JEREMIA 16:21 - Pathien Lekhabu Inthieng (BSI)

²¹ Chuleiin, ngai ta, hieng hi in- hriettir ka ta, vawi khat chu ka thilthawtheina le ka kut chu inhriet- tir ka tih; chun, ka hming chu Jehova a nih ti hre tâng an tih.

JEREMIA 16:21 ပူးပေါင်းရင်းမြစ်များ

INPÂKNA HLABU 83:18

Nangma chau hi JEHOVAH hming put, Hnuoi chung po poa Achung- hnungtak i nih ti an hriet theina dingin.

INPÂKNA HLABU 9:16

LALPA chun ân hriettir a, rorêlna chu a tirsuok tah a, Mi rilo chu ama kutsuok ngeia chun a âwk hlak.

FESUOKNA 14:4

Chun, Pharao lungril chu suk- ngar ka ta, anni chu hung hnawtzui a tih; chun, Pharao le a sipaihai chungah ropuina chang ka tih: chun, Aigupta mihai chun LALPA ka ni mi hre tâng an tih,’ tiin,” a tih a. Chuong ang tak chun an thaw tah a.

FESUOKNA 15:3

LALPA chu indo mi a nih; LALPA chu a hming a nih.

FESUOKNA 6:3

Abraham kuoma dâm, Isak kuoma dâm, Jakob kuoma dâm Pathien Iengkimthawthei angin kân lâr hlak a, nisienlakhawm, ka hming LALPA ang hin an kuomah inhriettir ka ni ngai nawh.

ISAI 43:3

Kei hi LALPA in Pathien Israel- hai Mi Inthieng, nangni sandamtu ka ni sih a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

JEREMIA 33:2

“LALPA a thawtu, indin dinga LALPA a siemtu chun hieng hin a tih: LALPA ti chu a hming a nih:

EZEKIEL 24:24

Chuongchun, Ezekiel hi in ta dingin inchikna nîng a ta; amain a thaw ang tak hin thaw vêng in tih; hienghai hi a hung tlung pha chun LALPA chu ka nih ti mi hre tâng in tih.’

EZEKIEL 24:27

Chu nia chun chu a pumpeltu kuoma chun i bau chu ka tâng i ta, thu hril i ta, ṭawng theiloin um ta naw ti ni; chuongchun, an ta ding chun inchikna nîng i ta; chun, LALPA chu ka nih ti mi hre tâng an tih,” tiin.

EZEKIEL 25:14

Chun, ka mi Israelhai kut hmangin Edom chunga chun ka phuba lâkna chu sieng ka ta, ka ṭitumna ang pei le ka lunginsenna ang peiin Edoma chun thâwng an tih; chuongchun, ka phuba lâk chu hre tâng an tih, Lalpa PATHIEN chun a tih.

EZEKIEL 6:7

Chun, thata umhai chu nangni lai ngei tlûng an ta, chun, LALPA ka ni mi hre tâng in tih.

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluong- tirtu chu, ama chu zawng unla, a hming chu LALPA a nih,