JEREMIA 14:18 - Pathien Lekhabu Inthieng (BSI)

¹⁸ Ramhnuoiah ka va fe leh, kâwl- hnâma thihai hmu a na! khawpui sûng ka lût leh, ṭâmnaa na tuorhai hmu a na! zâwlneihai le thiempuhai chu ram sûnga chun an invâk vêl a, hrietna nei si loin,” tiin.

JEREMIA 14:18 ပူးပေါင်းရင်းမြစ်များ

ISAI 22:2

Aw khêk ria sip, khawpui sa mur mur, khaw hlimtak, i sûnga an that- hai chu kâwlhnâma that an ni nawh a, indonaa thi an ni bawk nawh.

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

JEREMIA 2:8

Thiempuhai khawm chun, “LAL- PA kha khaw lai am a um a?” khawm an ti nawh a; dân hmangtuhai hlak chun an mi hriet bawk nawh: rorêl- tuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 23:21

Hieng zâwlneihai hi ka tir nawh a, anachu, an tlân sih a; an kuoma chun thu khawm ka hril nawh a, anachu, anni chun thu an hril sih a.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl tah a, ka mihai hlak chun, chuong chu nei an lo châk bawk sih a: a tâwpa chun ieng am thâw tâng i ta?

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 6:25

Lohaia chun fe suok naw unla, lampuia khawm chun fe naw ro; hmêlma kâwlhnâm le ṭitumna chu sîr tin ela chun a um sih a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

ṬAP HLA 1:20

Ngai ta, aw LALPA, rimsiin ka um hi; ka phîng chu a buoi a; Ka lung chu ka sûnga chun ân her a, khawhlotakin ka lo hel ta sih a; Kawtthlêra chun kâwlhnâm chun a sukfahrah a, ina chun thina a um a.

ṬAP HLA 2:19

Tho la, vêng ṭantirna huna chun, zânah khêk rawh; LALPA hmaihmaa chun i lung- ril chu tui angin bunthla la, I nau le têhai hringna dingin ama tienga chun i kuthai phar rawh, Chuong kawtthlêr tâwp tina phîngṭâma châuhai ta ding chun.

ṬAP HLA 4:9

Kawlhnâma thata umhai chu phîngṭâmnaa thata umhai nêkin an hamṭha lem a, Lo thlairahai tlâksamnaa vuoka umin, hieng hai hi an luong hmang sih a.

EZEKIEL 7:15

“Kâwlhnâm chu puotieng a um a, ṭâmna le hripui chu sungtienga chun a um a; loa um chu kâwlhnâmah thîng a ta, khawpui sûnga um chu hripui le ṭâmna chun fa zo a tih.

AMOS 4:6

“Chun, kei khawma in khawpui po pohaia ha faina le in hmun po pohaia tlâksamna ka pêk cheu a, chuong sa khawm chun ka kuomah in hung kîr nawh a,” LALPA chun a tih.

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

DÂN PAHNINA 28:36

“Nangni le in lal leh, in pi le pu chena in hriet ngai naw hnam kuom- ah LALPA chun ṭhuoi a ti cheu a, chutaka chun thing le lunga siem pathien dang rawng chu bâwl in tih.

DÂN PAHNINA 28:64

“Chun, LALPA chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.