JEREMIA 15:6 - Pathien Lekhabu Inthieng (BSI)

⁶ Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 15:6 ပူးပေါင်းရင်းမြစ်များ

ISAI 1:4

A! hnam suol, khawhlona riktak phur mihai, chithla thil ṭha naw thaw- tuhai, nau rilotaka khawsa hlakhai an nih. LALPA chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 28:13

Chuleiin, an feh a, an thala an tlûk a, an kawinawi a, chânga an âwk a, mana an um theina dingin, LALPA thu chu annirawi ta ding chun, thu- nunna thu chunga thununna inchuon a, thununna thu chunga thununna inchuon a, dân chunga dân inchuon a, dân chunga dân inchuon a; sawtakah tlawmte, hitakah tlâwmte ti ruok ni el a tih.

ISAI 31:3

Aigupta mihai chu Pathien an ni nawh a; mihriem el an na; an sakawr- hai chu thlarau an ni nawh a, tisa el an na; chuongchun, LALPAIN a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik rawh a, an kut sinthawhai ngei chu chibai an lo bûk ta leiin.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, LALPA chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 2:13

Ka mihai chun thil ṭha naw pahni chu an thaw ta sih a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:17

Lampuia chun a ṭhuoi lai chea, LALPA i Pathien i nghatsan khan, hi hi nang chun i nei tlat ni lo am a nih?

JEREMIA 2:19

Nangma rîtlona ngei chun suk- dik a ti cheh a, i hnungtawlnahai chun nang chu kâwk a ti che; chulei- in, LALPA i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, LALPA, sipaihai LALPA chun a tih.

JEREMIA 20:9

Chun, ama chanchin hi hril nâwng ka ta, a hmingin thu hril naw ningah, ti ding ni lang, ka ruhai sûnga mei khâr nela chawk ang elin ka lungrila hin a um a, ka topui ṭawk ṭawk thei nawh a, ka umpui thei nawh a.

JEREMIA 44:22

Thil tirdakum in thawhai lei le, in thilthawhai suol lei chun LALPA chun a tuor pei ta nawh a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 6:11

Chuleiin, LALPA lunginsenna chun ka sip a; insûm zing chu ka nghawk a nih; kawtthlêra chun nau- panghai laia chun bunthla la, tlang- vâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

JEREMIA 6:12

Chun, an inhai, an lohai, an nuhmeihai chu mi danghai kuoma pêk nîng an ta; ram hluotuhai chunga chun ka kut kân let ding a ni sih a, LALPA chun a tih.

JEREMIA 6:19

Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

JEREMIA 7:16

Chuleiin, hi hnam ta ding hin ṭawngṭai naw la, an ta dingin ṭawng- ṭaina amanih, râwl amani khawm insuo naw rawh; chun, ka kuoma khawm hnina khawm hung siem bawk naw rawh; ka lo ngai âwm si naw cheh a.

JEREMIA 7:24

Nisienlakhawm, an ngai nawh a, an na khawm an sit bawk nawh a, amiruokchu, anni remruotnaa le, an lungril rilo kâwmâwna chu hrawin, hmatiengah ni loin an kîr nâwk ta lem a.

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom nawh a.

JEREMIA 8:9

Mi varhai chu an inzak a, sukbei- dawngin an um a, ṭhuoi hmangin an um a; en ta u, LALPA thu chu an dit naw chu: annia chun ieng ang varna hrim am a um a na?

EZEKIEL 14:9

Chun, zâwlnei chu hlêmin a um a, thu a hril chun, kei LALPA hin chu zâwlnei chu ka hlêm a na, ama chunga chun ka kut inlet ka ta, ka mi Israelhai laia inthawkin ama chu sukbohmang ka tih.

EZEKIEL 25:7

ngai ta, ka kut chu i chungah kân let tah a, hnamhai kuoma chun râllâk sum dingin ka pêk ding che a nih; chun, hnamhai laia inthawkin sât- thlâng ka ti cheh a; ramhaia in- thawka bohmang dingin siem ka ti che; chun, sukbohmang ka ti cheh a, chun, LALPA chu ka nih ti mi hre tâng i tih.

EZEKIEL 35:3

a kuoma chun hieng hin ti rawh: Lalpa PATHIEN chun hieng hin a tih: Ngai ta, nang chu ka dodâl cheh a, aw Seir tlâng, i chunga chun ka kut kân let ding a nih; chun, nang chu râu- sana le maktiah ka siem ding che a nih.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Simna chu ka mita inthawkin thup nîng a tih.

HOSEA 4:16

Bâwngla kâwmaw ang elin Israelhai chu an kâwmaw a, Tuhin LALPAIN berâmte angin hmun lientakah châwm a tih.

ZEPHANIA 1:4

“Juda le Jerusalema chênghai po po chunga chun ka kut phar ka ta; thiempuhai laia milim bie hmingput le, Baal milim la um sunhai chu hi hmuna inthawk hin pei thlâng ka tih;

ZEKARIA 7:11

Nisienlakhawm, an pawisa nuom nawh a, an liengko an her- hmang a, an hriet nawna dingin an nahai an suksêt a.