JEREMIA 14:14 - Pathien Lekhabu Inthieng (BSI)

¹⁴ chun, LALPA chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir nawh a, thu khawm ka pêk nawh a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 14:14 ပူးပေါင်းရင်းမြစ်များ

ISAI 56:10

A râl vêngtuhai chu an mit ân del a, hrietna nei naw ruok an na; ui râwl nei lo ruok an na, an inngak thei nawh; mang nei a, zâl zing a, imu hêmi an nih.

ISAI 9:15

Upa le mi inzaumhai chu a lu chu an na, khêl inchûktir hlak zâwl- neihai chu a mei chu an nih.

JEREMIA 20:6

Chun, nang Pas-hur le i ina chênghai po po chu sala ṭhuoiin um in ta; Babulona chun fêng i tih; chutaka chun thîng i ta, chutaka phûm chu nîng i ta, nang le i ruolhai po po an kuoma thu indik lotaka i lo hril hlakhai le chun,” tiin.

JEREMIA 28:11

Chun, Hanania chun mipuihai po po hmaihmaa chun thu a hril tah a, “LALPA chun hieng hin a tih: Hnam po pohai rînga inthawkin kum hni pumhlûm sûngin Babulon lal Nebukadnezzar rîngkawl chu hieng ang ngei hin ka sukthliek ding a nih, a tih,” a ta, zâwlnei Jeremia ruok chu a fe hmang tah a.

JEREMIA 28:13

“Fe la, Hanania chu hieng ang hin va hril rawh: LALPA chun hieng- hin a tih: Thinga siem rîngkawlhai chu i sukthliek a; amiruokchu, an aia chun thîrin rîngkawl i siem ding a nih.

JEREMIA 28:15

Chun, zâwlnei Jeremia chun zâwlnei Hanania kuoma chun, “Hanania, tuhin lo ngai ta, LALPA chun nang a tir naw cheh a, nisien- lakhawm, hi mipui hi khêlthu chu în ringtir a ni hi.

JEREMIA 29:21

Ka hminga in kuoma thukhêl hriltu Maaseia naupa Zedekia chung thua le, Kolaia naupa Ahab chung- thua chun Israel Pathien, sipaihai LALPA chun hieng hin a tih: Ngai ta u, anni chu Babulon lal Nebukad- nezzar kuta chun pe suok ka ta, ama chun in mithmuah anni chu that a tih;

JEREMIA 29:31

“Sal intânghai po po kuoma chun mi tir la. Nehelam mi Semaia chungthua chun LALPA chun hieng- hin a tih: Semaia chu ka tir loin, in kuoma chun thu hrilin, thukhêl chu a hung inawitir cheu leiin,

JEREMIA 37:19

I zâwlneihai, ‘Babulon lal chun hi ram amanih, nang amani khawm hung do naw ni,’ tituhai kha khaw lai am an um a?

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl tah a, ka mihai hlak chun, chuong chu nei an lo châk bawk sih a: a tâwpa chun ieng am thâw tâng i ta?

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

JEREMIA 8:11

Chun, thlamuongna ding a um naw sain, “Thlamuongna, thla- muongna,” tiin, ka chipui naunu in- suknatna chu an sukdam met chau a.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk cheh a; I sal nina hung lakîr dingin, i suolna hlak an hmusuok thei si nawh a. Nanga ta dingin hlêmna le, teplo thu mei mei chau chu an hmupêk cheh a.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet tah a; A lal le hotuhai chu dân um nawnaa hnamhai laia chun an um a; Anih, a zâwlneihai khawma LALPAA inthawka thilhmulâwk an hmu ta nawh.

EZEKIEL 12:24

Israel sûngkaw sûnga chun thilhmulâwk teplo amanih, aiena inhlêmna hrim hrim a um ta naw ding a ni sih a.

EZEKIEL 13:2

“Mihriem naupa, Israel rama zâwlnei, anni lungrila inthawk ela thuhrillâwkhai hril hlaktuhai kuoma chun thu hril la, ‘LALPA thu chu lo ngai ta u,’ ti rawh.

EZEKIEL 13:23

chuleichun, teplo chu hmu nâwk ta naw ti niu a, vântieng thil- hmulâwkhai khawm chu; chun, ka mihai chu in kuta inthawkin sansuok ka ta, LALPA chu ka ni ti mi hre tâng in tih,” tiin.

EZEKIEL 21:29

an hremna nuhnungtak ding hun, mi rilo tâwpkhâwkhai ringa in- nghat ding ni tlung mêk zing laiin thilhmulâwk teplo hmupêk chein aisânna khêlhlip an hrilpêk che a nih.

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu sih a; manga mang- tuhai khawm chun khêl mei mei an mang a, a thlâwn elin an insukthla- muong a nih; chuleiin, berâm angin anni lampui chu an hrawh a, sukrimsikin an um hlak, berâmpu a um naw leiin.

ZEKARIA 13:3

Chun, anni mi tukhawma an thu an la hrillâwk zing chun, an nu le pa anni neitu ngei chun, ‘Dam naw ti ni; LALPA hmingin khêlthu i hril sih a,’ tîng an tih; chuongchun, a thu hril lai le le chun a nu le pa ama neitu chun ama chu sunthleng an tih.

DÂN PAHNINA 18:20

Ka hminga hril dinga ka pêk naw hril luitu zâwlnei amanih, pathien danghai hminga thuhriltu zâwlnei amanih, chu zâwlnei chu sukhlum ding a nih,’

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.