JEREMIA 15:15 - Pathien Lekhabu Inthieng (BSI)

¹⁵ Aw LALPA, nang chun i hriet a; mi hre zing la, mi hung sir la, a mi hremtuhai chu phuba hung la rawh; i teireingaitheina chun mi la hmang naw la, nangma lei chun kâwkna ka tuor a ni ti hre rawh.

JEREMIA 15:15 ပူးပေါင်းရင်းမြစ်များ

NEHEMIA 13:22

Chun, Levi mihai chu inthien faia, châwlni sukthiengna dinga kul kawtkhâr hung vêng dingin thu ka pêk a. Aw ka Pathien, hi thua khawm hin mi hre zing la, i lunginsietna nasatzie ang peiin mi hla rawh.

NEHEMIA 13:31

a hun ruot senga thing inhlân ding le thlai thar hmasa tak ta ding dâmin. Aw ka Pathien, a ṭha tiengin mi hre zing rawh khai.

NEHEMIA 5:19

Aw ka Pathien, hieng mihai ta dinga ka thilthawhai po po hi ka ṭhatna dingin hre zing rawh aw.

NEHEMIA 6:14

Aw ka Pathien, Tobia le Sanbal- lat hi an thilthaw ang pei hin hre zing rawh, zâwlneinu Noadia le zâwlnei dang mi sukṭi tumtuhai po po le hin.

JOB LEKHABU (THE BOOK OF JOB) 10:7

Mi rilo ka ni nawh a, I kuta inthawka mi la suok thei tukhawm an um nawh ti hre zing siin?

INPÂKNA HLABU 102:24

“Aw ka Pathien, ka vânglai nihaia hin mi la hmang naw la, Nanga kumhai chu suon um sûng po po um a tih,” ka tih a.

INPÂKNA HLABU 106:4

Aw LALPA, i mihai i ditsakna chun mi hre zing la, Aw i Sandamna leh mi hung kan rawh.

INPÂKNA HLABU 119:84

I siehlaw kum chin ding hi iengzât am nîng a ta? A mi suknawmnatuhai chunga hin iengtik am ro i rêl ding a na?

INPÂKNA HLABU 17:3

Ka lungril hi i fieh a, zânah nangin i mi hung sir a; I mi fie tah a, iengkhawm i hmu si nawh a; Ka baua hril suol lo chu ka tum tlat a nih.

INPÂKNA HLABU 39:13

Aw, hitaka ka suok a, ka um naw sawng dai hma hin, Ka har nâwkna dingin mi hla rawh.

INPÂKNA HLABU 44:22

Anih, nangma leiin sûnni- thlâka thatin kan um hlak a, Berâm that dinghai anga ngai kan nih.

ISAI 38:3

“Aw LALPA, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha, ka hni che hi hre zing rawh aw,” a ta. Chun, Hezekia chu a ṭap a ṭap tah a.

JEREMIA 12:3

Nisienlakhawm, aw LALPA, nang chun i mi hriet a, i mi hmuh a, nanga tienga chun ka lungril chu i fieh a, sathattu ta dinga berâmhai ang chun kei suok la, thatna ding nia ang chun anni chu buotsai rawh.

JEREMIA 15:10

Nu, ka chung a va rik de! hnuoi chung po poa insêl mi le inkhing mia i mi lo nei hi chu! a pung umin kân pûktir ngai nawh a, kei khawm tu- khawma a pung umin an mîn pûktir bawk nawh; amiruokchu, an rêng elin ṭawngsie an mi lân phur ta rawp hi.

JEREMIA 15:20

Chun, hi hnam ta ding hin dârsen bang kulah siem ka ti cheh a; nang chu hung do hlak an ti cheh a, nisienlakhawm, hne ngai naw ni hai che; sandam ding le sansuok ding chein i kuomah ka um zing sih a, LALPA chun a tih.

JEREMIA 17:16

Keia chungthua chun, nanga hnunga berâmpu ni chu ka tum ṭâl nawh a, ni chungpikum khawm chu ka châk bawk nawh a, i hriet a, ka hmûra inthawka suokhai chu i hmai- hmaa chun a um sih a.

JEREMIA 18:23

Amiruokchu, LALPA, mi thatna dinga ka chunga an thu inrâwnna po po kha i hriet a, an suolna chu ngai- dam naw la, i mithmua inthawk chun an suol chu sukhmangpêk bawk naw rawh, amiruokchu, nangma hmaa chun pei thlûkin um hai sienla, anni chu i lunginsen lai chun sawisa rawh.

JEREMIA 20:11

Nisienlakhawm, LALPA chu mi thilthawtheitak le ṭium angin ka kuoma chun a um a; chuleiin, a mi sukrinumtuhai chu insui thlûng an ta, hlawtling naw ni hai; vartaka an lo thaw ta naw leiin, anni chu kum- khuoa theinghil ta lo ding inza- puiuma chun inzak ngei an tih.

JEREMIA 20:12

Nisienlakhawm, aw sipaihai LALPA mi fel chu fieh a, lungril le lungvar hmutu, anni chunga i phu- balâk chu mîn hmutir la; nangma kuoma ngei chun ka chungthu chu ka hung târlang sih a.

JEREMIA 20:8

Thu ka hril zâtin ka khêk sih a; ka khêk a, “Thawluina le suksietna” tiin; LALPA thu chu ka ta dingin kâwkna le ni tin tinin mi hrilinsîma siem a na.

ṬAP HLA 3:64

Aw LALPA, an kuthaia an sinthaw ang peiin nangin thungna pe la.

ṬAP HLA 3:66

Nangin lunginsennain hnawt i ta, LALPA vânhai hnuoia inthawk chun sukbohmang i tih.

MATTHAI 10:22

Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

MATTHAI 19:29

Chun, mi tin inhai amanih, unauhai amanih, farnuhai amanih, pa amanih, nu amanih, nauhai amanih, ramhai amanih, ka hming leia fesan taphawt chun, a let za hmûng an ta, kumkhuoa hringna chang bawk an tih.

LUKA 21:17

Keia hming leiin mi po po theida nîng in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19

Dittakhai, in phuba la naw unla, Pathien lunginsenna inkien lem ro, “phuba hrim hrim keia lâk ding a nih, keiin thung ka tih, Lalpain a tih,” ti ziek a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:35

Krista hmangainaa inthawk chu tuin am mi ṭhêng a ta? Rinum- nain amanih, lungngainain amanih, suknawmnatnain amanih, ṭâmin amanih, saruoknain amanih ṭiumin amanih, kâwlhnâmin amanih a mi ṭhe ding am a nih?

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

2 TIMOTHE 4:14

Alexander, dâr sung thiem kha ka chungah a suol bêk bêk hlak a nih;

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl loa hnuoia umhai chunga kan thisen insuona phuba chu la loa i um ding?” tiin an khêk a.

RORELTUHAI 16:28

Chun, Samson chun LALPA a ko a, “Aw Lalpa PATHIEN, ka hni che hi, mi hung hre zing la, ka hni che hi, tuta ṭuma chau bêk hin mi hung sukhrât la, aw Pathien, ka mit khing hni phuba hi Philistin mihai chunga hin hang la vak ka tih,” a tih a.