JEREMIA 13:9 - Pathien Lekhabu Inthieng (BSI)

⁹ Hieng ang tak hin Juda chapona le, Jerusalem chapona nasatak chu suksieng ka tih.

JEREMIA 13:9 ပူးပေါင်းရင်းမြစ်များ

THUVARHAI 16:18

Chapona hi sietna hmaah a fe hlak a; Chun, lungril uong chu tlûkna hmaah.

ISAI 16:6

Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

ISAI 23:9

Sipaihai LALPA chun ropuina po po chapona chu sukmawi lo ding le, hnuoia mi inzaumhai po po hmusit- uma inumtir dingin a ruot a nih.

JEREMIA 13:8

Chun, LALPA thu chu ka kuom- ah a hung tlung a, LALPA chun hieng ang hin a tih:

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, inchek- naa le, ṭawngsephura siem dingin;

JEREMIA 48:29

Moab chapona chu kan hriet a, a chapo êm êm el a; ân suksângna le, a chapona le, a uongna le, a lungrila uongthuongna le chun.

EZEKIEL 16:50

An chapo a, ka hmaa chun tirdakumna an thawh a, chuleiin, ṭha ka ti ang peiin anni chu ka lâk hmang tah a.

EZEKIEL 16:56

I chapo ni khan i zuorpuinu Sodom chu i ṭawngse hnâwkna ni lo am a nih,

LEVI DÂN 26:19

in hrâtna sawngtawlawi chu suksieng ka ta, in vânhai chu thîr angah siem ka ta, in hnuoi chu dârsen angah;

NAHUM 2:2

Israelhai ropuina angin Jakob- hai ropuina chu LALPA chun ân ngîr nâwk sih a; sukruoktuhaiin anni chu an sukruok zo tah a, an grêp kauhai an suksiet zo ta sih a.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti nih a; nanga sûnga inthawkin nasataka nang chapopui- tuhai che chu ka lâk suok ding a ni ta sih a; chuongchun, ka tlâng inthienga chun chapo ta ngai hrim hrim naw ti nih.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawl- nain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak sih a.