JEREMIA 11:23 - Pathien Lekhabu Inthieng (BSI)

²³ anni laia tukhawm hla um naw ni hai; Anathoth mihai chunga chun thil ṭha naw, anni hung hremna kum chu ka hung intlungtir ding a ni sih a,” tiin.

JEREMIA 11:23 ပူးပေါင်းရင်းမြစ်များ

JEREMIA 11:19

Nisienlakhawm, berâmte zai- nêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun sât thlâng ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet nawh a.

JEREMIA 23:12

Chuleiin, an lampui chu an ta dingin inthim laia hmun innâltak ang chu nîng a ta; hnawtin um an ta, chutaka chun tlûng an tih, an chunga chun thil ṭha naw, anni hremna kum ngei chu ka hung intlungtir ding a ni sih a, LALPA chun a tih.

JEREMIA 44:27

Ngai ta u, thil ṭha tiengah ni loin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwl- hnâm dâma anni chu sukbohmang nîng an tih.

JEREMIA 46:21

A sûnga mi inhlawfahai khawm chu, ran ina bâwngtêhai ang an nih; anni khawm chu an hnungkîr a, an tlân hmang hmunkhat a; an ngir hrim hrim nawh; an lunginzingna ni, anni hremna hun chu an chungah a hung tlung si a.

JEREMIA 48:44

Ṭitnaa inthawka tlân chu khur- thima chun tlâng a ta, khurthima inthawka suok chu chânga chun âwk a tih; anni hremna kum chu ama chungah, Moab chunga ngei chun, kân tlungtir ding a nih, LALPA chun a tih.

JEREMIA 5:29

Hieng thilhai lei hin ka hung hrem naw ding am a nih? LALPA chun a tih; hnam hieng ang chunga hin ka thlarau chun phuba a lâk naw ding am a nih?

JEREMIA 5:9

Hieng thilhai lei hin ka hung hrem naw ding am a nih? LALPA chun a tih; ka thlarau chun hieng ang hnam chunga hin phuba a lâk naw ding am a nih?

JEREMIA 50:27

A bâwngchalhai po po chu that vawng unla, sa thattu kuomah infetir ro; an chung a va rik de! an ni, anni hung hremna hun chu a hung tlung ta sih a. Babulon rama inthawka tlân- sea suokthlenghai râwlhai chu e!

JEREMIA 6:9

Sipaihai LALPA chun hieng hin a tih: Grêphrui angin Israel la um sunhai chu zenfai vawng an tih, grêp sîktuhai angin i kut chu paikâwnga chun ban nâwk rawh.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk nawh a, chuleiin, a tluhai laia chun tlu vêng an ta, anni chu hrem an ni huna chun, LALPA chun a tih.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau nei mi chu mi invêt a nih.

OBADIA 1:18

Jakob sûnghai chu mei nîng an ta, Josef sûnghai chu meichawk nîng an tih. Esau sûnghai chu bupâwl ding nîng an ta, anni lai chun chawk an ta, kâng hmang vawng an tih; Esau sûng- hai chu a mahla hrim um naw ni hai; LALPA chun a ti ta sih a.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lungin- zîngna ni nîng a tih.

LUKA 19:44

i sûngah i nauhai le nang leh hnuoiah pei rak an ti che; i sûngah lung inthuo hrim hrim hla naw ni hai, an fang lai che i hriet naw leiin,” tiin.