JEREMIA 14:3 - Pathien Lekhabu Inthieng (BSI)

³ A miṭhahai chun an nauhai chu tui chawi dingin an tir a, khurahai chun an hung a, tui hlak an hmu nawh a; an tuitheihai chu a ruokin an kîr a, an inzakin an buoi a, an luhai chu an inkhum a.

JEREMIA 14:3 ပူးပေါင်းရင်းမြစ်များ

2 SAMUEL 15:30

Chuongchun, David chu Oliv tlâng hang fenaa chun a hang feh a, fe malam chun a ṭap malam pei a, a lu a khum a, ke ruokin a feh a; chun, a kuoma mi po pohai chun an lu an khum seng a, ṭap pum peiin an hang feh a.

2 SAMUEL 19:4

Chun, lal chun a hmai a hup a, “Aw ka naupa Absalom, Aw Absalom, ka naupa, ka naupa,” tiin lal chu a ṭap a ṭap a.

1 LALHAI 17:7

Chun, a nakie deu chun hieng hi a hung na, chu rama chun ruo hrim hrim a sûr naw leiin vadung chu a hung kang tah a.

2 LALHAI 18:31

Hezekia thu chu pawm naw ro, Assuria lal chun hieng ang hin a ti a nih: Mîn rempui unla, ka kuomah hung thla ro, mi tinin mâni grêp hruia mi le, mâni theichang kûnga mi fa seng unla, mi tinin mâni tuikhur tui tlân seng ro:

ESTHER 6:12

Chun, Mordekai chu lal kul kawtkhâra chun a hung nâwk a. Haman ruok chu a lu inkhumin, lungngaitakin a in tieng a fe tah a.

JOB LEKHABU (THE BOOK OF JOB) 6:20

Beiseina an nei leiin an inzak a; Chutaka chun an hung a, an beidawng tah a.

INPÂKNA HLABU 109:29

A mi dotuhai chu inzakna puon insiltirin um hai sienla, Zakuoa intuom angin, anni muolphona chun intuom raw se.

INPÂKNA HLABU 40:14

Ka hringna sukbo tuma zawngtuhai chu, Muolphotak le inzaktakin um tâwl hai sienla, Ka sietna chunga lâwmhai chu, Innghatkîrtirin sukzakin um raw hai se.

JEREMIA 14:4

Rama chun ruotui a um si nawh a, leihnuoi beidawngumtak lei chun hnuoi inlettuhai chu an inzak a, an luhai an khum a.

JEREMIA 15:18

Iengleiin am ka natna hi a re hlek nawh a, sukdam nuom dêr lo ang ela ka hliemna hi sukdam thei loa um am an nih a? Ka ta ding hin vadungte hlêmhmang, tuihai kang hlak ang chu in ni tak tak ding am a nih?

JEREMIA 2:13

Ka mihai chun thil ṭha naw pahni chu an thaw ta sih a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:37

Amaa inthawk khawm chun fe suok i ta, i kuthai chu i lu chunga siein; LALPA chun i ringhai chu a pawmpêk ta si naw cheh a, chuonga- hai chun hlawtling ta ngai naw ti nih.

JEREMIA 20:11

Nisienlakhawm, LALPA chu mi thilthawtheitak le ṭium angin ka kuoma chun a um a; chuleiin, a mi sukrinumtuhai chu insui thlûng an ta, hlawtling naw ni hai; vartaka an lo thaw ta naw leiin, anni chu kum- khuoa theinghil ta lo ding inza- puiuma chun inzak ngei an tih.

JEREMIA 3:3

Chuleiin, raw sûrhai chu chel- tâng an na, ruo nuhnung tieng chu a um ta naw a nih; amiruokchu, mi hur chal chu i nei a, inzak i tum dêr si nawh a.

ṬAP HLA 4:4

Nautê nêne ne lai lei chu dangchâr leiin a dangah a kawp tlat a; Naupanghai chun bei an hnih a, mi tukhawm hlaka an khawipêk si nawh a.

HOSEA 2:3

Chuong naw chun saruokin siem ka ta, A pieng nia a um angin inumtir ka tih, Thlalêr angin siem ka ta, Ram ṭâwl angin inumtir ka ta, Dangchârin sukhlum ka tih.

JOEL 1:20

Anih, ramsahai chu nanga ngaiin an inthuok huom huom a, va- dungtêhai chu a kang intan a, mei chun thlalêr hmun hlohna hmun chu a kâng fai ta sih a.

AMOS 4:7

“Chun, bu sîk hun ding thla thum a la ni laiin in chunga ruo sûr ding khawm ka chel a, khawpui pakhat chungah kân sûrtir a, khawpui dang chungah kân sûrtir nawh a; hmun khat chungah a sûr hlak a, a sûr nawna hmun chu a ṭâwl hlak.

AMOS 4:8

Chuongchun, khawpui pahni amanih, pathum amani chu khawpui pakhatah tui dâwn dingin an invâk a, an khawp nawh a, chuong sa khawm chun ka kuomah an hung kîr nawh,” LALPA chun a tih.

ZEKARIA 14:17

Chun, leihnuoia hnamhai po po tukhawm Laltak, sipaihai LALPA chu be dinga Jerusalema hang fe nawhai chunga chun ruo sûr naw ni.