JEREMIA 12:7 - Pathien Lekhabu Inthieng (BSI)

⁷ Ka in chu ka mâksan tah a, ka rohluona khawm chu ka pei thlâk a, ka thlain a hmangai dittak chu a hmêlmahai kuomah ka pêk tah a.

JEREMIA 12:7 ပူးပေါင်းရင်းမြစ်များ

2 LALHAI 21:14

Chun, ka rochan a la um sunhai chu pei thlâng ka ta, an hmêlmahai kutah pêng ka ta; an hmêlmahai po po man ding le râllâk ding nîng an tih,

INPÂKNA HLABU 106:40

Chuleiin, LALPA lung chu a mihai chungah ân thawk a, A rochan chu a tirdak tah a.

INPÂKNA HLABU 78:62

A mihai chu kâwlhnâm kuomah a pêk a; A rochan chunga chun a lunginsen tah a.

ISAI 2:6

Khawsak tienga dân hung suokhaiin an hung sip a, Philistin mihai anga aisânthiemhai an nih a, ram dang mi nauhai leh kut le kut an inben leiin, i mi Jakob sûnghai chu i mâksan ta sih a.

JEREMIA 11:15

Thil tirdakumtak chu thaw zing si chun, ka hmangaitak chun ka inah chan ieng am a nei ta leh? Intiem- kamna le saserhai chun in sietna ding ân pumpeltir thei ding am a nih? Chuong a ni chun in hlim thei ding am a nih?

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung nawh a; sukdamna ding huna khawm chun lunginzîngna hmu a nih!

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti nih a, ram i hriet ngai loa chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta sih a.

JEREMIA 22:5

Nisienlakhawm, hieng thuhai hi in ngai naw chun, LALPA chun a tih: keima ngei insâlin kân khâm a, hi in hi rausan ni ngei a tih.

JEREMIA 23:33

Hi mihai laia pakhatin amanih, zâwlneiin amanih, thiempuin ama- nih, “LALPA rikphur chu ieng am a na?” ti an indawn che chun, an kuoma chun, “Nangni hi phurrik chu in nih, ka peihâwn ding cheu a nih, LALPA chun a tih,” tiin hril rawh.

JEREMIA 23:39

chuleiin, ngai ta u, nangni chu theinghil letdêr ka ti cheu a, khawpui nangni kuoma le in thlatuhai kuoma ka ipêk le hin ka hmaihmaa inthawk- in ka peihâwn ding cheu a nih;

JEREMIA 51:5

Israelhai amanih, Judahai ama- nih, an Pathien, sipaihai LALPA chu a nghatsan si nawh a; an ram chu Israel Mi Inthieng dodâlin khawhlo- nain sip hle sien khawm.

JEREMIA 7:14

chuleiin, in thlatuhai le nangni kuoma ka pêk, hmun le in ringna innghatna, ka hming chawia ko, in chunga chun, Siloa chunga ka lo thaw ta ang bawk khan ka thaw ding a nih.

JEREMIA 7:29

Aw Jerusalem, i sam chu tan rawh, peihâwn la, bâwlhmun tlânga- hai chun sûnna siem rawh; LALPA chun a lunginsenna thlahai chu a nghatsanin a hnâwl ta sih a.

EZEKIEL 24:21

‘Israel sûngkuo kuoma chun hril la, Lalpa PATHIEN chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

HOSEA 11:1

Israel chu a naupang lai chena inthawk ka hmangai a, Aigupta rama inthawkin ka naupa dinga ka ko suok a nih.

HOSEA 9:15

An rîtlona po po chu Gilgal khuoah a um a; Chutaka chun anni chu ka theida sih a. An thilthaw rîtlona lei chun ka ina inthawkin hnawt suok ka tih; Annirawi hi hmangai ta naw ning; An hotuhai po po chu hel hmang an ni sih a.

JOEL 2:15

Ziona chun tawtawrâwt mût unla, bu nghei hun inserthieng ro; inkhâwmpui ursûntak chu siem ro,

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.

DÂN PAHNINA 33:12

Chun, Benjamin chungthua chun, “LALPA dittak chu a kuomah himin um a tih; Sûnnithlâkin awp a ta, Paw hlak a tih,” a ta.