JEREMIA 14:12 - Pathien Lekhabu Inthieng (BSI)

¹² Bu an nghei pha khawm, an khêkri chu ngai naw ning a; in- thâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwl- hnâm le, ṭâm le hripuiin sukbohmang lem ka tih” a ta.

JEREMIA 14:12 ပူးပေါင်းရင်းမြစ်များ

JOB LEKHABU (THE BOOK OF JOB) 27:9

Pathien chun a khêkri chu a ngai ding am a ni, A chunga buoina a hung tlung pha chun?

THUVARHAI 1:28

Chun, kei chu mi hung ko an ta, nisienlakhawm, dawn naw ningah; Nguntakin mi hung zawng an ta, nisienlakhawm, mi hmu naw hi hai.

THUVARHAI 15:8

Mi khawhlo inthawina chu LALPA ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

ISAI 58:3

‘Ieng leiin am bu kan nghei a i hriet si naw a, ieng leiin am kan insukrimsih a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

JEREMIA 11:11

Chuleiin, LALPA chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienla- khawm, anni chu lo ngai naw ning ah.

JEREMIA 11:14

Chuleiin, hi hnam ta ding hin hni naw la, an ta dingin hnina ama- nih, râwl amanih insuo bawk naw rawh, an buoinaa dinga ka kuoma an khêk pha khawm chun anni chu ka ngai naw ding a ni sih a.

JEREMIA 15:1

Chun, LALPA chun ka kuom- ah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua in- thawkin hnawt suok la, anni chu infe suoktir rawh.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 21:6

Chuongchun, hi khawpui hluotu- hai ramsa le mihriemhai ngei chu hrem ka ta, hripui nasataka chun thîng an tih.

JEREMIA 24:10

Chun, anni le an thlatuhai kuoma ram ka pêka inthawka an rênga an bohmang vawng hmakhat chun an hnunga chun kâwlhnâm dâm, hripui dâm, ṭâm dâm tir bawk ka tih,” tiin.

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni tah a; en ta, i hmu zing hi.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlân- hai chu pawm a ni nawh a, in in- thâwinahai khawm chu ka ta dingin lâwmum a ni nawh.

JEREMIA 8:13

Anni chu kâng hmang letdêr ka tih, LALPA chun a tih; grêphruiahai chun grêp um naw nih a, theichang kûngahai khawm chun theichang um naw nih a, a hna khawm chu vuoi a tih; chun, an kuoma thil ka pêkhai khawm chu annia inthawk chun fe hmang a tih.

JEREMIA 9:16

An thlatuhai le anni khawma an hriet ngailo hnamhai laia chun sukdar ka ta; anni chu ka sukbo- hmang vawng hmakhat chun an hnungah kâwlhnâm tir ka tih.

EZEKIEL 14:19

Annawleh, rama chun hripui ka tir a, a chunga chun, ramsa le mi- hriemhai chu sât thla dinga, thisenin ka lunginsenna ka bunthlâk chun,

EZEKIEL 14:21

Lalpa PATHIEN chun hieng hin a ti sih a; ‘Ka rorêlna natak palihai kâwlhnâm, ṭâmna, ramsa tuor- hlaumhai le hripuihai hi Jerusalem chunga, amaa inthawka ramsa mi- hriemhai râwthmang dinga ka tir pha chun ieng ang lâwma nasa zuol am a ni ding chu?

EZEKIEL 8:18

Chuleiin, kei khawma lungin- senin thaw vêng ka ta, ka mitin anni chu hla naw nih a, lunginsietna nei bawk naw ning; ka naa chun râwl inringtakin hung khêk hai sien- khawm, anni chu lo ngai naw ning,” tiin.

HOSEA 5:6

An berâm ruolhai le an bâwng ruolhai leh, LALPA zawng dingin fêng an ta; Nisienlakhawm, ama chu hmu nâwng an tih, An kuoma inthawkin ân siekieng tah a nih.

AMOS 5:21

In ruoiṭhehai ka theidain ka hmusit a, in inkhâwmpui ursûnahai chun lâwm bawk naw ning.

MIKA 3:4

Chu pha chun LALPA chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

ZEKARIA 7:13

Chun, ama a khêk laiin an ngai nawh a; chuongchun, anni chu khêk an ta, kei khawma ngai naw ningah, sipaihai LALPA chun a tih.

MALAKI 1:10

Nangni laia mi pakhat bêk, ka mâichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai LALPA chun a tih, nangnia hin lâwmna hrim ka nei naw a nih; in kuta thilin- hlân hrim hrim khawm lâwm naw ningah.

MALAKI 2:13

Chun, hi khawm hi in thaw nâwk bawk a, LALPA mâichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

THUPUONGSUO 6:8

Chuongchun, ka hang en a, chun, ngai ta, sakawr dâng ka hmuh a; a chunga chuong hming chu Thina a na; chun, Mithi Khuoin a hung zui a. Chun, kâwlhnâm dâm, ṭâm dâm, hri dâm, hnuoia sahrânghaia sukhlum dingin chuonghai kuoma chun hnuoi hmun lia ṭhea hmunkhat chunga thuneina pêk a nih.