JEREMIA 14:17 - Pathien Lekhabu Inthieng (BSI)

¹⁷ Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 14:17 ပူးပေါင်းရင်းမြစ်များ

2 LALHAI 19:21

Hi hi a chungchâng thu LALPA- IN a hril chu a nih, ‘Zion naunu nunghâk chun a hmusit cheh a, a nuisan che a nih; Jerusalem naunu chun a lu a thin khum bawk cheh a.

INPÂKNA HLABU 119:136

Ka mitthli hi vadung tui angin a luong thlah a, I dân an zâwm naw leiin.

INPÂKNA HLABU 39:10

I mi vuokna hi ka kuoma inthawkin mi la hmangpêk la, I kutthlâka sukbohmang ka ni hi.

ISAI 37:22

hi hi a chungchâng thu LALPA- IN a hril chu a nih: Zion naunu nunghâk chun a hmusit cheh a, a nuisan che; Jerusalem naunu chun a lu a thin khum che.

JEREMIA 10:19

Ka natna lei chun ka chung a va rik de! ka hliemna chu a nasa hle a; nisienlakhawm, “Indiktakin hi hi ka natna chu a na, ka tuor ding hrim a nih,” ka tih a.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 18:13

“Chuleiin, LALPA chun hieng hin a tih; Hnamhai laia chun indawn unla, hieng ang thilhai hi hre hlak an um am; Israel nunghâk inthieng chun thil râpthlâktak el chu a lo thaw tah a.

JEREMIA 8:18

Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang sih a.

JEREMIA 8:21

Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

JEREMIA 9:18

hung inhmaw hai sienla, ei ta dingin ṭapinrûm raw hai se, ei mithai chu mitthlia a far theina ding le, ei mitvunhai chun tui a phusuok theina dingin.

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

ṬAP HLA 2:13

Ieng am inhriettir ka cheh a, ieng lêm hrilkhîng ka ti cheh a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti cheh a?

ṬAP HLA 2:18

An lungril chu LALPA kuomah a khêk a; Aw Zion naunu kul, sûn le zânin mitthli chu vadung angin inluongthlâktir rawh; Sâwldamna chu nang le nang inpe naw la; i mitthli luong chu ma naw raw se.

AMOS 5:2

“Nunghâk, Israel chu a tlu tah a, ngîr nâwk ta naw nih: a ram chunga chun pei thlâk a ni tah a nih, ama chu inngîrtir dingin tukhawm an um nawh.”

MIKA 6:13

Chuleiin, kei khawma nataka hliemin ka vuok ta cheh a, i suolna- hai leiin râusanah ka siem ta che a nih.