih a.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun LALPA kâwl- hnâm chun a fâk zo a, tisa hrimin muongna an nei nawh.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, LALPA chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 16:13

Chuleiin, hi rama inthawk hin nangni le in thlatuhai khawma an hriet ngailo rama chun ka hnawt suok ding cheu a nih; chutaka chun a sûn a zânin pathien danghai rawng bâwl in tih; ditsakna kân hmutir âwm si naw cheu a,’ a tih,” tiin.

ṬAP HLA 3:17

Nangin ka thla chu thlamuong- naa inthawka hlataka chun i sie hmang a; hlawtlingna khawm ka theinghil rau a.

ZEKARIA 8:10

Khâng nihaia khan chu mi- hriem ta dingin inhlawfâkna a um nawh a, ran ta ding khawma inhlaw- fâkna hrim a um nawh a; hmêlma leiin mi a lût le suok ta ding khawma muongna hrim a um nawh: mi po po mâni tuolbâwmhai kalin ka sie sih a.

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,

THUPUONGSUO 6:4

Chuongchun, sakawr dang, a sen mi, a hung suok nâwk a; a chunga chuong kuoma chun hnuoia inthawka inremna lâkpêk theina le, mi inthattir theina an pêk a; chun, a kuomah kâwlhnâm lientak an pêk bawk a.