JEREMIA 12:13 - Pathien Lekhabu Inthieng (BSI)

¹³ Bu an chîng a, hling an sîk a; anni chu an insukna a, nisienla- khawm, iengkhawm a hlawk nawh, LALPA lunginsenna ṭiumtak lei chun i rahai chu inzapui i tih.

JEREMIA 12:13 ပူးပေါင်းရင်းမြစ်များ

INPÂKNA HLABU 78:62

A mihai chu kâwlhnâm kuomah a pêk a; A rochan chunga chun a lunginsen tah a.

ISAI 55:2

Bu ni si loah ieng dinga tangka in sêng am a na? Khawp le tlaina ni si loah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

JEREMIA 17:10

Kei LALPA hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 4:26

Ka hei en a, ngai ta, ram rahlâwktakhai khawm chu thlalêr a lo ni tah a, chutaka khawpuihai po po chu LALPA hmaihmaa le, a lungin- senna ṭiumtak hmaa chun a lo chim tâwl tah a.

JEREMIA 9:5

Chuongchun, mi tin chun mâni tuolbâwm chu hlêm a ta, thu dik hril naw ni; an lei chu khêlthu hril dingin an inchûktir tah a; thil suol thaw dingin anni le anni chu an insuk- lungzîng a.

HOSEA 8:7

Thli an chîng a, thli sie an sîk ding a ni sih a, Kûng ngîr a nei nawh a, a zîk khawm chun ra insuo naw ni; Insuo khawm ni sienla, mikhuolhaiin fa zo an tih.

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw nih a, rama thinghai khawm chun ra an insuo naw ding a ni sih a.

MIKA 6:15

Chîng chu chîng i ta, sîk naw ti ni, oliv rahai chu sirsâwr i ta, nisien- lakhawm, a hriek chu nâl naw ti ni; grêp ra chu sâwr la khawm, a uoin chu dâwn naw ti ni.

HABAKKUK 2:13

En ta u, hnamhai chu teploah anni an insuklungkham a, Chi tinhai chun mei ta dinga sin an inrim hi, Sipaihai LALPAA inthawk ni lo am a nih?

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei nawh a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlaw- tu khawm chu ip mawng inâwnga thlâk el dingin a hlaw a nih,” tiin.

HAGGAI 1:9

“Tamtak chu in zawng hlak a, anachu, tlâwmte a hung ni el hlak; ina in hung lâk lût pha khawmin, ka lo mût hmang el hlak. Ieng leiin am?” Sipaihai LALPA chun a tih. “Ka in hienga sieha um zing siin, mi tin mâni in sengah in tlân hlak leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

DÂN PAHNINA 28:38

Loah bu chi tamtak fe suokpui in ta, tlâwmte bak sîk in tih, khâuin an fâk zo vawng ding a nih.