JEREMIA 14:15 - Pathien Lekhabu Inthieng (BSI)

¹⁵ Chuleiin, ka hminga zâwlnei thuhriltuhai chungthua chun, LAL- PA chun hieng hin a tih: anni chu ka tir nawh a; amiruokchu, hi rama hin kâwlhnâm le ṭâm tla naw ni, tituhai, chuong zâwlneihai chu kâwlhnâm le ṭâmin sukbohmang nîng an tih.

JEREMIA 14:15 ပူးပေါင်းရင်းမြစ်များ

1 LALHAI 22:25

Mikaia chun, “Ngai rawh, pin- dan sûngrila inbi dinga i lût ni chun la hrieng i tih,” a ta.

JEREMIA 20:6

Chun, nang Pas-hur le i ina chênghai po po chu sala ṭhuoiin um in ta; Babulona chun fêng i tih; chutaka chun thîng i ta, chutaka phûm chu nîng i ta, nang le i ruolhai po po an kuoma thu indik lotaka i lo hril hlakhai le chun,” tiin.

JEREMIA 23:30

“Chuleichun, ngai ta u, zâwl- neihai mâni tuolbâwmhaia inthawka ka thu inrutuhai chu ka kal a nih, LALPA chun a tih.

JEREMIA 27:15

LALPA chun a tih: Anni chu ka tir si nawh a, nisienlakhawm, ka hmingin thukhêl chu an hril a nih; nangni chu ka hnawt suok theina ding cheu le, nangni le zâwlnei in kuoma thuhriltuhai chu in bohmang theina dingin,” tiin.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, LALPA chun a tih.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk nawh a, chuleiin, a tluhai laia chun tlu vêng an ta, anni chu hrem an ni huna chun, LALPA chun a tih.

JEREMIA 8:13

Anni chu kâng hmang letdêr ka tih, LALPA chun a tih; grêphruiahai chun grêp um naw nih a, theichang kûngahai khawm chun theichang um naw nih a, a hna khawm chu vuoi a tih; chun, an kuoma thil ka pêkhai khawm chu annia inthawk chun fe hmang a tih.

ṬAP HLA 1:19

Ka hmangaituhai chu ka hei ko a, nisienlakhawm, an mi hlêm a, Ka thiempuhai le ka upahai chu khawpuia chun an bohmang tah a, An hringnahai sukhrât dinga bu an zawng lai chun.

ṬAP HLA 2:20

En ta, Aw LALPA, ngai ta, hienga an kuoma i thawnahai hi! Nuhmeihai chun an rîla ra, nau- panghai, kuta tâwma umhai chu, an fâk el ding maw? LALPA hmun inthienga chun zâwlnei le thiempu chu that an ni el ding maw?

EZEKIEL 13:14

Chuongchun, bang chirhak in- hnâk loa in bel kha suksieng ka ta, hnuoiah hung la thlâng ka tih; chuongchun, a lung phûm chu inlang tâng a ta, tlûng a ta, chu sûnga chun sukbohmangin um in tih; chun, LALPA ka ni mi hre tâng in tih.

EZEKIEL 13:15

Chuong ang chun ka lungin- senna chu bang chunga le chirhak inhnâk loa beltuhai chunga chun sukpuitling ka ta; in kuoma chun, ‘Bang chu a um ta nawh a, a beltuhai khawm,’ tîng an tih.

EZEKIEL 13:9

Vântieng thukhêl le, zâwlnei teplo mei mei hmutuhai chunga chun ka kut chu um a ta; ka mihai in- khâwmnaa chun ṭhang ve naw ni hai a, Israel sûngkaw chanchin inziek- naa chun ziek ni bawk naw nih a; Israel rama chun lût bawk naw ni hai a; chun, Lalpa PATHIEN chu ka ni ti mi hre tâng in tih.

EZEKIEL 14:10

Chun, an suol maw chu phur an ta; zâwlnei suolna chu mi ama kuom- ah zawngtu suolna ang ngei chu nîng a tih;

EZEKIEL 14:9

Chun, zâwlnei chu hlêmin a um a, thu a hril chun, kei LALPA hin chu zâwlnei chu ka hlêm a na, ama chunga chun ka kut inlet ka ta, ka mi Israelhai laia inthawkin ama chu sukbohmang ka tih.

EZEKIEL 33:6

Nisienlakhawm, vêngtu chun kâwlhnâm hung tlung chu a hmuh a, tawtawrâwt a mût nawh a, mipuihai chu vaulâwk an ni nawh a, kâwlhnâm chu a hung tlung a, anni laia mi tukhawm chu a lâk hmang chun; a suolnaa chu lâk hmang a na; amiruokchu, a thisen maw chu vêngtu kuta chun phût ka tih,’ tiin.

AMOS 7:17

chuleiin, LALPA chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheiloin, Israel chu a rama inthawkin salah ṭhuoi hmang an tih,’ tiin,” a dawn a.

MIKA 3:5

Ka mihai insuksuoltirtu, sawi nei pumin, “Muongna,” tia khêk a, an baua inba naw taphawt do buotsai hieltu zâwlneihai chungchâng thu chu LALPAIN hieng ang hin a tih:

DÂN PAHNINA 18:20

Ka hminga hril dinga ka pêk naw hril luitu zâwlnei amanih, pathien danghai hminga thuhriltu zâwlnei amanih, chu zâwlnei chu sukhlum ding a nih,’

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sah a. An pahni chun kâta kâng mei dîla chun a hringin an pei a.