JEREMIA 16:18 - Pathien Lekhabu Inthieng (BSI)

¹⁸ Chun, a hmasatakin, an khaw- hlona le suolna chu a let hniin thung ka ta, ka ram chu an thil thienglo ruokhai chun an lo sukpawrche tah a, ka rochan khawm an tirdakumna chun an lo suksip ta leiin.

JEREMIA 16:18 ပူးပေါင်းရင်းမြစ်များ

INPÂKNA HLABU 106:38

Thisen pawitâwklo, an naupasalhai le an naunuhmeihai thisen ngei chu an insuo tah a, Chuonghai chun Kanaan ram milimhai kuomah an inthâwi a, Chu ram chu thisenin a lo pawrche tah a.

ISAI 24:5

Hnuoi hi a umhai hnuoia chun a pawrche zo tah a; dânhai chu an bawsiet a, thuruot chu an sukdang- lam a, kumkhaw thuthlung chu an bawsiet leiin.

ISAI 40:2

Jerusalem mihai kuomah thla- muongna tieng pangah thu hril unla, an indona chu a tâwp a, an suolna chu ngaidam an nih a, an thil suksuol po po aiah LALPA kuta inthawkin a let hniin an hmu tah ti hril ro.

ISAI 61:7

An muolpho aiah a let hniin hmûng an ta; an inzak aiah an chanvoah hlimin hla sak an tih: chu- leiin, an rama chun a let hni hluong an ta, kumkhaw hlimna an kuomah um a tih.

ISAI 65:6

Ngai ta u, ka hmaah ziekin a um a, to zing naw ningah a, thung lem ka tih, anih, an ângsûngah thung ve vêng ka tih,

ISAI 65:7

nangni khawhlona le in puhai khawhlona chu, LALPAIN a tih, chuonghai chun tlâng lien chungahai thil rim inhnik an rawh a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

JEREMIA 17:18

Kei mi sukrinumtuhai chu in- zakhai sienla, kei ruok chu mîn zaktir naw rawh; anni chu inbeidawngtir la, kei ruok chu mi sukbeidawng naw rawh; an chunga chun ni ṭha naw chu hung intlungtir la, anni sietna thuo hniin sukse rawh.

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrcheh a, ka rochan chu tirdakumah in siem ta a ni kha.

JEREMIA 3:9

A hurna inruina lei chun ram chu sukpawrchein a um tah a; thingbul- hai le lunghai le chun a lo uire tah a.

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

JEREMIA 7:30

Juda thlahai chun ka mithmua thil ṭha naw chu an lo thaw ta sih a, LALPA chun a tih: sukpawrche ding- in, in ka hming chawia koa chun an tirdakumnahai chu an sie tah a.

EZEKIEL 11:18

Chun, chutaka chun hung an ta, chutaka inthawk chun thil tirdakum- hai po po le thil pawrchehai po po chu la hmang an ta.

EZEKIEL 11:21

Nisienlakhawm, an lungrilhaia an tirdakumna le an pawrchenahai zâwmtuhai chu, an lu chunghaia ngei chun an suol maw chu innghat ka tih, Lalpa PATHIEN chun a tih,” tiin.

EZEKIEL 36:18

Chuleiin, ram chunga an lo bunthlâk thisen chunga chun ka lunginsenna chu ka bunthlâk a; an milimhaia an lo sukpawrche ta leiin;

EZEKIEL 5:11

Chuleiin, ka hring zing angin, i tirdakumna po po le i thilpawrchehai po po chun ka hmun inthieng chu i lo sukpawrche tâk leiin hung sukriral ngei ngei ka ti che a, ka mit khawma hla naw ni cheh a, kei khawma lunginsietna nei bawk naw ning che.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau nei mi chu mi invêt a nih.

LEVI DÂN 26:30

In bâwlhmunhai sukchim ka ta, in milimhai sukthlûng ka ta, in ruonghai chu in milimhai chungah pei ka ta; chun, ka hringna khawmin a theida ding cheu a nih.

MIKA 2:10

Tho unla, fe hmang ro; hi hi in châwlna hmun a ni si nawh a; sietna nasatak chena sukse hlaktu in- thiengnawna chu a um leiin.

THUPUONGSUO 18:6

Amain a pêk ang ngei khan pe thung unla, a thilthawzie ang pei chu a lêt hniin thung unla, a chawkpawl- na noa chun a ta dingin a lêt hniin chawkpawlpêk ro.