JEREMIA 16:17 - Pathien Lekhabu Inthieng (BSI)

¹⁷ An lampuihai po po chu ka mit chun a en zing a, ka hmaia inthawka thup an ni nawh a, ka mithmua inthawkin an suolnahai khawm chu thup a ni bawk nawh.

JEREMIA 16:17 ပူးပေါင်းရင်းမြစ်များ

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin LALPA mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw tah a, chuleiin, tuta chin chu indonahai khawm nei zing tâng i tih,” a ta.

JOB LEKHABU (THE BOOK OF JOB) 10:14

Ka lo suol chun, nangin i mîn chik a, Ka khawhlonaa inthawk chun thiem i mîn changtir ngai nawh.

JOB LEKHABU (THE BOOK OF JOB) 31:4

Ka lampuihai chu a hmuin, Ka kalchawihai chu a tiem vawng a ni naw am a nih?

INPÂKNA HLABU 109:15

Chuonghai chu LALPA hmaah um naw sienla, Ama chun anni hriet zingna chu hnuoia inthawka a sukbo theina dingin.

INPÂKNA HLABU 139:3

Ka fe le ka zâl hi i mi en ngun hlak a, Ka um dân po po hi i hriet vawng a.

INPÂKNA HLABU 33:15

An rênga lungril siem hlak a, An thilthaw po po ngaituo hlaktu chun.

INPÂKNA HLABU 51:9

Ka suolnahaia inthawk hin i hmai thup la, Ka rîtlona po po hi thaihmang rawh.

INPÂKNA HLABU 90:8

Kan rîtlonahai chu i hmaah i sieh a, Kan suol iprûkhai chu i hmêl varah i sie tah a.

THUVARHAI 15:3

LALPA mithai chu hmun tinah a um a, Thil ṭha le thil ṭha naw chu a hmu zing hlak.

THUVARHAI 5:21

Mihriem lampuihai chu LALPA mithai hmaah a um sih a, Ama chun a lampuihai po po chu a siemruol hlak.

ISAI 29:15

An remruot chu LALPA kuoma thup dinga inthûktaka zawngtuhai chu an chung a rik ie! an thilthawhai chu inthim hnuoiah a um a, “Tuin am mi hmûng a ta? Tuin am hriet khawm mi hrieng a ta?” an ta.

ISAI 66:18

An thilthawhai le an ngaituohai chu ka hriet sih a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

JEREMIA 2:22

Changalin în sâwp a, sâbawn tamtak i hmanga chu, i suolna chu ka hmaa chun a la chieng rawp a nih, Lalpa PATHIEN chun a tih.

JEREMIA 23:24

LALPA chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ LALPA chun a tih.

JEREMIA 29:23

Israel rama chun invêtthlâk- takin thil an thawh a, an tuolbâwm- hai nuhmei le chun an uireh a, ka hming sâlin ka thupêk loa khêl thu an hril leiin; chun, kei chu a hretu, a hrietpuitu chu ka nih, LALPA chun a tih.

JEREMIA 32:19

rorêlnaa ropui le, sinthawa thil- thawthei tak, mihriem nauhai um- dân po po hmu zing hlak; mi tin chu ama um dân le a thilthawhai ang peia pe dingin;

JEREMIA 7:11

Hi in ka hming chawi hi in mit- hmua chun inruhai pûk a lo ni ta a ni maw? Ngai ta u, keiin, keima ngeiin ka hmu tah, LALPA chun a tih.

EZEKIEL 8:12

Chun, ama chun ka kuomah, “Mihriem naupa, mi tin mâni milim pindan chitah, Israel sûngkaw upa- hai chun inthim hnuoia chun ieng am an thawh a, i hmu am? Anni chun, ‘LALPA chun a mi hmu nawh, LALPA chun hnuoi hi a nghatsan tah,’ an tih a,” tiin.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘LALPA chun ram hi a nghatsan tah a, LALPA chun a hmu nawh,’ an ti sih a.

ZEPHANIA 1:12

Chuong huna chun, Jerusalem chu khâwnvarhai sitin dap ka ta, mi an in kilkhâwrhaia chêng a, an lung- rila, “LALPA chun thil ṭha thaw naw nih a, thil ṭha naw khawm thaw chuong hliek naw ni,” tituhai chu hrem ka tih.

ZEKARIA 4:10

Thil chînhai ni chu tuin am a hmusit hlak hrim a? Hlim an ta, Zerubbabel kuta chun enremna, hieng pasarihai ngei, chuong LALPA mithai ngei chu an hmu ding a ni sih a; anni chu khawvêl po po kil tin kil tanga chun an tlân vêl tah a,” tiin.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.