JEREMIA 11:20 - Pathien Lekhabu Inthieng (BSI)

²⁰ Nisienlakhawm, aw sipaihai LALPA, indiktaka rorêltu, lungril le hrietnahai fietu, anni chunga i phubalâkna chu mîn hmutir rawh; nangma kuoma chu ka thu chun ka hung târlang sih a.

JEREMIA 11:20 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si nawh a; nang êm chun i thaw âwm êm si nawh a: hnuoi chung po po Rorêltu chun feltakin a thaw naw ding am a nih?” a ta.

2 LALHAI 19:14

Chun, Hezekia chun a mitirhai kuta inthawk chun lekha a hmuh a, a hang tiem a: chuongchun, Hezekia chu LALPA ina chun a hang lût a, LALPA hmaa chun a phar a.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân tah a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

JOB LEKHABU (THE BOOK OF JOB) 5:8

“Ka chungthua chun Pathien tieng zawng ka ta, Pathien kuomah ka chungthu chu inkawltir ka tih.

INPÂKNA HLABU 139:23

Aw Pathien, nguntakin mi en suok la, ka lungril hi hre rawh, Mi fie la, ka ngaituonahai hi hre rawh.

INPÂKNA HLABU 35:2

Phaw chîn le phaw lien chel la, Mi ṭhangpui dingin ngîr rawh.

INPÂKNA HLABU 43:1

Aw Pathien ro mi rêlpêk la, Pathien ngaisak naw hnam chunga hin ka thu mi hrilpêk rawh; Aw, mi hlêmhmang mi indik nawa inthawk hin mi sanhim rawh.

INPÂKNA HLABU 57:1

Aw Pathien, mi lunginsiet rawh: Ka hringna hi nangmaa chun a hung tlulût sih a: Anih, i thla hnuoia chun himna zawng ka tih, Vângduoinahai hi ân kieng hmakhat chun.

INPÂKNA HLABU 58:10

Mi fel chun phubalâkna chu a hmuin lâwm a ta, Mi rilo thisena chun a ke chu sâwp a tih.

INPÂKNA HLABU 7:10

Ka phaw chu Pathien kuomah a um a; Ama chu lungril indiktak put sandamtu a nih.

INPÂKNA HLABU 7:8

LALPA chun mi tin chungah ro a rêl hlak; Aw LALPA, keimaa felna le, ka lungrila ṭhatna um ang peiin ro mi rêlpêk la;

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak sih a.

INPÂKNA HLABU 98:9

Hnuoi ro rêl dingin a hung ding a ni sih a, Khawvêl hi feltakin ro rêlpêk a ta; Thlierbîk nei loin mi tin ro chu rêl a tih.

JEREMIA 12:1

Aw LALPA, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

JEREMIA 12:3

Nisienlakhawm, aw LALPA, nang chun i mi hriet a, i mi hmuh a, nanga tienga chun ka lungril chu i fieh a, sathattu ta dinga berâmhai ang chun kei suok la, thatna ding nia ang chun anni chu buotsai rawh.

JEREMIA 15:15

Aw LALPA, nang chun i hriet a; mi hre zing la, mi hung sir la, a mi hremtuhai chu phuba hung la rawh; i teireingaitheina chun mi la hmang naw la, nangma lei chun kâwkna ka tuor a ni ti hre rawh.

JEREMIA 17:10

Kei LALPA hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 17:18

Kei mi sukrinumtuhai chu in- zakhai sienla, kei ruok chu mîn zaktir naw rawh; anni chu inbeidawngtir la, kei ruok chu mi sukbeidawng naw rawh; an chunga chun ni ṭha naw chu hung intlungtir la, anni sietna thuo hniin sukse rawh.

JEREMIA 20:12

Nisienlakhawm, aw sipaihai LALPA mi fel chu fieh a, lungril le lungvar hmutu, anni chunga i phu- balâk chu mîn hmutir la; nangma kuoma ngei chun ka chungthu chu ka hung târlang sih a.

ṬAP HLA 3:58

Aw LALPA, ka thla chungthu chu nangin i ṭan a, nangin ka hringna i sanhim a.

ṬAP HLA 3:59

Aw LALPA kân dik nawna i hmuh a; ka chungthu nangin rêl la.

ṬAP HLA 3:64

Aw LALPA, an kuthaia an sinthaw ang peiin nangin thungna pe la.

EZEKIEL 11:5

Chun, LALPA thlarau chu ka chungah a hung tlung a, ka kuoma chun, “LALPA chun hieng hin a tih ti hril rawh: Aw Israel sûngkuohai, chuong ang chun in hril am a ni; in lungrilhaia thil hung lûthai chu ka hriet sih a.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

PHILIPPI 4:6

Iengkimah ṭawngṭai le hniin lâwmthu hrilsa peiin in dithai chu Pathien kuomah inhriettirin um lem raw se.

2 TIMOTHE 4:14

Alexander, dâr sung thiem kha ka chungah a suol bêk bêk hlak a nih;

1 PETER 2:23

Mi hala a um laiin a hal ve thung nawh a, a tuor laiin a vau nawh a, feltaka ngaituo hlaktu kuoma chun ân pêk lem a nih.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

1 SAMUEL 16:7

Nisienlakhawm, LALPA chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, LALPA chun mihriem en dân angin a en ve si nawh a, mihriem chun puotienga inlang dân an en hlak a, LALPA ruok chun lungril tieng a en lem hlak a nih,” a ta.

1 SAMUEL 24:15

Chuleiin, LALPA chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.